ប្រុសព្រាននារី និងសាវាខ្លាំង អាចបញ្ឈប់ចរិតព្រានរបស់ខ្លួនបាន ពេលស្រលាញ់គ្នាជាមួយមនុស្សស្រីដែលមានចរិត ៤យ៉ាងនេះ
មនុស្សប្រុសភាគច្រើនសម័យនេះចូលចិត្តមានស្នេហាច្រើននៅក្នុងពេលតែមួយ ដែលគេហៅថាបុរសសាវា ដោយបុរសបែបនេះ ក្រៅពីមានភាពទាក់ទាញមនុស្សស្រីឱ្យចោមរោមហើយ អាចថាជាបុរសមានមន្តស្នេហ៍ បុរសដែលមានសមត្ថភាព និងបុរសដែលមានទ្រព្យសម្បត្តិជាដើម តែក៏មានបុរសខ្លះមានចរិតសាវាដោយសារតែអត្តចរិតផ្ទាល់ខ្លួនតែម្តង។
យ៉ាងណាមិញដូចយើងដឹងហើយថា បុរសសាវាមិនងាយស្រលាញ់នារីណាពិតប្រាកដទេ បើនារីណាដាក់ចិត្តស្រលាញ់បុរសនេះហើយច្បាស់ណាស់ប្រាកដជាទឹកភ្នែកជូតក្បាលជង្គង់ហត់នឿយនឹងចរិតរកស្រីលួចលាក់ក្រៅរាប់មិនអស់ជាមិនខាន ហើយពេលខ្លះគេអាចនឹងបោះបង់អ្នកចោលក៏ថាបានដែរ។ តែមិនមែនបុរសសាវាមិនចេះមានស្នេហានោះទេ នោះទាល់តែបុរសសាវា ឬព្រាននារី បានជួបនារីពិសេសដែលអាចចាប់យកបេះដូងគេបានទៀតគេអាចបញ្ឈប់ចរិតព្រាននេះបាន។
តោះ មកដឹងពីចរិតរបស់ស្រ្តី ៤ យ៉ាង ដែលអាចបញ្ឈប់ប្រុសព្រាន ឬបុរសសាវាបាន៖
១. នារីស្ងប់ស្ងាត់
ទោះជាស្ត្រីមានចរិតស្ងប់ស្ងាត់ មិនសូវមាត់ក តែនាងហាក់បានដឹងរឿងអ្វីគ្រប់បែបយ៉ាង តែនាងបែរជាមិនរករឿង សួរនាំ ឬនិយាយស្តីឡើយ ហើយចរិតបែបនេះហើយធ្វើឱ្យប្រុសព្រានខ្លាចរអារ ខ្លាចចិត្ត និងក្រែងចិត្តជាខ្លាំង។
២. នារីខ្លាំង ម៉ាត់ណាម៉ាត់ហ្នឹង
នារីបែបនេះជានារីដែលមិនសូវចេះនិយាយស្តីច្រើនតាប៉ែច្រើនដងទេ ប្រសិនជានាងហាមអ្វីហើយ ហើយនាងនឹងធ្វើបែបនះដាក់អ្នកដោយមិននិយាយរកហេតុផលទៀតទេ បើអ្នកធ្វើខុសពីអ្វីដែលនាងបានហាម។ បើអ្នកកុហក មកផ្ទះយឺត ឬមានកំហុសអ្វីមួយ នាងនឹងដាក់ទោសអ្នកដោយទង្វើជាជាងការនិយាយស្តី នាងអាចឈប់និយាយរកអ្នក ដាក់ទណ្ឌកម្មផ្លូវចិត្ត និងធ្វើសកម្មភាពរបស់នាងតាមធម្មតា រីករាយដូចធម្មតា តែរាល់សកម្មភាពរបស់នាងគឺគ្មានអ្នកនៅក្នុងចិត្ត ឬអ្នកនៅនឹងមុខនាងឡើយ។ ទណ្ឌកម្មផ្លូវចិត្តនេះហើយ ធ្វើឱ្យបុរសសាវាខ្លាចរអាបំផុត ជាងការឈ្លោះ រករឿង ទៅទៀត។
៣. នារីល្អ ស្មោះត្រង់
ពាក្យចាស់ពោលថា គ្មានអ្វីឈ្នះអំពើល្អបានទេ ទោះថ្ងៃនេះគេមើលមិនឃើញ ថ្ងៃក្រោយគេនឹងដឹង ហើយមិនខុសពីបុរសដែលអាក្រក់ ឬសាវាប៉ុណ្ណាទេ ទីបញ្ចប់គេនៅតែចាញ់ចិត្តលើនារីល្អ។ នារីល្អគឺជា មនុស្សល្អនឹងតែម្តង សុភាព ទន់ភ្លន់ តែមិនទន់ជ្រាយ មិនកាចពេក ចេះស្តាប់ចេះមានហេតុផល ចេះយល់ចិត្ត អាចអត់ទ្រាំការលំបាក និងមានសេចក្តីស្នេហាស្មោះត្រង់ចំពោះអ្នកខ្លាំងបំផុតទោះពេលខ្លះនាងមានការឈឺចាប់ដោយសារតែអ្នកក៏ដោយ។ ស្នេហាស្មោះរបស់នាង នឹងធ្វើឱ្យនាងក្លាយជាគូស្នេហ៍ និងភរិយា ដែលមានសេចក្តីស្មោះត្រង់ស្មោះស្ម័គ្របំផុត មិនថាអ្នកមាន ឬក្រ ធ្លាក់ខ្លួនយ៉ាងណា នាងនៅតែក្បែរអ្នក ស្រលាញ់អ្នក និងតស៊ូអត់ទ្រាំជាមួយអ្នកដោយមិនបោះបង់អ្នកចោលឡើយ។
៤. នារីពូកែគ្រប់រឿង
នាងគឺជាមនុស្សស្រីដែលមានសមត្ថភាពគ្រប់យ៉ាង មិនថាការងារក្នុងផ្ទះ ចង្ក្រានបាយ ការងារ រកស៊ី ការងារផ្សេងៗ និងរឿងលើគ្រែផងដែរ។ នារីបែបនេះ ធ្វើឱ្យបុរសស្រលាញ់ងប់ងល់ដកខ្លួនមិនរួចហើយមានអារម្មណ៍មោទនភាពចំពោះខ្លួនឯង ដែលខ្លួនមានរីល្អគ្រប់១០បែបនេះនៅក្បែរ។ ជាពិសេសដោយសារតែនាងជាមនុស្សមានសមត្ថភាពខ្លួនឯងបែបនេះហើយ ធ្វើឱ្យបុរសមិនមានអារម្មណ៍ថាមានបន្ទុក ឬសម្ពាធ ព្រោះនាងពូកែស្រាប់ អាចធ្វើអ្វីដោយខ្លួនឯងបានដោយមិនបាច់ពឹងពាក់បុរសឡើយ៕
ព័ត៌មានថ្មីៗ
