ចេះតែជិះហួសមកហួស! ការពិតរីហ្សតនៅជិតបង្កើយនៅក្បែរភ្នំពេញយើងសោះ ទិដ្ឋភាពវិញស្អាតខ្លាំងស្ទើរមិនចង់ព្រិចភ្នែក
កាលមួយរយៈមុន រមណីយដ្ឋានទេសចរណ៍កំពូលពេជ្រ ឬអន្លង់ភ្ញៀវ ទទួលបានប្រជាប្រិយភាពខ្លាំងមែនទែន ថាជារមណីយដ្ឋានធម្មជាតិបែបកែច្នៃ ដែលមានសម្រស់ស្រស់ស្អាត ដោយការកែច្នៃសួនច្បារ ដើមផ្កាចម្រុះពណ៌ អមនឹងជួរភ្នំនៅខាងក្រោយ និងមាន ក្យូសលម្ហែកាយប្របតាមមាត់ទឹកលើផ្ទៃដីដ៏ធំល្វឹងល្វើយគួរជាទីគយគន់ត្រជាក់ចិត្ត។
តែកាន់តែពិសេស ពេលនេះរមណីយដ្ឋាន ដ៏ស្រស់ត្រកាលមានទិដ្ឋភាពធម្មជាតិលំហែរចិត្តមួយនេះ បានកែប្រែរូបរាងក្លាយជា រីហ្ស៊តសម្រាប់ភ្ញៀវទេសចរណ៍អាចមកលេងថតរូបកម្សាន្តក៏បាន ហើយមកស្នាក់នៅមួយយប់លំហែរអារម្មណ៍បំបាត់ក្តីនឿយហត់ក៏បាន ដោយប្រែឈ្មោះថា « កំពូលពេជ្រ រីស៊ត KompulPech Resort »។
« កំពូលពេជ្រ រីស៊ត» មិនត្រឹមតែរក្សាសោភណ្ឌភាពរមណីយដ្ឋានឱ្យស្រស់ស្អាតដដែលនោះទេ តែថែមទាំងមានការរចនាសួនច្បារ សួនផ្កា មានការកែច្នៃទីតាំងកាន់តែច្រើនជាងមុនដែលជាទីពេញនិយមថតរូបស្អាតៗ មានទាទឹកជិះលេងកម្សាន្ត មានកញ្ចុះមាត់ទឹកអាចអង្គុយលេង ឬទទួលទានអាហារ ជាមួយនឹងបាយម្ហូបកុម្ម៉ង់ឆ្ងាញ់ៗជាច្រេីនមុខក្នុងតម្លៃសមរម្យ មានសួនទឹកធំសម្រាប់ក្មេងៗងូតលេងកម្សាន្ត ពិសេសគឺមានបន្ទប់បឹងហ្គាឡូសម្រាប់ស្នាក់នៅផងដែរ អមដោយទិដ្ឋភាពពណ៌បៃតងស្រងាត់ កណ្តាលហ្វូងភ្នំដ៏ស្រស់ត្រកាលនៃខេត្តតាកែវប្រទេសកម្ពុជាយើងតែម្តង។
គួរឱ្យដឹងផងដែរថា ដើម្បីធ្វើដំណើរទៅដល់ «កំពូលពេជ្រ រីស៊ត» លោកអ្នកត្រូវធ្វើដំណើរតាមផ្លូវជាតិ ៤១ បត់ស្ដាំតាមផ្សារត្រពាំងអណ្ដើក (បើបត់ឆ្វេងផ្សារអង្គតាសោម) ចម្ងាយប្រមាណ ១៥ គីឡូម៉ែត្រ ផុតផ្លូវជាតិចូលផ្លូវលំ នឹងទៅដល់រីស៊តនោះហើយ ដែលមានទីតាំងស្ថិតក្នុងភូមិអន្លង់ភ្ញៀវ ឃុំត្រពាំងគ្រញូង ស្រុកត្រាំកក់ ខេត្ដតាកែវ ។ សម្រាប់ព័ត៌មានបន្ថែមទាក់ទងនឹងទីតាំង និងតម្លៃនៃការស្នាក់នៅបឹងហ្គាឡូ សូមទំនាក់ទំនងទៅកាន់ក្រុមការងាររីហ្សត កំពូលពេជ្រ តាមរយៈលេខទូរស័ព្ទ 066826789/012942270៕
អត្ថបទកែសម្រួលដោយ៖ ក្នុងស្រុក
រូបថតដោយ៖ Anajak អាណាចក្រ
#តើលោកអ្នកកំពុងតែស្វែងរកអ្នកដែលមានជំនាញដើម្បីផ្តិតយកទិដ្ឋភាពនៃកំរងរូបភាព និងខ្សែវីដេអូដែលមានភាពច្នៃប្រឌិតខ្ពស់ ដើម្បីផ្សព្វផ្សាយលើរមណីយដ្ឋាន និងរីស៊តរបស់លោកអ្នកមែនទេ? ទាក់ទងមកឥទ្បូវនេះដើម្បីទទួលការប្រឹក្សាយោបល់ Anajak Event (098 45 7778, 076 55 77778)៕
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
