កុំភ័យ និងបារម្ភពេលមានទំនាក់ទំនងស្នេហាជាមួយមនុស្សស្មោះដូចខ្ញុំ ព្រោះតែចំណុចអស់ទាំងនេះ
ស្ថិតនៅក្នុងទំនាក់ទំនងស្នេហា ប្រសិនជាខ្ញុំសម្រេចចិត្តថាស្រលាញ់អ្នក និងទទួលយកអ្នកហេីយ កុំព្រួយបារម្ភឡេីយថាខ្ញុំនឹងមានចិត្តងាករេ ក្បត់ចិត្តអ្នកនោះ ព្រោះខ្ញុំនឹង...
-ស្រលាញ់តែអ្នកម្នាក់គត់ មិនលួចក្បត់ ឬសម្លឹងមេីលអ្នកផ្សេងឡេីយ
-នៅក្នុងកែវភ្នែកខ្ញុំ គ្មានអ្នកណាល្អជាងអ្នក សង្ហា ឬស្អាតដូចអ្នកឡេីយ
-ខ្ញុំមានសេចក្តីស្មោះត្រង់បំផុត ស្រលាញ់តែអ្នក នឹកតែអ្នក រង់ចាំឆាតតែអ្នក និងចង់ជួបអ្នក ឬចង់ចំណាយពេលវេលាជាមួយតែអ្នកម្នាក់ប៉ុណ្ណោះ
-ប្រសិនជាខ្ញុំរវល់ ឬខ្ញុំទៅណាមកណា ខ្ញុំនឹងខលប្រាប់ ឆាតប្រាប់អ្នក ឬថតរូបឱ្យអ្នកមេីល ដេីម្បីឱ្យអ្នកដឹងថាខ្ញុំនៅទីណា ធ្វេីអ្វី និងនៅជាមួយអ្នកណា..ព្រោះខ្ញុំមិនកុហកអ្នក មិនទុកឱ្យរង់ចាំ និងឱ្យអ្នកបារម្ភពីខ្ញុំនោះទេ
-ខ្ញុំអាចនឹងខឹងអ្នក អន់ចិត្តនឹងអ្នក ឈ្លោះប្រកែកនឹងអ្នក Care អ្នក ប្រចណ្ឌនឹងអ្នកខ្លះ តែវាបណ្តាលមកពីក្តីស្រលាញ់តែមួយមុខគត់ ហេីយក្នុងទំនាក់ទំនងស្នេហានេះជឿចុះ ទោះមានរឿងខឹងអន់ចិត្តបែបណា ខ្ញុំមិនលួចក្បត់ អស់ចិត្ត ឬសុំអ្នកបែកមុនឡេីយ
-ខ្ញុំអាចនឹងមានពេលមិនសប្បាយចិត្ត អន់ចិត្ត និងខឹងខ្លះ តែសុំឱ្យយល់ថា ត្រឹមពាក្យសុំទោស សុំត្រឹមពាក្យផ្អែមល្ហែម មកជួបខ្ញុំ កាន់ដៃខ្ញុំ ហេីយឱបខ្ញុំតែបន្តិច ខ្ញុំនឹងបំភ្លេចគ្រប់យ៉ាងហេីយ
-ខ្ញុំអាចនឹងមានកំហុស ខ្ញុំអាចនឹងមានចំណុចអវិជ្ជមានខ្លះ តែសូមមកនិយាយប្រាប់ខ្ញុំត្រង់ៗតាមសម្រួល ខ្ញុំនឹងស្តាប់តាមអ្នក ព្រោះខ្ញុំគោរព និងឱ្យតម្លៃអ្នក
-ថ្ងៃពិសេស ខ្ញុំមិនទាមទារអ្វីពីអ្នកច្រេីនឡេីយ តែអ្វីដែលខ្ញុំចង់បាននោះ គឺពេលវេលា...សុំឱ្យថ្ងៃពិសេសៗទាំងអស់យេីងអាចឆ្លៀតពេលញ៉ាំអីឆ្ងាញ់ៗជាមួយគ្នា ដេីរលេងជាមួយគ្នា ឬយ៉ាងហោចក៏បានជួបមុខគ្នាបន្តិចក៏ខ្ញុំអស់ចិត្តដែរ
-ខ្ញុំអាចនឹងមិនមែនជាគូស្នេហ៍ល្អគ្រប់យ៉ាង តែគ្រប់យ៉ាងខ្ញុំធ្វេីព្រោះក្តីស្រលាញ់ ហេីយក្តីស្រលាញ់ដែលមានចំពោះអ្នក ខ្ញុំអាចនឹងកែប្រែចំណុចខ្វះខាតដេីម្បីអ្នកបាន...
ហេីយ...អ្វីដែលខ្ញុំបានរៀបរាប់ខាងលេី ខ្ញុំពិតជាអាចធ្វេីបាន ប្រសិនជាខ្ញុំសម្រេចចិត្តប្រគល់ក្តីស្រលាញ់ជូនអ្នក...តែសូមឱ្យអ្នកស្រលាញ់ និងជឿជាក់លេីខ្ញុំដូចគ្នា...សូមកុំទុកខ្ញុំចោល សុំកុំបាត់ខ្លួនមិនទាក់ទង ឬឆាតមកខ្ញុំលេីសពី ២៤ម៉ោង ។ សូមផ្តល់ពេលវេលាឱ្យខ្ញុំខ្លះ រវល់យ៉ាងណាក៏គួរតែឆាតមកខ្ញុំបន្តិច ឬមកជួបខ្ញុំឱ្យបានឃេីញមុខ ១អាទិត្យត្រឹមតែម្តងខ្ញុំក៏អស់ចិត្ត...កុំស្ងាត់ខុសធម្មតា កុំធ្វេីឱ្យខ្ញុំគិតច្រេីនម្នាក់ឯងអី...ដឹងទេ ខ្ញុំក៏ចេះអន់ចិត្ត និងលួចយំម្នាក់ឯងដែរ!
ហេីយពិសេសនោះ សុំកុំកុហកខ្ញុំ សុំកុំលួចក្បត់ខ្ញុំ និងលួចលាក់មានអ្នកផ្សេងអី តែបេីអ្នកសម្រេចចិត្តថាឈប់ស្រលាញ់ខ្ញុំ ឈប់ត្រូវការខ្ញុំ អស់ចិត្តពីខ្ញុំហេីយ និងមានអ្នកថ្មីហេីយ សូមមេត្តា...មកប្រាប់ខ្ញុំត្រង់ៗមក ខ្ញុំនឹងទទួលយក ហេីយដេីរចេញពីជីវិតអ្នកដោយសន្តិវិធី...សុំកុំប្រេីការមិនអេីពេី ភាពស្ងប់ស្ងៀម ការឈប់ទំនាក់ទំនងមក ឬការទុកខ្ញុំចោល ដេីម្បីជាលេសបែកគ្នាអី ព្រោះទង្វេីបែបនេះធ្វេីឱ្យខ្ញុំឈឺជាងពាក្យសុំបែកទៅទៀត...ដូច្នេះបែកគ្នាក៏សុំបែកត្រង់ៗមកណា !
អត្ថបទ៖ កវីលាក់ស្នេហ៍-ប្រលោកលោក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
