ស្គាល់ទេ! នេះជា ត្រីសំពោច ជាត្រីកម្រដែលអាចឡើងដើមកោងកាងបាន ដើរនៅលើដីបាន ហែលទឹកបាន ឡើងតាមជំរៀលភ្នំក៏បាន
នៅប្រទេសកម្ពុជាយើងមានធនធាន និងសម្បត្តិធម្មជាតិជាច្រើន រហូតគេហៅថា ជាប្រទេសតូចតែសម្បូរ។ នៅក្នុងនោះមច្ឆជាតិ ទាំងក្នុងទឹកសាប និងទឹកប្រៃ មានច្រើនប្រភេទ ច្រើនពូជ និងច្រើនសណ្ឋានណាស់ ដែលពូជខ្លះជាប្រភេទពូជកម្រមិនមាននៅក្នុងប្រទេសដទៃ ថែមទាំងត្រីខ្លះសូម្បីតែនៅក្នុងប្រទេសកម្ពុជាមិនសូវជាមានច្រើនផងដែរ។
នៅក្នុងនោះ ត្រីសំពោច ត្រូវគេស្គាល់ថា ជាប្រភេទត្រីកម្រ និងប្រជាជនខ្មែរយើងមិនសូវជាបានស្គាល់ថែមទៀតផង។
យោងតាមរយៈគណនីហ្វេសប៊ុក កសិដ្ឋានចិញ្ចឹមក្ដាមថ្មធម្មជាតិ ទឹកថ្លា ព្រែកទាល់ បានឱ្យដឹងថា៖ « គេហៅថាត្រីសំពោច នៅតំបន់ខ្ញុំគេហៅចឹង គឺជាត្រីដែលអាចឡើងដើមកោងកាងបាន ដើរនៅលើដីបាន ហែលទឹកបាន ឡើងតាមជំរៀលភ្នំក៏បាន ខាងកសិដ្ធានខ្ញុំបានប្រមូលទិញពីអ្នកនេសាទ រាល់ថ្ងៃយកទៅប្រលែងនៅក្នុងព្រៃ »។
គួរបន្ថែមផងដែរថា ត្រីសពោចនេះ ត្រូវបានគេឱ្យដឹងថា វាមានជាភាសារអង់គ្លេសថា Mudskipper ជាត្រីភក់វាមិនឡើងដើមកោងកាងទេ លើកលែងតែដើមកោងកាងលិចទឹកសល់ចុងៗ វាក៍មិនអាចឡើងជំរាលភ្នំដែរ វារស់នៅតាមតំបន់ដែលមានទឹកជោរ នាច តាមឆ្នេរសមុទ្រប៉ុណ្ណោះទេ៕
អត្ថបទ៖ ក្នុងស្រុក
ព័ត៌មានថ្មីៗ
