បទ មិនយល់ របស់ក្រុម Ice Band ចាក់ចំបេះដូងយុវវ័យខ្លាំងពេកធ្វើឲ្យបទនេះ ផ្ទុះឡើងខ្លាំងសារជាថ្មីម្តងទៀត (មានវីឌីអូ)
ក្រុម Ice Band គឺជាក្រុមចម្រៀងមួយដែលស្ថិតនៅក្នុង ផលិតកម្មថោន ដោយមានលោក ដា ភ្លេង គឺជាអ្នកចម្រៀងនិងជាប្រធានក្រុម។
តាំងពីក្រុមIce Band បង្កើតឡើងមកសង្កេតឃើញថា គ្រប់បទដែលចេញផ្សព្វផ្សាយទៅក្រៅជូនទៅមហាជនស្តាប់ សុទ្ធសឹងតែជាបទដែលទទួលការគាំទ្រខ្លាំងពីសំណាក់មហាជនទូទាំងផ្ទៃប្រទេស ជាពិសេសគឺយុវវ័យតែម្តង ព្រោះបទដែលក្រុម Ice Band បានផលិតសុទ្ធសឹងតែជាបទដែលចាក់ចំបេះដូងអ្នកស្តាប់ ធ្វើឲ្យអ្នកស្តាប់ ស្តាប់ហើយចង់ស្តាប់ទៀត ស្តាប់មិនចេះជិនណាយ។
ខាងក្រោមនេះគឺជាបទមួយចំនួនដែលក្រុមIce Band បានផលិត៖
បទ៖ តោះស្រលាញ់គ្នាមួយស្មើ
បទ៖ អារម្មណ៍សល់
បទ៖ នឹកនា
បទ៖ ស្រលាញ់គេអស់ពេក ព្រមទាំងបទចម្រៀងជាច្រើនទៀតនៅក្នុងផលិតកម្មថោន។
ហើយនៅពេលថ្មីៗនេះផងដែរ បទ មិនយល់ របស់ក្រុម Ice Band ដែលច្រៀងដោយ លោក ដា ភ្លេង ស្រាប់តែផ្ទុះការគាំទ្រខ្លាំងសារជាថ្មីម្តងទៀត។ ព្រមទាំងមានអ្នកCover ជាច្រើននៅលើសង្គម Facebook YouTube មិនត្រឹមតែប៉ុណ្ណឹងទេ សូម្បីតែBand ដែលលេងនៅតាម ភោជនីដ្ឋាន Pub និង Clubកម្សាន្ត ក៏ច្រៀងបទ មិនយល់ របស់លោក ដា ភ្លេងច្រើនផងដែរ។
បញ្ជាក់ផងដែរថា បទ មិនយល់ របស់ក្រុម Ice band ត្រូវបាននិពន្ធទំនុកច្រៀងដោយលោក David King
ចំណែកទំនុកភ្លេងវិញគឺត្រូវបាននិពន្ធឡើងដោយក្រុម Ice Band ផ្ទាល់តែម្តង។
ចង់ដឹងថាបទនេះចាក់ចំបេះដូងយុវវ័យខ្លាំងបែបណា ទើបធ្វើឲ្យបទនេះផ្ទុះឡើងសារជាថ្មីម្តងទៀតនោះ
សូមទស្សនាវីឌីអូខាងក្រោម៖
ព័ត៌មានថ្មីៗ
