៣ឆ្នាំប្តូរពីសង្សារពីគូដណ្តឹង! ទោះបីគាត់ជាមនុស្សប្រុសមិនទាន់មានអ្វីគ្រប់យ៉ាងដូចគេ ប៉ុន្តែពួកយើងអាចចាប់ដៃគ្នារកវាបាននៅពេលក្រោយបាន
គូស្នេហ៍ដែលស្រលាញគ្នាស្មោះស្ម័គ្រ ច្បាស់ណាស់ប្រាកដជាចង់ចាប់ដៃគ្នាតាមប្រពៃណីជាគូដណ្តឹង ឬរៀបការតាមប្រពៃណី រួមរស់ជាមួយគ្នាស្របច្បាប់ដើម្បីសាងសុភមង្គល។
តែយ៉ាងណាមានគូស្នេហ៍ជាច្រើនបានបង្អាក់គម្រោងសាងអនាគតរួមគ្នា ដោយសារតែបញ្ហាប្រឹងប្រែងរកលុយ ប្រឹងប្រែងស្វែងរក និងសាងអ្វីឱ្យមានគ្រប់យ៉ាងសិនទើបសម្រេចចាប់ដៃគ្នាទៅអនាគត តែមិនប្រាកដថាការសាងអ្វីគ្រប់យ៉ាងឱ្យបានគ្រប់សព្វប្រើរយៈពេលឆាប់រហ័សឡើយ។
តែគួរឱ្យសរសើរគូស្នេហ៍មួយគូ ដោយហេតុតែក្តីស្រលាញ់ស្មោះស្ម័គ្រ និងមិនចង់បណ្តោយឱ្យពេលវេលាចេះតែទៅមុខឱ្យមនុស្សស្រីដែលខ្លួនរង់ចាំយូរ ក៏បានសម្រេចចិត្តចូលស្តីដណ្តឹងមនុស្សស្រីដែលខ្លួនស្រលាញ់ ហើយចាំតស៊ូលំបាកជាមួយគ្នានាពេលក្រោយវិញ។
តាមរយៈគណនីហ្វេសប៊ុក Soo LiiTa បានរៀបរាប់ពីចំណងស្នេហារបស់ខ្លួនថា៖ «ទោះបីគាត់ជាមនុស្សប្រុសមិនទាន់មានអ្វីគ្រប់យ៉ាងដូចគេប៉ុន្តែពួកយើងអាចចាប់ដៃគ្នារកវាបាននៅពេលក្រោយ🏡🚖💰🥰💪🏻ខំប្រឹងតស៊ូជាមួយគ្នារឿងលំបាកមិចក៏ជួបតែមិនទាន់អស់ទេនៅមានទៀត😑តែពួកយើងនៅតែមិនព្រមបោះបង់ចោលទេនៅតែខំដើរទៅមុខជាមួយគ្នាអស់រយះពេល3ឆ្នាំក៏សម្រេចចិត្តផ្លាស់ប្តូរពីសង្សារទៅជាជាគូរដណ្តឹង💕🥰ហើយយើងសន្យានឹងខំដើរទៅមុខនឹងខំរកជាមួយគ្នាឪ្យដល់ថ្ងៃរៀបការ🤵👰❤️»។
ពិតគួរជាឱ្យសរសើរគុស្នេហ៍ទាំង២នេះមែន ទោះបីជាមិនទាន់មានអ្វីច្រើនដូចគេ តែក៏ស្ម័គ្រចិត្តកាន់ដៃគ្នាទៅតាមប្រពៃណី និងសុខចិត្តចាប់ដៃគ្នាសាងអនាគតរួមគ្នានាពេលក្រោយបន្តទៀត៕
ព័ត៌មានថ្មីៗ
