«វត្តឈើខ្មៅ» វត្តបុរាណ ដែលសាងសង់ឡើងនៅតំបន់ព្រៃរនាមដៃទន្លេសាប មានអាយុកាលជាង ១០០ឆ្នាំ ល្បីថាមិនដែលលិចទឹកទាល់តែសោះ
វត្តឈើខ្មៅ គិតរហូតមកដល់បច្ចុប្បន្នមានអាយុ១៣១ឆ្នាំ ហើយសាងសង់នៅលើទីតាំងដីទួលមួយព័ទ្ធជុំវិញដោយទឹកទន្លេទោះទឹកធំក្តីមិនដែលលិចទេ។ វត្តឈើខ្មៅស្ថិតក្នុងភូមិព្រៃចាស់ ឃុំព្រៃចាស់ស្រុកឯកភ្នំ ខេត្តបាត៎ដំបង មានចម្ងាយពីទីរូមខេត្តជាង៣០គីឡូម៉ែត្រដោយធ្វើដំណើរតាមផ្លូវទឹកប្រើប្រាស់កាណូតឬទូកម៉ាស៊ីនជាមធ្យោបាយ។
បើតាមឯកសាររបស់មន្ទីរទេសចរណ៍ខេត្តបានបញ្ជាក់ថាវត្តឈើខ្មៅនេះកាលដើមឡើយជាដីទួលមួយសម្បូរទៅដោយដើមឈើខ្មៅហើយគបានកាប់ឈើខ្មៅទាំងនោះយកមកសាងសង់ព្រះវិហារ ទើបគេឲ្យឈ្មោះវត្តឈើខ្មៅក្នុងជំនាន់ព្រះចៅអធិការវត្តព្រះនាមសឿ។ ទួលនេះគឺជាទួលសក្តិសិទ្ធិនៅក្នុងតំបន់ទន្លេសាបទោះបីជាមានទឹកជំនន់ធំប៉ុណ្ណាក៍ទួលដែលសាងសង់ព្រះវិហារនេះពុំដែលលិចទឹកទេហេតុនេះទើបអ្នកស្រុកប្រសិទ្ធិនាមថា” ទួលអណ្តែត”។
វត្តឈើខ្មៅនេះគឺជាវត្តបុរាណមួយដែលសាងសង់ឡើងនៅតំបន់ព្រៃរនាមដៃទន្លេសាប។ នៅរដូវប្រាំងព្រះវិហារនោះមើលទៅដូចជាប្រសាទមួយនៅកណ្តាលទន្លេ ដែលលិចធ្លោទៅលើអាកាស។ នៅលើទួលនេះមានសល់ទូក ង មួយគ្រឿងដែលគេកសាងឡើងតាំងពីពេលកកើតវត្តដែលទូកនេះធ្វើពីឈើខ្មៅ ដែលដុះនៅលើទួលនោះហើយមានបារមីសក្តិសិទ្ធិណាស់ប្រណាំងទូកពេលណាមិនដែលចាញ់គេទេ៕
ប្រភព៖ Khmer Architectural/ ស នីឡា
ព័ត៌មានថ្មីៗ
