ដឹងអត់ Saffron ជាប្រភេទផ្កាដ៏មានតំលៃបំផុត ជួយដល់សុខភាព និងសម្រស់ ហើយជាគ្រឿងទេសដែលឆ្ងាញ់បំផុតសំរាប់ឋានៈត្រកូលអភិជន
មនុស្សជាច្រើនប្រហែលជាដឹងហើយថា មានឈ្មោះថាផ្កាភាគច្រើនគឺមានរូបរាងស្រស់ស្អាត និងក្លិនក្រអូប ដែលពេលខ្លះអាចយកមកតុបតែងលំអ ធ្វើជាកាដូជូនមនុស្សជាទីស្រលាញ់ ឯផ្កាខ្លះក៏មានគុណប្រយោជន៍ច្នៃធ្វើជាឱសថបុរាណបានផងដែរ។
តែអ្នកប្រហែលជាមិនបានដឹងនោះទេថា នៅលើលោកយើងនេះមានផ្កាមួយប្រភេទ មិនត្រឹមតែមានសម្រស់ស្រស់ស្អាត និងក្លិនក្រអូប អាចច្នៃជាឱសថពិសេសតែចំពោះតម្លៃវាវិញគឺខ្ពស់កប់ពពកតែម្តង ដោយតម្លៃផ្កានេះ ១គីឡូក្រាម ប្រមាណជា ១ម៉ឺនដុល្លារឯណោះ នោះគឺផ្កា Saffron ។
Saffron ជាប្រភេទផ្កាដ៏មានតំលៃបំផុត ដែលមានអាយុកាលរាប់លានឆ្នាំ ដែលដុះនៅជ្រលងភ្នំនៃទ្វីបអឺរ៉ុប និង ចក្រភពអារ៉ាប់ តែភាគច្រើនត្រូវបានគេដាំនៅតាមតំបន់ដែលមានអាកាសធាតុក្តៅ ដូចជា ឥណ្ឌា អ៊ីរ៉ង់ អេស្បាញ អ៊ីតាលី និងតាមបណ្តាប្រទេសមួយចំនួនទៀត ហើយជាផ្កាដែលពេញនិយមបំផុតនៅក្នុងពិភពជំនួញ ដែលជួយដល់សុខភាព និង សម្រស់ ហើយ ជាគ្រឿងទេសដែលឆ្ងាញ់បំផុតសំរាប់ឋានៈត្រកូលអភិជនដើម្បីជួយបង្កើនរសជាតិអាហារក៏ដូចជាសោភ័ណ្ឌភាពរបស់អាហារ និងយកសម្រាប់ផលិតទឹកអប់ផងដែរ។
Saffron Flower ជាពូជផ្កាដ៏កម្រហើយមានតម្លៃថ្លៃខ្លាំង ព្រោះតែផ្កានេះស្រោបដោយពណ៌ស្រស់ឆើតឆាយ និងមានក្លិនក្រអូបដ៏ទាក់ទាញម្យ៉ាងខុសពីផ្កាដទៃៗផ្សេងទៀត ពិសេសវាជាពូជផ្កាដែលពិបាកក្នុងការដាំដុះបំផុត ព្រោះបើដាក់ដាំមិនត្រឹមត្រូវអាចធ្វើឱ្យផ្កាខូចគុណភាពបានយ៉ាងងាយ មិនមែនឱ្យតែមានដីអាចដាំបានស្រួលៗឡើយ ពោលជាផ្កាដែរពិបាកដាំដុះ រើសដី រើសអាកាសធាតុ ហើយការប្រមូលផលក៏ត្រូវចំណាយពេលវេលាយូរនិងកម្លាំងពលកម្មច្រើន ម្យ៉ាងប្រទេសដែលដាំរុក្ខជាតិនេះក៏មានតិច។ ជាទូទៅវាត្រូវបានគេដាំនៅកំឡុងដើមខែកញ្ញា ហើយអាចប្រមូលបាននៅពាក់កណ្តាលខែតុលា ហើយទំរាំអាចបានផ្កាមានគុណភាពល្អមួយគីឡូៗ កសិករដែលជាអ្នកប្រមូលផលត្រូវប្រើពេលដល់ទៅ ៤៨ ម៉ោងឯណោះ ដោយគេអាចប្រមូលផលពីផ្កា Saffron ១ទង បានលំអងផ្កាដែលអាចប្រើប្រាស់បានត្រឹមតែ ៣សរសៃតែប៉ុណ្ណោះ។
ចំពោះគុណប្រយោជន៏នៃផ្កា Saffron ត្រូវគេដឹងថាអាចជំនួយ បង្កើន កាពារ និងព្យាបាលជំងឺជាច្រើនដូចជា ៖
-បញ្ហាស្រ្តេសខ្លាំង ( Stress / Depress )
-អ្នកឈឺក្បាលជាប្រចាំ
-បង្កេីនសមត្ថភាពផ្លូវភេទ
-បណ្តេញជាតិពុល សម្រកទម្ងន់
-ភ្លេចភ្លាំងច្រេីនខ្សោយការចងចាំ
-ការពារជំងឺឆ្លងនៅផ្លូវដង្ហើម និងជំងឺផ្តាសាយ
-គេងមិនលក់ មិនស្កប់ស្កល់ រវើរវាយ
-ល្អសំរាប់ស្រ្តីមានផ្ទៃពោះ ទាំងទារកក្នុងផ្ទៃ
-ធ្វើឱ្យស្បែកសភ្លឺថ្លា សម្រស់ក្មេងជាងវ័យ
-កាត់បន្ថយបញ្ហាអាលែកសុី រលាក និងឈឺសន្លាក់
-ចលនាសរសៃរឈាមបេះដូង ខួរក្បាលរត់បានល្អ
-ធ្វើឱ្យរដូវមកទៀង និងកាត់បន្ថយកាឈឺចុកចាប់
-ការពារព្យាបាលថ្លេីម ទឹកនោមផ្អែម លើសឈាម និងមហារីក
-មិនត្រឹមតែប៉ុណ្ណោះយេីងអាចប្រើប្រាស់ជាមួយចំណីអាហារធ្វើឱ្យអាហារមានក្លិនឈ្ងុយរស់ជាតិឆ្ងាញ់ពិសារ៕
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
