ជូនចំពោះស្រ្តីគ្រប់រូប! អាហារ ៦ ប្រភេទល្អបំផុតពេលមករដូវ និងអាហារ ៤ ប្រភេទទៀតគួរចៀសវាងដាច់ខាតពេលមករដូវ
របបអាហារគឺជារឿងសំខាន់ទី២របស់មនុស្សមនុស្សយើងរស់នៅ។ នេះជារឿយល់ដឹងមួយផ្នែកយ៉ាងធំសំរាប់នារីគឺតម្រូវការអាហារូបត្ថម្ភអំឡុងពេលមករដូវព្រោះពេលនេះហើយជាពេលផ្លាស់ប្តូរការប្រែប្រួលអរម៉ូន ពួកវាក៏បាត់បង់សារធាតុរ៉ែ និងវីតាមីនចាំបាច់តាមរយៈការហូរឈាមរដូវ។ ដើម្បីស្តារការខាតបង់ទាំងនេះអ្នកជំនាញណែនាំឱ្យមានរបបអាហារមានតុល្យភាពត្រឹមត្រូវកំឡុងពេលមករដូវរបស់នារីយើង។ ចំនីអាហារមួយចំនួនអាចជួយអ្នកក្នុងការរក្សាកម្រិតនៃសារធាតុជួយអោយមានសុខភាពល្អ និងអាចទប់ទល់នឹងស្ថានភាពដូចជា រមួលក្រហាយ ហើម ឈឺក្បាលចង្អោរ និងអស់កម្លាំង។
បើយើងតាមគេហទំព័រសុខភាពបានធ្វើការអង្កេតលើអាហារដែលអ្នកគួរទទួលទាន និងចៀសវាងក្នុងអំឡុងពេលនៃការមករដូវដើម្បីទទួលបានអត្ថប្រយោជន៍ដល់សុខភាពរបស់អ្នក។ ខាងក្រោមនេះគឺជារបបអាហារល្អៗ សំរាប់សុខភាពនារីអំឡុងពេលមករដូវ និងអាហារដែលគួរចៀសវាងដោយដាច់ខាតផងដែរ។
អាហារដែលគួរញ៉ាំជាចាំបាច់មានៈ
1. ផ្កាខាត់ណាខៀវ (Broccoli)
ជាធម្មតាការហូរឈាមរដូវអាចធ្វើឱ្យនារីបាត់បង់សារធាតុរ៉ែពីក្នុងខ្លួន។ ផ្កាខាត់ណាខៀវនឹងជួយអ្នកក្នុងការទូទាត់សងសម្រាប់ការបាត់បង់នេះ។ ក្រៅពីជាតិដែកខាត់ណាខៀវសម្បូរទៅដោយជាតិសរសៃ ម៉ាញ៉េស្យូម និងប៉ូតាស្យូមដែលនឹងជួយកាត់បន្ថយការហើមពោះ សម្រួលដល់ការរំលាយអាហារ និងបន្ធូរសាច់ដុំបានប្រសិនបើអ្នករមួលក្រពើ។
2. ផ្លែចេក
ចេកអាចជាជម្រើសដ៏ល្អបំផុតរបស់អ្នកសម្រាប់ជាអាហារសម្រន់ក្នុងអំឡុងពេលមករដូវ។ ផ្លែឈើនេះពោរពេញទៅដោយប៉ូតាស្យូម ម៉ាញ៉េស្យូម និងជាតិសរសៃ ជួយអ្នកឱ្យគ្រប់គ្រងចលនាពោះវៀន រាគ និងឃ្លានជាដើម។
3. សូកូឡាខ្មៅ
សូកូឡាខ្មៅមានសារធាតុរ៉ែដែលជួយដល់សុខភាពបានច្រើនដូចជាជាតិដែក ម៉ាញ៉េស្យូម សារធាតុប្រឆាំងអុកស៊ីតកម្ម និងសារធាតុ Flavonoids ។ ក្រោយមកទៀតអាចផ្តល់អត្ថប្រយោជន៍ដល់លំហូរឈាម និងសម្រួលដល់របត់ឈាម។
4.សាច់ត្រីសាម៉ុង
ត្រីសាម៉ុងស្ថិតនៅក្នុងរបបអាហារណាមួយដែលត្រូវបានគេចាត់ទុកថាផ្តល់សុខភាពល្អព្រោះវាផ្ទុកអាស៊ីតខ្លាញ់អូមេហ្គា ៣ និងជាប្រភពប្រូតេអ៊ីនដ៏សំបូរបែប។ បរិភោគត្រីសាល់ម៉ុនក្នុងពេលមករដូវដើម្បីកាត់បន្ថយការរលាក កាត់បន្ថយការរមួលក្រពើ និងគ្រប់គ្រងវដ្តរដូវ។
5. ខ្ញី
ខ្ញីល្អក្នុងការគ្រប់គ្រងការរលាក ប៉ុន្តែវាក៏អាចជួយអ្នកកាត់បន្ថយការឈឺចាប់ពេលមករដូវបានដែរ។ អ្នកអាចយកខ្ញីចិតជាបន្ទះស្តើងៗឆុងជាមួយទឹកក្តៅដើម្បីទទួលទាននោះនឹងជួយបំបាត់ការឈឺចាប់ពេលមករដូវ។
6. ផ្លែក្រូច ឬផ្លែក្រូចឆ្មា
ទទួលទានផ្លែឈើឱ្យបានច្រើនដើម្បីបង្កើនវីតាមីន និងកាត់បន្ថយការឃ្លានរបស់ផ្អែមៗក្នុងពេលមករដូវ ជាពិសេសផ្លែក្រូច ឬផ្លែក្រូចឆ្មាជាដើម។ ក្រៅពីវីតាមីនពួកវាមានជាតិសរសៃ និងទឹកច្រើនដែលនឹងធ្វើឱ្យរាងកាយរបស់អ្នកមានជាតិទឹក និងសម្រួលដល់ការរំលាយអាហាររបស់អ្នក។ លើសពីនេះទៅទៀតផ្លែក្រូចគឺល្អក្នុងការកាត់បន្ថយការចង្អោរ និងស្ថានភាពមិនល្អដទៃទៀតដែលទាក់ទងនឹងការមករដូវ។
អាហារគួរចៀសវាងៈ
1.ទឹកដោះគោស្រស់
អ្នកគួរតែចៀសវាងផលិតផលទឹកដោះគោប្រសិនបើអ្នកជួបប្រទះការឈឺពោះជាប្រចាំ។ ទឹកដោះគោមានជាតិ lactose ដែលជាប្រភេទស្ករជាក់លាក់មួយដែលមនុស្សមួយចំនួនពិបាករំលាយ។ លើសពីនេះទៀតជាតិ lactose អាចបណ្តាលឱ្យហើមពោះ ឈឺពោះ និងចង្អោរ ដូចនេះមិនគប្បីញ៉ាំទឹកដោះគោស្រស់ឡើយអំឡុងពេលមករដូវ។
2. ស្ករគ្រាប់ និងអាហារសម្រន់
អាហារសម្រន់ដែលអ្នកចូលចិត្តអាចធ្វើអោយអារម្មណ៍របស់អ្នកមានភាពប្រសើរឡើង ប៉ុន្តែវាក៏រួមចំណែកដល់ការហើមពោះ។ រាងកាយរបស់អ្នកកំពុងឆ្លងកាត់បញ្ហាគ្រប់គ្រាន់ក្នុងការបាត់បង់ឈាម និងសារធាតុរ៉ែសំខាន់ៗ។ ក្នុងករណីនេះអ្នកគួរញ៉ាំផ្លែឈើដើម្បីបោសសំអាតស្ករសិប្បនិម្មិតដើម្បីគាំទ្រប្រភេទធម្មជាតិដែលអ្នកទទួលបានពីផ្លែឈើជំនួសវិញ។
3. ជាតិកាហ្វេអុីន
ការសិក្សាបានបង្ហាញថាការទទួលទានជាតិកាហ្វេអ៊ីនអំឡុងពេលមករដូវពិតជាអាចពន្យាររយៈពេលរបស់វាបាន។ លើសពីនេះជាតិកាហ្វេអ៊ីនបង្កើនរោគសញ្ញាមុនពេលមានរដូវ។ ក្នុងករណីដែលអ្នកមានទំនោរទទួលរងពីបញ្ហានេះអ្នកគួរតែចៀសវាងផឹកកាហ្វេមុន និងក្រោយពេលមករដូវ។
4. អាហារហឹរ
ការទទួលទានអាហារហឹរអាចបណ្តាលឱ្យមានការឈឺចុកចាប់ក្នុងក្រពះរបស់អ្នក។ ទោះយ៉ាងណាក៏ដោយអ្នកមិនគួរទទួលទានប្រភេទអាហារហឹរឡើយអំឡុងពេលមករដូវ។ ប្រសិនបើអ្នកជ្រើសរើសដោយឈ្លាសវៃគ្រឿងទេសខ្លះពិតជាមានប្រយោជន៍សម្រាប់រាងកាយរបស់អ្នកក្នុងអំឡុងពេលមានរដូវនេះ៕
អត្ថបទ៖ ចាន់ណា | ប្រភព៖ Brightside
ព័ត៌មានថ្មីៗ
