តួនាទី Sniper ក្នុងជួរកងទ័ពពិសេសអង់គ្លេសមានអ្វីខ្លះ?
នៅសមរភូមិ តួនាទីចម្បងរបស់អ្នកបាញ់ស៊ីប (Sniper) គឺទៅដល់សមរភូមិ ឬ កន្លែងប្រតិបត្តិការណ៍មុនកងកម្លាំងប្រយុទ្ធ និងអនុវត្តការឃ្លាំមើលស្ថានការណ៍ និងការស៊ើបការណ៍សម្ងាត់ដោយមិនឲ្យសត្រូវដឹងខ្លួន ។ ពួកគេក៏អាចប្រើជំនាញបាញ់ត្រង់ចំគោលដៅរយៈចម្ងាយឆ្ងាយរបស់ខ្លួន ប្រមាញ់គោលដៅចម្បងណាម្នាក់ដែលពួកគេអាចជា ទាហានលបបាញ់ដូចគ្នា មេបញ្ជាការ អ្នកឃ្លាំមើល ឬអ្នកផ្ដល់សញ្ញា ឬក៏ប្រតិបត្តិករប្រព័ន្ធអាវុធ។
អ្នកបាញ់ស៊ីបអាចគាំទ្រដល់កងទាហានរបស់ពួកគេផងដែរ ក្នុងពេលប្រតិបត្តិការដោយផ្តល់ជួយបើកផ្លូវ បាញ់គោលដៅណាមួយដែលទាហានប្រយុទ្ធមើលមិនឃើញ ជួយគាំទ្រពេលប្រយុទ្ធ ហើយពេលខ្លះពួកគេឃ្លាំមើលពីការវាយឆ្មក់របស់សត្រូវគ្រប់ពេលវេលាទៀតផង។ អ្វីដែលពួកគេប្រឈមខ្លាំងជាងគេក្នុងនាមជាអ្នកបាញ់ស៊ីប គឺប៉ះគ្នាជាមួយអ្នកបាញ់ស៊ីបដូចគ្នាមកពីកងទ័ពសត្រូវ។ពួកគេត្រូវតែធ្វើយ៉ាងណាបាញ់ឲ្យបានមុន ឬបាញ់ឲ្យចំគោលដៅតែមួយគ្រាប់សម្រាប់ផ្ដួលគោលដៅមួយ។
ទាហានបាញ់ស៊ីខ្លះកំពុងតែតែហ្វឹកហាត់ផង និងចូលរួមក្នុងការប្រើប្រាស់កាំភ្លើងធំ និងកាំភ្លើងត្បាល់តែអាវុធទាំងសុទ្ធតែចាំបាច់ដឹងជាក់លាក់ ពីគោលដៅដែលត្រូវបាញ់។ វាជាការងារដែលត្រូវតែមានជំនាញខ្ពស់ ទាមទារឱ្យមានការបណ្តុះបណ្តាលខ្លាំង ស៊ូ អំណត់ជាមួយអាកាសធាតុ និងការប្តេជ្ញាចិត្តខ្ពស់។ អ្នកបាញស៊ីបត្រូវតែជំនាញ និងខ្លាំងដល់កំពូលពីរបៀបលាក់ខ្លួន ការផ្លាស់ទីដោយមិនឲ្យសត្រូវដឹង ការឃ្លាំមើល ការសង្កេត និងភាពច្នៃប្រឌិត ពិសេសបាញ់ត្រង់នឹងតែម្ដង។
អ្នកលបបាញ់មានគ្នាតែ ម្នាក់ ឬពីរនាក់ប៉ុនណោះ ដោយម្នាក់ជាអ្នកបាញ់កាន់កាំភ្លើងវែង និងម្នាក់កាន់កែវឆ្លុះគោលដៅចាប់សញ្ញាគោលដៅ(spotter)។ អ្នកចាប់សញ្ញាគោលដៅនេះតែងតែងមានបទពិសោធន៍ច្រើនជាងហើយជាមេបញ្ជាការក្នុងក្រុម។ គាត់ទទួលខុសត្រូវចំពោះផែនការរៀបចំ ផែនការជ្រើសរើសគោលដៅ និងវាស់ស្ទង់ប៉ារ៉ាម៉ែត្រនៃការបាញ់ដូចជាកម្លាំងខ្យល់, ជួរដល់គោលដៅ, មុំនៃការបាញ់, ដង់ស៊ីតេខ្យល់។
តួនាទីរបស់អ្នកលបបាញ់បានកើនឡើងច្រើនក្នុងពេលថ្មីៗនេះ។ បទពិសោធន៍នៅអាហ្វហ្គានីស្ថានបានអប់រំមេបញ្ជាការយោធាជាច្រើននាក់លើតម្លៃនៃការមានក្រុមអ្នកបាញ់ស៊ីបតាមទំហំប្រតិបត្តិការរបស់ខ្លួន។
ឧបករណ៍៖
អាវុធចម្បងរបស់ទាហានលបបាញ់ក្នុងយោធាអង់គ្លេសគឺកាំភ្លើង L115A3 (Long Range Rifle) ។ វាជាកាំភ្លើងប្រើប្រាស់ស្នូលដែករុញគ្រាប់និងប្រើប្រាស់គ្រាប់ម៉ាក 338 Lapua Magnum ទំហំ(៨.៥៩មីលីម៉ែត្រ)ដេលអាចបាញ់ចំគោលដៅក្នុងរយៈចម្ងាយ១២០០ម៉ែត្រ។ វាប្រើកែវឆ្លុះម៉ាក Schmidt & Bender 5-25x56 PM II ទំហំ 25x ។ អាចបន្ថែមជាមួយនឹង Sniper Thermal Imaging Capability (STIC សម្រាប់ការបាញ់ក្នុងកម្រិតពន្លឺទាបឬពេលយប់។
ក្រុមទាហានលបបាញ់ខ្លះទៀតដូចជា Royal Marine Recce Troops អាចប្រើប្រាស់កាំភ្លើងបាញ់ស៊ីបម៉ាក L121A1 Anti-Material Rifle, a .50 caliber weapon system ដែលជាកាំភ្លើងអាចកម្ទេចសម្ភារៈសឹកនានា ឬទម្លុះជញ្ជាំងក្រាស់ដែលកាំភ្លើងស៊ីបមួយចំនួនបាញ់មិនចូល។ ក្នុងកាលៈទេសៈខ្លះដូចជាពេលធ្វើចលនាបម្លាស់ទី អ្នកលបបាញ់អាចកាន់កាំភ្លើងវាយប្រហារ SA80a2 ។
កាំភ្លើងវែងរបស់អ្នកលបបាញ់អាចត្រូវបានគេយកទៅក្នុងថង់មួយដែលរអិលលើខ្នងរបស់គាត់នៅពេលដើរដោយថ្មើជើងឬ ទាញពីក្រោយនៅពេលលូនក្រាបហើយទាញចេញពីថង់នេះបានយ៉ាងងាយពេលដល់ទីតាំងត្រូវបាញ់។
អ្នកចាប់សញ្ញាឬ Spotters )អាចប្រើកែវអុបទិកម៉ាកសញ្ញា Mark 4 12-40x60mm Tactical Spotting Scope ៤ ទំហំ ១២-៤០ គុណនឹង ៦០ មីល្លីម៉ែត្រ មានជញ្ជីងថ្លឹង និងឧបករណ៍វាស់ស្ទង់កម្តៅអេហ្វធីអេស FTS Handheld Thermal Surveillance Sight។ ក្រុមការងារខ្លះអាចកាន់កែវយឹតផេសស៊ីជី ៨x៤២ (Pyser GP 8x42 binoculars) ។
ដើម្បីជួយអ្នកបាញ់ក្នុងការកែតម្រូវ មុនពេលថតរូប ក្រុមអ្នកលបបាញ់អាចប្រើឧបករណ៍វាស់អាកាសធាតុដូចជា Kestrel 3000 ដើម្បីវាស់ល្បឿនខ្យល់ សំណើម សីតុណ្ហភាព និងដង់ស៊ីតេខ្យល់។ ឧបករណ៍រាវរកជួរឡាស៊ែរ A Vectronix PLRF Pocket Laser Range Finder or MOSKITO ក៏អាចត្រូវបានប្រើប្រាស់ផងដែរ។
អ្នកចាប់សញ្ជានេះក៏កាន់កាំភ្លើងម៉ាក SA80A2, SA86A2 LSW ឬកាំភ្លើងវែងម៉ាក L129A1 Sharpshooter។ពួកគេក៏អាចកាន់កាំភ្លើងខ្លី 9mm Glock 17 pistols និងគ្រាប់បែកដៃ L109A1។
ដើម្បីជាជំនួយក្នុងការលាក់ខ្លួន អ្នកលបបាញ់អាចពាក់ឈុត ghillie suits និងទម្រង់គ្របផ្សេងៗទៀត។ វត្ថុទាំងនេះត្រូវបានផលិតចេញពីវត្ថុធាតុដើម ដែលអ្នកលបបាញ់កាំភ្លើងអាចសម្របខ្លួនបាន ដូច្នេះពួកគេអាចបន្លំខ្លួន ជាមួយបរិស្ថានដែលបានផ្តល់ឱ្យ។ ប្រសិនបើមានបំណងស្នាក់នៅទីតាំងថេរសម្រាប់រយៈពេលយូរ ក្រុមអ្នកលបបាញ់អាចបង្កើតកន្លែងលាក់ខ្លួនដោយជីកដី និងគ្របពីលើ ដោយសំណាញ់ដែលអាចមើលលើឃើញ៕
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
