ជ្រើសរើសផ្លូវមួយដែលអ្នកស្រឡាញ់ ហើយចង់ដើរ នឹងអាចដឹងពីដំណើរខ្សែជីវិត និងអត្តចរិតរបស់អ្នក
១. ផ្លូវទី១
អ្នកជាមនុស្សស្ងៀមស្ងាត់ ចូលចិត្តប្រើជីវិតបែបសាមញ្ញៗ អ្នកគិតថា ជីវិតឱ្យតែមានក្ដីស្រឡាញ់ គឺអ្នកនឹងមានក្ដីសុខ សុភមង្គលហើយ។ ធ្វើអ្វីក៏ដោយ គឺអ្នកធ្វើទតាមដំណើរ មិនចូលចិត្តភាពតក់ក្រហល់ ឬប្រញាប់ប្រញាលទេ អ្នកជាមនុស្សម្នាក់ដែល មិនចូលចិត្តការប្រកួតប្រជែងឡើយ ហើយរឹតតែមិនចូលចិត្តមនុស្សច្រើនទេ តែពេលនេះ អ្នកហាក់ចង់ផ្លាស់ប្ដូរខ្សែជីវិត ដោយការចាប់ផ្ដើមចង់សាកល្បង ដើរចូលទៅក្នុងសង្គមមនុស្ស ចង់ស្គាល់គេស្គាល់ឯងឱ្យបានច្រើន ចំណុចមួយនេះ គឺជាការសម្រេចចិត្តត្រឹមត្រូវណាស់ ព្រោះអ្នកនឹងបានរីកចម្រើនជាងមុន បានជួបអ្វីដែលថ្មីៗ និងប្លែកៗក្នុងជីវិត។
២. ផ្លូវទី២
អ្នកគឺជាមនុស្សដែលចូលចិត្តការប្រកួតប្រជែង និងការធ្វើដំណើរផ្សងព្រេង។ អ្នកជាមនុស្សត្រង់ទៅត្រង់មក មិនចេះបត់បែនច្រើនទេ ឃើញបែបណា គឺនិយាយបែបហ្នឹង ដែលគេច្រើននិយាយថា ជាមនុស្សមាត់ឆៅ។ បើនរណាមានអ្នកជាមិត្តសម្លាញ់ នោះគឺជារឿងសំណាងណាស់ ព្រោះអ្នកជាមនុស្សស្រឡាញ់មិត្តភក្តិបំផុត។ហើយអ្នកក៏ជាមនុស្សដែលហ៊ានប្រឈមមុខនឹងបញ្ហាគ្រប់យ៉ាង ធ្វើអ្វីមួយ គឺធ្វើឱ្យអស់ពីសមត្ថភាព ដោយមិនខ្លាចនឹងទទួលលទ្ធផលបែបណានោះឡើយ។ អ្នកជាមនុស្សដែលរឹងប៉ឹងណាស់ តែជាក់ស្ដែង មានតែមិត្តជិតស្និទ្ធរបស់អ្នកបំផុតទេ ដែលអាចមើលដឹងពីភាពទន់ខ្សោយរបស់អ្នក។
៣. ផ្លូវទី៣
អ្នកគឺជាមនុស្សដែលចូលចិត្តវិភាគ និងថ្លឹងថ្លែងល្អិតល្អនណាស់ ជាពិសេសគឺ តែងតែព្យាយាមគិត និងវិភាគចំពោះខ្លួនឯង រិះគិតពីកំហុស និងចំណុចខ្វះខាតរបស់ខ្លួនឯងជានិច្ច។ ពេលខ្លះ អ្នកហាក់ឃុំខ្លួនឯងឱ្យនៅស្ងៀមស្ងាត់ មិនចូលចិត្តមានមនុស្សអ៊ូអរទេ ធ្វើអ្វីក៏ដោយ អ្នកតែងតែព្យាយាមធ្វើដោយខ្លួនឯង មិនចូលចិត្តពឹងអ្នកដទៃឡើយ ព្រោះអ្នកគិតថា រំខានដល់អ្នកជុំវិញខ្លួន។ ប៉ុន្តែយកល្អ អ្នកគួរតែព្យាយាមបើកចិត្តឱ្យទូលាយ ទទួលយកអ្នកជុំវិញខ្លួនខ្លះ កុំចេះតែគិតខ្វល់តែម្នាក់ឯងខ្លាំងពេក វាមិនល្អនោះទេ។
៤. ផ្លូវទី៤
អ្នកជាមនុស្សចូលចិត្តធ្វើអ្វីថ្មីៗប្លែកៗ ហើយអ្នកក៏ជាមនុស្សក្លាហាន ហ៊ានប្រឈមមុខ និងទទួលស្គាល់ការពិតជានិច្ច អ្នកតែងគិតថា គ្រប់ជីវិត គ្រប់ផ្លូវដែលដើរ រមែងមានឧបសគ្គជានិច្ច គ្មានផ្លុវណារលូននោះឡើយ។ គ្រប់គ្នាដែលនៅជុំវិញ តែងតែស្រឡាញ់ ពេញចិត្តអ្នក ជាពិសេសគ្រប់គ្នាដែលជួបបញ្ហា ក៏តែងតែត្រូវការអ្នក ព្រោះអ្នកជាមនុស្សដែលតែងផ្ដល់កម្លាំងចិត្ត និងគំនិតល្អៗដល់គេគ្រប់គ្នា ព្រោះអ្នកតែងផ្ដល់គំនិតដល់គេឯង ឱ្យចេះជម្នះជាមួយបញ្ហា មិនថាជួបរឿងអ្វី ត្រុវតែចេះប្រឈមមុខដោះស្រាយ កុំគេចវេសឱ្យសោះ។
៥. ផ្លូវទី៥
អ្នកជាមនុស្សចេះបន្ទាបខ្លួន ចេះដាក់ខ្លួន មិនថាខ្លួនចេះ ឬពូកែអ្វីទេក៏មិនមានអំនួតក្នុងខ្លួនដែរ ហើយគ្រប៉ពេលដែលមានអ្នកណាធ្វើខុសអ្វីលើអ្នក អ្នកក៏ជាមនុស្សមានចិត្តទូលាយ តែងតែចេះអត់ឱន និងអភ័យឱ្យអ្នកដទៃជានិច្ច។ ចិត្តអ្នកប្រៀបបាននឹងទឹកអ៊ីចឹង គឺតែងតែត្រជាក់ មិនចូលចិត្តការប្រើសម្ដីខ្លាំងៗ ឬហិង្សាទេ គ្រប់ពេល តែងតែដោះស្រាយដោយសន្តិវិធី។ ផ្លូវមួយដែលអ្នកបានជ្រើសនេះ មើលទៅហាក់រដិបរដុបបន្តិចមែន វាក៏ដូចជាផ្លូវជីវិតរបស់អ្នកអ៊ីចឹង វាអាចនឹងមានបញ្ហាខ្លះៗ តែកុំបារម្ភ ឱ្យតែអ្នករក្សាគំនិត និងចេះគិតពិចារណាឱ្យបានល្អ ហើយចេះសាងអំពើល្អ នោះអ្នកនឹងអាចបានឆ្លងផុត គ្រប់បញ្ហាទាំងឡាយ។
៦. ផ្លូវទី៦
អ្នកជាមនុស្សស្ងាត់ស្ងៀម មិនសូវចេះមាត់កទេ តែក៏រ៉ូមែនទិកមិនណយឡើយ ហើយអ្វីដែលសំខាន់គឺ អ្នកជាមនុស្សមានអាថ៌កំបាំងច្រើនណាស់។ អ្នកហាក់ព្យាយាមលាក់នូវបញ្ហា ការលំបាកដែលខ្លួនបានជួប តែពេលអ្នកដទៃជួបទុក្ខ ឬបញ្ហា អ្នកតែងតែជួយរំលែកទុក្ខលំបាករបស់អ្នកជុំវិញខ្លួន។ អ្នកចូលចិត្តទីងងឹតច្រើនជាងទីភ្លឺ គឺមានន័យថា អ្នកចូលចិត្តសម្ងំនៅស្ងៀមស្ងាត់ ហើយតែងលាក់ខ្លួនក្នុងទីងងឹត នៅពេលដែលអ្នកមានបញ្ហា អ្នកកម្របង្ហាញភាពទន់ជ្រាយ ឬបញ្ហាឱ្យអ្នកផ្សេងបានដឹងណាស់ ពេលខ្លះ សូម្បីតែមនុស្សជិតស្និទ្ធបំផុត ក៏មិនដឹងថា អ្នកមានបញ្ហាអ្វីនោះដែរ៕
អានអត្ថបទបន្ទាប់ ៖ ជ្រើសរើសរូបមួយក្នុងចំណោមរូបទាំង៤ខាងក្រោមនេះ នឹងបង្ហាញថា អ្នកជាមនុស្សមានសំណាង និងមានក្ដីសុខប៉ុន្មានភាគរយក្នុងជីវិត
ប្រភព ៖ liekr.com
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
