កងទ័ពឥណ្ឌូនេស៊ីមានមុខមាត់កម្រិតណាលើផ្ទៃរាបអន្តរជាតិ?
ឥណ្ឌូណេស៊ីបានរក្សាជំហររបស់ខ្លួនជាមហាអំណាចយោធាដ៏ធំបំផុតនៅអាស៊ីអាគ្នេយ៍ នេះបើយោងតាមចំណាត់ថ្នាក់ចុងក្រោយរបស់ Global Firepower ដែលបានចេញផ្សាយក្នុងខែនេះ ខណៈក្នុងពិភពលោកប្រទេសដែលមានដីកោះដ៏សន្ធឹកសន្ធាប់នេះឈរលំដាប់លេ១៦ក្នុងពិភពលោក។
Global Firepowe បង្កើតឡើងក្នុងឆ្នាំ ២០០៦ ផ្តល់នូវការវិភាគសមត្ថភាពយោធារបស់ប្រទេសរាប់រយនៅទូទាំងពិភពលោក។ យោងតាមគេហទំព័រមួយនេះ ចំណាត់ថ្នាក់យោធារបស់ប្រទេសមួយត្រូវបានកំណត់ដោយសមត្ថភាពរបស់ខ្លួនក្នុងការគ្រោងអំណាចយោធាលើដីគោក សមុទ្រ និងលើអាកាសដោយផ្អែកលើធនធានហិរញ្ញវត្ថុ និងភូមិសាស្ត្រ។
ក្រោយធ្លាក់ចំណាត់ថ្នាក់អស់២ ៣ឆ្នាំចុងក្រោយពេលនេះមក គេឡើងមកឈរលេខ១៦ក្នុងចំណោម ១៣៦ប្រទេស។ ប្រទេសឥណ្ឌូណេស៊ីនៅតែនាំមុខក្នុងតំបន់អាស៊ីអាគ្នេយ៍ បន្ទាប់មកគឺប្រទេសវៀតណាម (២២) ថៃ (២៣) មីយ៉ាន់ម៉ា (៣៥) និងម៉ាឡេស៊ី (៤៤) ។
ប្រជាជនសរុប៖
ក្នុងនាមជាប្រទេសមានប្រជាជនច្រើនជាងគេលំដាប់ទី ៤ លើពិភពលោក ដែលមានប្រជាជន ២៦២ លាននាក់ឥណ្ឌូណេស៊ីមានកម្លាំងយោធាសរុប ៩៩៧.៧៥០ នាក់ក្នុងនោះ ៤៣៥.៧៥០ នាក់កំពុងបម្រើការងារយ៉ាងសកម្ម។ទោះយ៉ាងណាក៏ដោយ! ទាក់ទងនឹងកម្លាំងពលកម្មយោធាឥណ្ឌូណេស៊ី (TNI) មានចំនួនតិចតួច បើប្រៀបធៀបជាមួយប្រទេសដទៃទៀតដែលមានចំនួនប្រជាជនច្រើន។ ប្រទេសប្រេស៊ីលដែលជាប្រទេសមានប្រជាជនច្រើនបំផុតទី ៥ លើពិភពលោកតែមានបុគ្គលិកយោធា ១,៩ លាននាក់។
សហរដ្ឋអាមេរិកដែលជាប្រទេសមានប្រជាជនច្រើនជាងគេលំដាប់ទី ៣ នៅលើពិភពលោក ហើយចិនដែលជាប្រទេសមានប្រជាជនច្រើនជាងគេបំផុតនៅលើពិភពលោកម្នាក់ៗមានបុគ្គលិកយោធាជាង ២ លាននាក់ រីឯឥណ្ឌាដែលជាប្រទេសមានប្រជាជនច្រើនជាងគេលំដាប់ទី ២ លើពិភពលោកមានជាង ៤ លាននាក់។
ក្រសួងការពារជាតិឥណ្ឌូណេស៊ីពេលនេះកំពុងព្យាយាមជំរុញការបង្កើតការចំណាយលើយោធា ដើម្បីជាមធ្យោបាយមួយដើម្បីពង្រីកនិងពង្រឹងវិស័យយោធារបស់ប្រទេសដោយអនុញ្ញាតឱ្យបុរសដែលមានអាយុលើសពី ១៨ ឆ្នាំទទួលការបណ្តុះបណ្តាលយោធាមូលដ្ឋានរយៈពេល ២ ខែ។ កម្លាំងពលកម្មបម្រុងនេះនឹងត្រូវបានតម្រូវឱ្យចូលរួមក្នុងប្រតិបត្តិការយោធា នៅពេលមានការស្នើសុំដូចជាក្នុងករណីមានសង្គ្រាម ឬគ្រោះមហន្តរាយធម្មជាតិ។
កងទ័ព៖
កងទ័ពឥណ្ឌូណេស៊ីមានសមាជិក ៨សែន នាក់ដែលបម្រើការនៅក្នុងអង្គភាពផ្សេងៗរួមមានកងបញ្ជាការយុទ្ធសាស្ត្របម្រុងកងទ័ព (Kostrad) និងបញ្ជាការកងកម្លាំងពិសេស (Kopassus) ។ កងទ័ពត្រូវបានបំពាក់ដោយរថក្រោះប្រយុទ្ធចំនួន ៤១៨ គ្រឿង រថពាសដែក ១.១៣១ គ្រឿង កាំភ្លើងធំសម្រាប់ការខ្លួនឯង ១០៥ គ្រឿង កាំភ្លើងធំរយៈចម្ងាយ ៣៥៦ គ្រឿង និងបាញ់គ្រាប់រុក្កែតពីជើងទម្រ ១៥៣ ដើម។
កងទ័ពជើងទឹក
កងទ័ពជើងទឹកឥណ្ឌូណេស៊ីមានបុគ្គលិកសរុប ៧៤.០០០ នាក់ត្រូវបានដាក់ពង្រាយនៅក្នុងបញ្ជាការកងនាវាចរខាងលិចនៅហ្សាកាតា និងបញ្ជាការកងនាវាចរខាងកើតនៅស៊ូរ៉ាបាយ៉ា នៃកោះជ្វាខាងកើត។ កងទ័ពជើងទឹករួមចំណែកដល់សន្តិសុខដែនសមុទ្រ ដែលជាសសរស្តម្ភមួយនៅក្នុងចក្ខុវិស័យរបស់ប្រធានាធិបតីចូកូ "ហ្សូកូ" ដើម្បីប្រែក្លាយប្រទេសឥណ្ឌូនេស៊ីឱ្យទៅជាអ័ក្សសមុទ្រពិភពលោក។
ក្រសួងកិច្ចការសមុទ្រ នេសាទនិងកងទ័ពជើងទឹកបានចុះហត្ថលេខាលើអនុស្សរណៈនៃការយោគយល់គ្នាក្នុងឆ្នាំ ២០១៤ ដើម្បីធ្វើការរួមគ្នាដើម្បីការពារអធិបតេយ្យភាពដែនទឹកឥណ្ឌូណេស៊ី រួមទាំងអនុវត្តគោលនយោបាយនៃការលិចនាវាដែលត្រូវបានកំណត់សម្រាប់សកម្មភាពនេសាទខុសច្បាប់នៅក្នុងដែនទឹករបស់ប្រទេស។
ក្រសួងខាងលើបានពន្លិចនាវាចំនួន ៣១៧ គ្រឿងចាប់តាំងពីឆ្នាំ ២០១៥ ហើយចំនួននេះត្រូវបានគេរំពឹងថានឹងកើនឡើងដល់ ៤០៥ នៅចុងឆ្នាំនេះ។ ប្រទេសឥណ្ឌូនេស៊ីមានទ្រព្យសម្បត្តិសម្រាប់បម្រើកងទ័ពជើងទឹកចំនួន ២៨២ គ្រឿងក្នុងនោះមាននាវាធុនធំ ៨ គ្រឿង ទូកប្រយុទ្ធខ្នាតធំ ២៤ គ្រឿង នាវាមុជទឹក ៥ គ្រឿងនាវាល្បាត ១៥៦ គ្រឿងនិងនាវាចម្បាំង ១២ គ្រឿង។ ទោះយ៉ាងណាក៏ដោយឥណ្ឌូនេស៊ី នៅតែខ្វះនាវាដឹកយន្តហោះនិងនាវាពិឃាត ដែលត្រូវការដើម្បីប្រឈមមុខនឹងសត្រូវដ៏ខ្លាំងមួយ។
ទោះបីមានទ្រព្យសម្បត្តិមានកំណត់ត្រឹមនេះក៏ដោយ កងទ័ពជើងទឹកឲ្យណ្ឌូនេស៊ីមានកាតព្វកិច្ចការពារដែនទឹកឥណ្ឌូណេស៊ី ៣ លានគីឡូម៉ែត្រក្រឡាដែលមានទំហំជិត ៧០ ភាគរយនៃផ្ទៃដីសរុបរបស់ប្រទេស។
ទ័ពជើងអាកាស
កងទ័ពអាកាសឥណ្ឌូនេស៊ីមានបុគ្គលិកចំនួន ៣៤.០០០ នាក់ហើយមានព្រលានយន្តហោះប្រតិបត្តិការអាកាសចំនួន ៤១ កន្លែងពាសពេញប្រទេស។ ឥណ្ឌូនេស៊ីមានយន្តហោះចំនួន ៤៧៨ គ្រឿងរួមមានយន្ដហោះចម្បាំង៤១គ្រឿង យន្តហោះដឹកជញ្ជូន ៥៤គ្រឿង ឧទ្ធម្ភាគចក្រ ១៧៧គ្រឿងក្នុងនោះ ឧទ្ធម្ភាគចក្រ ប្រយុទ្ធ១៦គ្រឿង និងយន្តហោះសម្រាប់ហ្វឹកហាត់១០៩គ្រឿង។
ថ្មីៗនេះប្រទេសឥណ្ឌូនេស៊ីបានចុះហត្ថលេខាលើកិច្ចសន្យាទិញយន្តហោះចម្បាំង Sukhoi Su-35 ចំនួន ១១ គ្រឿងដែលផលិតដោយរុស្ស៊ីតាមរយៈកិច្ចព្រមព្រៀងដោះដូរដែលពាក់ព័ន្ធនឹងទំនិញដូចជាប្រេងដូងនិងកាហ្វេ។
ការចំណាយផ្នែកការពារជាតិរបស់ឥណ្ឌូនេស៊ី៖បានកើនឡើង ១៥៥ ភាគរយចាប់តាំងពីឆ្នាំ ២០១០ ដល់ ១១៤,២ ពាន់លានរូពី (៨,១ ពាន់លានដុល្លារ) កាលពីឆ្នាំមុនហើយ ខណៈដែលថវិកាការពារជាតិឆ្នាំនេះបានថយចុះមកនៅត្រឹម ៧៦ពាន់លានរូពៀ។ វានៅតែមានច្រើនជាងក្រសួងនិងស្ថាប័នរដ្ឋាភិបាលដទៃទៀតក្នុងតំបន់អាស៊ីអាគ្នេយ៍៕
ព័ត៌មានថ្មីៗ
