(4 Type’s Sniper Gun) កាំភ្លើង Sniper ៤ប្រភេទនេះធ្លាប់កាន់កំណត់ត្រាបាញ់គោលដៅឆ្ងាយបំផុតក្នុងប្រវត្តិសាស្រ្ត
ទាហានលបបាញ់ ឬអ្នកបាញ់ស៊ីប( Snpier)គឺជាអ្នកបាញ់ដ៏ជំនាញបំផុតនៅលើសមរភូមិ អាចកម្ទេចគោលដៅបានពីចម្ងាយដោយគ្មានបង្ហាញសញ្ញាឲ្យសត្រូវដឹងអំពីវត្តមានឬព័ត៌មានរបស់ខ្លួននោះទេ។
ពួកគេជាអ្នកជំនាញក្នុងការលាក់ខ្លួននិងបន្លំខ្លួនទៅនឹងបរិស្ថានផ្សេងៗគ្នានៃសមរភូមិ មិនថាលើវាលខ្សាច់ ក្នុងព្រៃឬលើអាគារនោះទេ។ ពួកគេជាមនុស្សដែលអត់ធ្មត់បំផុត និងទទួលបានការអភិវឌ្ឍផ្នែកស៊ូទ្រាំនៃកាយសម្បទា និងតែងតែទទួលការបណ្តុះបណ្តាលជំនាញបាញ់បានល្អ។ ប៉ុន្តែអ្នកលបបាញ់នៅតែមិនអាចក្លាយជាកំពូលអ្នកប្រមាញ់គ្មានសម្លេងបានល្អនោះទេ បើគ្មានអាវុធទំនើបជួយសម្រេចកិច្ចការរបស់ខ្លួនឬក៏អាវុធណាមួយជំនួយទេនោះ។
ក្នុងរយៈពេលជាង ៥០ ឆ្នាំកន្លងមកកំណត់ត្រាសម្រាប់ការបាញ់ចំគោលដៅឆ្ងាយជាងគេនិងរក្សាយូរជាងគេបំផុតនៅក្នុងប្រវត្តិសាស្រ្តត្រូវបានបង្កើត និងបំបែកម្តងហើយម្តងទៀត ដោយអ្នកលបបាញ់ដ៏អស្ចារ្យបំផុតមួយចំនួនដែលពិភពលោកដែលមិនធ្លាប់បានឃើញ។ខាងក្រោមជាកាំភ្លើង ៤ ប្រភេទដែលពួកគេបានប្រើដើម្បីបំបែកនិងបង្កើតកំណត់ត្រាបាញ់ចំគោលដៅឆ្ងាយបំផុត៖
4. Browning M2 'Ma Deuce' Heavy Machine Gun៖
វាជាកាំភ្លើងយន្តដែលប្រើជាទូទៅក្នុងសម័យសង្គ្រាមលោកលើកទី២តែគេបំពាក់កែវឆ្លុះរបស់កាំភ្លើង Sniper ដើម្បីបាញ់បានឆ្ងាយនឹងចំគោលដៅ។តាមពិតទៅ!កាំភ្លើងនេះវាប្រើប្រាស់សម្រាប់រយៈចម្ងាយជិតប៉ុណ្ណោះប៉ុន្តែទាហានម៉ារីនអាមេរិកវ័យ២៤ឆ្នាំ Carlos Hathcock បានប្រើវាកាលពីដើមឆ្នាំ១៩៦៧ដោយប្រមាញ់ទាហានវៀតកុងម្នាក់កំពុងជិះម៉ូតូដឹកគ្រាប់រំសេវ។
លោក Carlos Hathcock ខ្លួនឯងចង់បានកាំភ្លើងលបបាញ់មួយដែលអាចទុកចិត្តហើយកម្ទេចគោលដៅដែលនៅឆ្ងាយ។ គាត់ក៏នឹកឃើញធ្វើបែបនេះតែអ្វីដេលគាត់ធ្វើមិននមែនជាកាំភ្លើងលបបាញ់ផ្លូវការដែលមានស្ដង់ដារនោះទេហើយកាលនោះលោកបាញ់គោលដៅចម្ងាយ១.គីឡូម៉ែត្រ។
3. Barrett M82A1 Special Application Scoped Rifle
បើយោងតាមលោក Chris Martin សរសេរនៅក្នុងសៀវភៅរបស់គាត់ដែលមានចំណងជើងថា"Modern American Snipers," លោកវីរសេនីយ៍ Brian Kremer ជាអ្នកកាន់ឯតទគ្គកម្មទាហានអាមេរិកបាញ់ចំគោលដៅឆ្ងាយបំផុតក្នុងសង្គ្រាមអ៊ីរ៉ាក់ ខណៈពេលដែលគាត់បម្រើទ័ពក្នុងកងវរសេនាធំ Ranger ទី ៧៥ ។
The M82 SASR គឺជាកាំភ្លើងលបបាញ់ដ៏ល្អមួយរបស់កងទាហានអាមេរិក។ វាមានទម្ងន់១៤គីឡូក្រាមនិងប្រវែងវែងបំផុត១៤២សង់ទីម៉ែត្រនិងប្រវែងកាណុង៥១សង់ទីម៉ែត្រ។ វាជាកាំភ្លើងដែលអាចបាញ់បានចម្ងាញឆ្ងាយនិងគួរឲ្យទុកចិត្តក្នុងសមរភូមិសម័យទំនើប។The M82 SASRត្រូវបានប្រើប្រាស់ដំបូងឡើយដោយទាហានអាមេរិកតាំងពីឆ្នាំ១៩៩០ហើយចាប់តាំងពីពេលនោះវាមានមុខគ្រប់ជម្លោះនានានិងសង្គ្រាមទាំងអស់ក្នុងពិភពលោក។
វាមានសមត្ថភាពកម្ទេចសត្រូវពួនពីក្រោយរបាំងនានាហើយ M82 នេះដាក់គ្រាប់ Raufoss Mk 211 .50 caliberដែលអាចទម្លុះរនាំងនានាបានហើយកំណត់ត្រាដែលកាន់ដោយលោក Brian Kremer គឺត្រូវចំគោលដៅចម្ងាយ២,៥១៥យ៉ាត(២.២៦គីឡូម៉ែត្រ)។
2. Accuracy International L115A3 Long Range Rifle
កាលពីឆ្នាំ២០០៩ ទាហានលបបាញ់អង់គ្លេសលោក Craig Harrison បានបង្កើតកំណត់ត្រាថ្មីដោយក្លាយជាអ្នកបាញ់ចំគោលដៅឆ្ងាយជាងគេបំផុតក្នុងប្រវត្តិសាស្រ្តជាមួយកាំភ្លើងស៊ីបម៉ាកL115A3របស់គាត់ ដែលវាជាកាំភ្លើងស៊ីបស្ដង់ដាររបស់កងទ័ពអង់គ្លេស។អំឡុងប្រតិបត្តិការវាយឆ្មក់មួយលើក្បួនរថយន្ត លោក Harrison បានបាញ់ចំទាហានតាលីបាន២នាក់កាន់កាំភ្លើងយន្តក្នុងចំងាយ២.៤៧គីឡូម៉ែត្រ(2,707 yards)ដោយឆ្ងាយជាងលោកវីរសេនីយ៍ Brian Kremer ៥០យ៉ាត។
ក្នុងទីផ្សារអាវុធរបស់មហាជនវាត្រូវគេហៅថា Arctic Warfare Magnum។ L115A3 ដាក់គ្រាប់ទំហំ 338 Lapua roundហើយមានសមត្ថភាពទម្លុះរនាំងក្រាសក្នុងរយៈចម្ងាយឆ្ងាយ។ពេលនេះ L115A3 មានប្រជាប្រិយភាពខ្លាំងមែនទែនក្នុងជួរកងទ័ពនិងកងពិសេសក្នុងពិភពលោក។
1. C15 Long Range Sniper Weapon
ជាធម្មតា! កាំភ្លើងដែលគេស្គាល់ថាជាម៉ាកMcMillan Tac-50 នេះគឺជាកាំភ្លើងដែលបានបំបែកកំណត់ត្រាពិភពលោកផ្នែកខាងបាញ់ចំគោលដៅឆ្ងាយនិងយូរជាងគេបំផុតលើ ៣ ដាច់ដោយឡែកពីគ្នាក្នុងរយៈពេល ១៥ ឆ្នាំចុងក្រោយនេះ។ ខែមីនាឆ្នាំ២០០២ក្នុងប្រតិបត្តិការណ៍ Operation Anacondaនៅប្រទេសអាហ្វហ្គានីស្ថានទាហានបាញ់ស៊ីបកាណាដា Arron Perry បានបំបែកកំណត់ត្រារបស់លោក Carlos Hathcock ដែលកាន់ដំណែងបាញ់បានឆ្ងាយនិងយូរជាងគេអស់៣៥ឆ្នាំមកហើយនោះ។ Arron Perry បាញ់ចំគោលដៅក្នុងចម្ងាយ ២.៣០គីឡូម៉ែត្រ។
ចុងខែនោះទៀត មានទាហានបាញ់ស៊ីបកាណាដាម្នាក់ទៀតឈ្មោះ Rob Furlong, បានបាញ់ចំគោលដៅឆ្ងាយជាងយុទ្ធមិត្ត Perry មានចម្ងាយ ២.៤២គីឡូម៉ែត្រ។ហើយកាលពីថ្មីៗនេះ! មានគេរាយការណ៍ថាទាហានការណាដាម្នាក់ទៀតប្រើប្រាស់កាំភ្លើងនេះបំបែកកំណត់ត្រាពិភពលោកចម្ងាយ ៣.៣គីឡូម៉ែត្រគឺឆ្ងាយជាងកំណត់ត្រារបស់លោក Furlong កាលពីឆ្នាំ២០០២ដល់ទៅ១ភាគ៣។
C15 ប្រើគ្រាប់ .50 caliber rounds ហើយវាត្រូវបានគេឃើញប្រើប្រាស់ក្នុងកងទ័ពពិសេសរបស់ប្រទេសមួយចំនួនដូចជា US Navy's SEAL Team, Canada's Joint Task Force 2, និង Israeli special forces៕
ព័ត៌មានថ្មីៗ
