នេះផ្ញើជូនអ្នកផ្អើលទិញអាល់កុលទាំងកានៗ តាមពិតវាមិនអាចស.ម្លាប់កូរ៉ូណាបានទេ ឈប់ចាញ់បោកអ្នកលក់ទៅ
បងប្អូនជាច្រើនបានផ្អើលទៅទិញអាកុលទាំងកានៗមកចាក់ដាក់ដបតូចៗ ដើម្បីបាញ់ទុកលាងដៃ ព្រោះគិតថាអាចសម្លាប់មេរោគនៃវីរុស COVID-19 បាន។ ប៉ុន្តែការយល់ឃើញបែបនេះ ជារឿងមិនត្រឹមត្រូវឡើយ ផ្ទុយទៅវិញប្រភេទអាល់កុល 97 គេទុកសម្រាប់យកទៅលាយ ពុំដូច្នោះទេនឹងងាយហើរលឿន គ្មានប្រសិទ្ធភាព ហើយខូចស្បែករបស់អ្នកប្រើប្រាស់ទៀតផង។
តាមការបកស្រាយរបស់ឱសថការីមួយរូបឈ្មោះ Sothea Thy បានសរសេរពន្យល់យ៉ាងក្បោះក្បាយថា៖ "
តើបងប្អូនទិញអាល់កុល97ដឺក្រេ ឬអាល់កុលសុទ្ធទៅធ្វើអ្វី?
ដំបូងខ្ញុំគិតថា ពួកគាត់ទិញយកទៅពង្រាវប្រើប្រាស់ ដើម្បីកាត់បន្ថយចំណាយ តែគាត់បែជាប្រើទាំងដឺក្រេខ្ពស់ដដែល ព្រោះគិតថាអាល់កុលកាន់តែខ្ពស់ មេរោគកាន់តែងាប់អស់។
សូមបងប្អូនជ្រាបថា អាល់កុលដែលប្រើសម្លាប់មេរោគ គេប្រើអាល់កុលពី 60 ទៅ 80 ដឺក្រេ មិនមែនកាន់តែខ្ពស់កាន់តែងាប់ទេ។ អាល់កុល97 វាងាយហើរ មិនអាចនៅយូសម្លាប់មេរោគកើតទេ ហើយអ្នកលក់អនឡាញដែលប្រូមិនឈប់នឹង គួរសំរាកទៅ ខូចស្បែកគេអស់ហើយ។
ពីខ្ញុំឱសថការី អត់ឱសថស្ថាន 😂
ឱសថការីឧត្តម សុធី នាងសុធា
សូមអរគុណ សុខសប្បាយ!"។
រំឭកថាវីរុស COVID-19 គិតមកទល់ថ្ងៃទី ១៣ មិនា ឆ្នាំ ២០២០ បានឆក់យកជីវិតមនុស្សអស់ប្រមាណ ៤ ៧២០ នាក់ហើយ ទន្ទឹមដែលអ្នកឆ្លងសរុបមាន ១២៨ ៣៤៣ ករណី និងព្យាបាលសះស្បើយ ៦៨ ៣២៤ ករណី៕
ប្រភព៖ Sothea Thy
ព័ត៌មានថ្មីៗ
