បងប្អូនអ្នកកាន់ iPhone និងម៉ាកទូរសព្ទដទៃ បើជួបបញ្ហាសាកថ្មឡើង 80% វាសាកលែងចូល កុំទាន់យកទៅជាងឲ្យសោះ
មួយរយៈចុងក្រោយនេះបានលេចលឺដំណឹងពីអ្នកប្រើប្រាស់ស្មាតហ្វូនជាច្រើនមិនថាតែប្រភេទ iPhone ឬស្លាកយីហោនៃម៉ូឌែលដទៃ រមែងជួបបញ្ហាទាក់ទិននឹងទូរសព្ទសាកថ្មលែងចូលពេលឡើងដល់ ៨០ ភាគរយ។
ពាក់ព័ន្ធនឹងបញ្ហានេះបានបង្កើតជាចម្ងល់ រហូតអ្នកខ្លះខំស្រវាយកទៅរកជាង ព្រោះគិតថាម៉ាស៊ីនខ្លួនទំនងជាជួបបញ្ហាអ្វីមួយហើយ។
យ៉ាងណាមិញតាមការបកស្រាយរបស់ហាងលក់ទូរសព្ទ សុវណ្ណ ៣ បានសរសេររៀបរាប់ពីបញ្ហានេះថា មិនមែនដោយសារបញ្ហាអ្វីនោះទេ ពោលគឺទាក់ទងនឹងបំរែបំរួលអាកាសធាតុក្តៅខ្លាំងតែប៉ុណ្ណោះ។ ប្រភពបានណែនាំថា៖
- ពេលដែលសាកថ្មល្អបំផុតគឺ ពេលយប់ និងពេលព្រឹក
- ពេលប្រេីឡេីងកំដៅ កុំទាន់យកសាក
- ចាំធ្លាក់កំដៅអស់សិន ចាំសាក៕
ប្រភព៖ Sovann III
ព័ត៌មានថ្មីៗ
