សូម្បីតែកំពូលតារាសម្តែងហូលីវូតលោក Tom Hanks និងភរិយា ក៏បានរកឃើញថាមានផ្ទុកវីរុស Covid-19 ដែរ
ស្ទើរតែមិនគួរឱ្យជឿសោះថា សូម្បីតែតារាល្បីលំដាប់ហូលីវូដ លោក Tom Hanks និងភរិយា កាលពីប៉ុន្មានម៉ោងនេះក៏ត្រូវបានគេប្រកាសឱ្យដឹងថា មានផ្ទុកកវីរុសកូរ៉ូណា Covid-19 ដែរនេះបើយោងតាមរយៈប្រភពសារព័ត៌មាន Dailymail។
តារាហូលីវូត Tom Hanks បានឱ្យដឹងលើបណ្តាញសង្គមហ្វេសប៊ុកជាផ្លូវការរបស់លោកប្រមាណជា ៥ម៉ោងមុនថា៖ « សួស្តីអ្នកគ្រប់គ្នា! ខ្ញុំនិងភរិយា កំពុងស្ថិតក្នុងប្រទេសអូស្ត្រាលី។ ពួកយ៉ាងមានអារម្មណ៍ហត់នឿយតិចតួច ដូចជម្ងឺផ្តាសាយដែរ ដោយមានការចុករោយរាងកាយ។ Rita ភរិយាខ្ញុំមានអាការៈរងាញាក់ម្តងៗ និងគ្រុនក្តៅតិចតួច។ ដូច្នេះដើម្បីប្រាកដចិត្ត និងស្ថានការកំពុងតែពិភពលោកមានបញ្ហាវីរុសរាតត្បាត ពួកយើងក៏បានទៅធ្វើតេស្តរកមេរោគ Coronavirus ហើយលទ្ធផលនោះគឺ វិជ្ជមាន ។ ចឹងឥឡូវត្រូវធ្វើម៉េចទៀត? គឺខាងពេទ្យមានក្បួនច្បាប់ត្រឹមត្រូវ និងការព្យាបាលសម្រាប់យើងហើយ។ ពួកយើងទាំង២នាក់ នឹងត្រូវបានបន្តការធ្វើតេស្ត និងតាមដានសុភាពបន្តទៀត។ មួយថ្ងៃសោះ រឿងមិននឹកស្មានអ្វីក៏អាចកើតឡើងដែរ មែនទេ? ពួកយើងនឹងជូនដំណឹងជាបន្តបន្ទាប់ពីសុខភាពពួកយើង។ ថែខ្លួនផងគ្រប់គ្នា! Hanx.»។
គួរឱ្យដឹងផងដែរថា តារាទាំង២ដួងនេះថ្មីៗនេះស្ថិតនៅក្នុងទីក្រុង Gold Coast ប្រទេសអូស្ត្រាលី ដើម្បីត្រៀមខ្លួនថតខ្សែភាពយន្តមួយដែលនិពន្ធដោយម្ចាស់ពានរង្វាន់អូស្កា Baz Luhrmann ដឹកនាំដោយ Elvis Presleyនិងផលិតដោយផលិតកម្មយក្ស Warner Bros។ តែសម្រាប់ការថតខ្សែភាពយន្តនេះនឹងបន្តដំណើរការទៀតឬយ៉ាងណា យើងនឹងរង់ចាំមើលបន្តទៀតទាំងអស់គ្នា ៕
ប្រភព៖ DailyMail
ព័ត៌មានថ្មីៗ
