សប្បាយដៃហើយនារីៗយើង! ទិវាសិទ្ធនារីអន្តរជាតិ សួនកម្សាន្តដ៏ស្រស់ស្អាតមួយកន្លែង Free ឱ្យចូលលេងម៉ាសប្បាយដោយសេរី
ជារឿយៗយើងបានដឹងហើយថា លោក ឧកញ៉ា ស្រី ចាន់ថន ត្រូវបានមហាជនផ្តល់នាមឱ្យថាជា ឧកញ៉ាចិត្តធម៌ ដែលតែងតែធ្វើកិច្ចការងារសង្គមជាច្រើន ពិសេសលោកឧកញ៉ា ក៏មានអាជីវកម្មជោគជ័យជាច្រើនកន្លែង រួមទាំងការអភិវឌ្ឍន៍តំបន់វិហាសួគ៌តែម្តង។
នៅក្នុងនោះ សួនកម្សាន្ត និងរមណីយដ្ឋាន ដែលទើបតែបើកថ្មីរបស់លោក ឧកញ៉ា មានឈ្មោះថា Jet’s Garden Park ត្រូវបានមហាជនកោតសរសើរថាមានការរៀបចំតុបតែងស្អាតមិនចាញ់បរទេសនោះទេ ដោយមានកន្លែងកម្សាន្តជាច្រើនដូចជា សួនផ្កា កន្លែងថតរូបកម្សាន្ត កន្លែងហែលទឹក អាហាររដ្ឋាន និងកន្លែងពិសេសៗជាច្រើនទៀត បានទាក់ទាញមហាជនទៅកម្សាន្តមិនចេះដាច់ឡើយ។
អ្វីដែលកាន់តែពិសេស ថ្មីៗនេះដើម្បីអបអរទិវាសិទ្ធនារីអន្តរជាតិ ៨មីនា សួនកម្សាន្ត Jet’s Garden Park បានធ្វើកម្មវិធីពិសេសដោយការ Free ជូនសុភាពនារីៗទាំងឡាយ ដែលចូលមកទស្សនកម្សាន្តនៅសួនកម្សាន្តនេះដោយឥតគិតថ្លៃទៀតផង។
តាមរយៈគណនីហ្វេសប៊ុក ឧកញ៉ាំ ស្រី ចាន់ថន បានឱ្យដឹងថា៖ « ដើម្បីអបអរសាទរ ទិវាសិទ្ធិនារីអន្តរជាតិ ខួបអនុស្សាវរីយ៍លើកទី១០៩ ឆ្នាំនេះ រមណីយដ្ឋាន និងសួនកំសាន្ត Jet’s Garden Park នឹងផ្ដល់ជូនកាដូពិសេសសម្រាប់បងប្អូននារីៗទាំងអស់ដោយឥតគិតថ្លៃ នៅថ្ងៃទី០៨ ខែមីនា ឆ្នាំ២០២០ខាងមុខនេះ ។ សូមបញ្ជាក់ Idolរបស់លោកអ្នកក៏មកដែរ។ អាស័យដ្ឋាន: ភូមិវិហារសួគ៌ជើង ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល Tel: 093930202 »។
ដូច្នេះសុភាពនារីៗទាំងឡាយ កុំភ្លេចមកទស្សនាកម្សាន្ត នៅសួនកម្សាន្តនេះឱ្យបានច្រើនកុះករផងណា៕
ព័ត៌មានថ្មីៗ
