គេមិនស្រឡាញ់ខ្ញុំទេ! តែគេអាចនឹងស្រឡាញ់ខ្ញុំនៅថ្ងៃណាមួយ
ខ្ញុំមិនដឹងទេថា ថ្ងៃស្អែកនឹងមានរឿងអ្វីកើតឡើង ខ្ញុំគ្រាន់តែដឹងថា ម្សិលមិញ ខុសពីថ្ងៃនេះ ហើយថ្ងៃនេះ នឹងខុសពីថ្ងៃស្អែក ហើយថ្ងៃស្អែក ក៏នឹងខុសពីថ្ងៃស្អែកៗថ្មីជានិច្ច។
ប៉ុន្តែអ្វីដែលសំខាន់គឺ ស្ថិតនៅលើចិត្តរបស់ខ្ញុំនេះ អាចនៅស្រឡាញ់គាត់បានយូរដល់ពេលណា ប៉ុន្តែចាប់តាំងពីថ្ងៃដែលខ្ញុំស្រឡាញ់គាត់មកគឺ រយៈពេលជិត៤ឆ្នាំហើយ ហើយតាំងពីថ្ងៃដែលខ្ញុំបានសារភាពថាស្រឡាញ់គាត់ មកដល់បេលនេះគឺ ជាងមួយឆ្នាំហើយ ប៉ុន្តែ ខ្ញុំនៅតែមិនទាន់មានអ្នកថ្មីទេ ក៏នៅតែមិនព្រមបើកចិត្តទទួលយកអ្នកណាដែរ ចិត្តនេះនៅតែស្រឡាញ់គាត់មិនប្ដូរឡើយ។
ខ្ញុំគ្រាន់តែជឿលើអំពើល្អ ការអត់ធ្មត់រង់ចាំ ការស្រឡាញ់ដែលមិនប្រែប្រួល នឹងផ្លាស់ប្ដូរចិត្តមនុស្សម្នាក់ ដែលមិនស្រឡាញ់ខ្ញុំ ឱ្យមកស្រឡាញ់ខ្ញុំវិញ ឬក៏អាចនឹងទុកខ្ញុំជាមនុស្សសំខាន់ និងចងចាំរហូតទៅនៅក្នុងជីវិតរបស់គាត់៕
អត្ថបទ ៖ ភី អេក
ក្នុងស្រុករក្សាសិទ្ធ
ព័ត៌មានថ្មីៗ
