ណាត់ម៉ូដែល ហើយ Save ប្លង់ទុកទៅអ្នកគ្រោងមក <<បុណ្យទន្លេបាត់ដំបង>> នេះប្លង់ថតរូបស្អាតកប់ៗ
ពិធីបុណ្យទន្លេលើកទី ៦ នឹងប្រព្រឹត្តិធ្វើឡើងក្នុងខេត្តបាត់ដំបង នាចន្លោះថ្ងៃទី ១៣ ដល់ ១៥ មិនា ឆ្នាំ ២០២០ ខាងមុខ។ សន្ទុះនៃការគាំទ្រហាក់កំពុងផ្ទុះឡើងខ្លាំង ត្បិតបើកម្មវិធីនៅសេសសល់រយៈពេលជិត ២ សប្តាហ៍ទៀតក្តី។
មានរូបភាពជាបន្តបន្ទាប់បានចែករំលែកលើបណ្តាញសង្គម ដែលញាំងឲ្យភ្ញៀវទេសចរជាតិនិងអន្តរជាតិជាច្រើន ប្រហែលដាក់គោលដៅហើយស្រេចថានឹងមិនអាចខកខាន <<បុណ្យទន្លេបាត់ដំបង>> សម្រាប់ឆ្នាំនេះបានឡើយ។
ប្រភពពីគណនី Pek Reak ដែលស្គាល់ជាអ្នកថតរូបដ៏ជំនាញមួយរូប បានបន្តចែកចាយរូបភាពនៃប្លង់ស្អាតៗជាច្រើននៅពេលរាត្រី ដែលអ្នកគ្រោងមកកម្សាន្តមិនគួររំលងសោះឡើយ ហើយបើបាន Model មួយពីរមកជាមួយទៀតនោះ ដឹងតែអែមខ្លាំងតែម្តង។
គួររំឭកថានៅបាត់ដំបងក្រៅពីល្បីថាមានម្ហូបអាហារឆ្ងាញ់ពិសារប្លែកខុសពីខេត្តដទៃ បើនិយាយពីតំបន់កម្សាន្តក៏មានច្រើនអនេក រីឯក្នុងទីក្រុងនៅពេលបច្ចុប្បន្នអាជ្ញាធរបាននឹងកំពុងកែលម្អរៀបចំជាថ្មីនៅរចនាបថផ្ទះបុរាណដែលសេសសល់ពីសម័យអាណានិគមបារាំងស្អាតៗជាច្រើនម៉ូតរាប់មិនអស់ផងដែរ៕
Photos Copyright: @Pek Reak
ព័ត៌មានថ្មីៗ
