អត់ចប់ទេ! ម្តងនេះធំជាងស្ពានមុនទៀតនៅជិតតំបន់អភិរក្សរបស់ Ben ត្រូវបានដុត តែសំណាងល្អត្រូវ
រឿងរ៉ាវនៃការដុតស្ពានឆ្លងចូលទៅកាន់ផ្ទះរបស់លោក Ben ដែលជាអំពើរបស់ជនមិនស្គាល់មុនទើបតែស្ងប់ស្ងាត់កាលពីពេលកន្លងទៅ ស្រាប់តែថ្ងៃនេះតាមគណនីរបស់បងប្រុស Tan Kimsour បានចែករំលែកនូវរឿងរ៉ាវថ្មីមួយទៀត លើករណីស្រដៀងគ្នា តែការដុតនោះមិនទទួលបានសម្រេច ដោយមានការអន្តរាគមន៍ទាន់ពីប្រជាជននៅក្បែរនោះ។
តាមប្រភពលោក Tan Kimsour បានសរសេររៀបរាប់ថា៖ "ស្ពានមួយទៀតហើយ ធំជាងស្ពានមុនទៀតនៅជិតតំបន់អភិរក្សរបស់លោកបេនត្រូវបានដុត តែជាសំណាងល្អត្រូវបានជួយពន្លត់ទាន់ពេល។ នេះប្រហែលជាសញ្ញាមួយចង់បង្ហាញចង្កោមឲ្យគ្រប់គ្នាដឹងថាជនល្មើសព្រៃឈើសាហាវប៉ុណ្ណា ពួកគាត់មិនខ្លាចអ្នកណាទាំងអស់។ ពួកយើងមានការព្រួយបារម្ភអំពីសុខសុវត្តិភាពរបស់លោកបេននិងបងៗកងកំលាំងការពារព្រៃឈើនៅតំបន់នោះជាខ្លាំង😔😔😔 សូមអាជ្ញាធរមូលដ្ឋានចូលរួមសហការផង🙏🙏🙏"។
ពាក់ព័ន្ធនឹងបញ្ហានេះដែរក៏ឃើញមានបងប្អូនអ្នកប្រើប្រាស់បណ្ដាញសង្គមជាច្រើនបានបង្ហាញការមិនពេញចិត្ត និងអំពាវនាវឲ្យអាជ្ញាធរមូលដ្ឋាននៅតំបន់នោះគួរចាត់វិធានការឲ្យបានតឹងរ៉ឹងជាងនេះ និងវែកមុខរកជនបង្កឲ្យបានឆាប់រហ័សតាមដែលអាចធ្វើទៅបាន៕
ព័ត៌មានថ្មីៗ
