ហ៊ានប្រើអត់? Galaxy Z flip មកដល់ខ្មែរតំលៃលើស 2000$ ទៀតនេះ
Galaxy Z Flip ដែលជាកំពូល Smartphone អេក្រង់បត់របស់ Samsung ដែលបានប្រកាសចេញដំណាលគ្នាជាមួយ Galaxy S20 Ultra កាលពីពេលថ្មីៗនេះបានធ្វើអោយពិភពលោកមានការភ្ញាក់ផ្អើលម្ដងទៀត ជាមួយនឹងរចនាបទបែបថ្មី ជាមួយនឹងអេក្រង់បត់ពីលើមកក្រោម ដែលមើលទៅពិតជាទំនើបទាន់សម័យនិងមានភាពទាក់ទាញខ្លាំងមែនទែន ។
សំរាប់អេក្រង់របស់វា Samsung មិនបំពាក់ប្រភេទផ្លាស្ទិកដូច Galaxy Fold នោះទេ ដោយម្ដងនេះ Samaung បានធ្វើការផ្លាស់ប្ដូរមកបំពាក់ជាប្រភេទកញ្ចក់ស្ដើងវិញ ដោយគេបានអះអាងថាវាអាចប្រើប្រាស់បានយូរឆ្នាំ ។
សំរាប់លក្ខណៈសម្បត្តិរបស់ Galaxy Z Flip មានដូចជា ៖
-អេក្រង់បត់ប្រភេទ Amoled ទំហំ 6.7 អ៉ីង
-កម្រិតបង្ហាញ 1080x2636 ជាមួយ HDR10+
-កាមេរ៉ាពីរគ្រាប់ 12mp f/1.8 + 12mp f/2.2 (Ultra Wide) អាចថតវីដេអូដល់កម្រិត 4K 60fps
-RAM 8GB + 256GB
-ឈីប Snapdragon 855+
-ទំហំថ្ម 3300mAh អាចសាកថ្មលឿនល្បឿន 15W ហើយក៏មានមុខងារ Wireless Charge
-អេក្រង់តូចខាងក្រៅសំរាប់បង្ហាញម៉ោង សារដំណឹងផ្សេងៗ មានទំហំ 1.1 អ៉ីង កម្រិតបង្ហាញ 112x300 pixels មានមុខងារ always on display
តាមហាងលក់ទូរស័ព្ទមួយចំនួនបានដាក់អោយកក់ហើយក្នុងតំលៃប្រហាក់ប្រហែល 2000$ ជាង។
បញ្ជាក់៖ នេះជាតំលៃក្រៅផ្លូវការក្រុមហ៊ុន មិនមានធានាពីក្រុមហ៊ុនទេ សំរាប់ក្រុមហ៊ុន Samsung ប្រចាំប្រទេសកម្ពុជា អាចនឹងនាំចូល Galaxy Z flip នៅពេលខាងមុខជាមួយតំលៃខុសពីនេះ ៕
រក្សាសិទ្ធ៖ ក្នុងស្រុក
ព័ត៌មានថ្មីៗ
