សេដ្ឋី Jeff Bezos លេងតែមួយក្បាច់នេះ ត្រឹម ១៥ នាទីរកបាន ១៣,២ ពាន់លានដុល្លារ
នៅទីផ្សារភាគហ៊ុនចុងក្រោយមួយរបស់ក្រុមហ៊ុន Amazon បានឲ្យដឹងថាស្ថាបនិកនិងជានាយកប្រតិបត្តិរបស់ក្រុមហ៊ុនគឺលោក Jeff Bezos បានកើនចំណូលប្រមាណ ១៣,២ ពាន់លានដុល្លារត្រឹមរយៈពេល ១៥ នាទីតែប៉ុណ្ណោះ ក្រោយមានការប្រកាសរបាយការណ៍ចំណូល។
យោងតាមសារព័ត៌មានក្រៅស្រុកបានឲ្យដឹងថាកាលពីថ្ងៃទី ៣០ មករាកន្លងទៅ ក្រោយពេលដែល Amazon បានបង្ហោះចេញនូវរបាយការណ៍ចំណូល តម្លៃភាគហ៊ុនរបស់ក្រុមហ៊ុនក៏បានកើនឡើងប្រមាណ ១២ ភាគរយឯណោះ។
ការកើនឡើងដ៏រហ័សនេះបានធ្វើឲ្យសេដ្ឋី Bezos ដែលមានហ៊ុនកាន់កាប់ប្រមាណ ១២ ភាគរយក្នុងក្រុមហ៊ុន កើនចំណូល ១៣,២ ពាន់លានដុល្លារអាមេរិកត្រឹមរយៈពេល ១៥ នាទីប៉ុណ្ណោះ ហើយរុញឲ្យទ្រព្យសម្បត្តិរបស់លោកមកទល់ពេលនេះឡើងដល់ ១២៩,៥ ពាន់លានដុល្លារហើយ។
គួរបញ្ជាក់ថាលោក Bezos ក៏មានភាគហ៊ុនកាន់កាប់នៅក្រុមហ៊ុនអវកាស Blue Origin ផងដែរ ហើយតម្លៃហ៊ុននោះថ្លៃដល់ទៅ ៦,២ ពាន់លានដុល្លារអាមេរិកឯណោះ៕
ប្រភព៖ Zing
ព័ត៌មានថ្មីៗ
