កាន់តែធ្ងន់ធ្ងរ! វីរុស Wuhan ផ្តាច់ជីវិតមនុស្ស ១០៦ នាក់ និងឆ្លងច្រើនជាង ៤ ០០០ ករណីហើយ
[ប៉េកាំង ២៨ មករា ២០២០]: តាមសារព័ត៌មាន Channelnewasia បានចុះផ្សាយនៅព្រឹកព្រលឹមថ្ងៃទី ២៨ មករា នេះ ដោយតួលេខអ្នកស្លាប់ក្នុងប្រទេសចិនដោយសារជំងឺកូរ៉ូណាបានមានការកើនឡើងដល់ ១០៦ នាក់ហើយ បើធៀបនឹងកាលពីម្សិលមិញមានត្រឹម ៨១ នាក់តែប៉ុណ្ណោះ។
ករណីជាក់លាក់ Confirmed Cases ដែលបានផ្ទុះឡើងក៏ប្រហែលជិត ១ ៣០០ ករណីផ្សេងទៀត ញាំងឲ្យករណីជាក់លាក់ទូទាំងសកលលោកបានផ្ទុះខ្លាំងដល់ច្រើនជាង ៤ ០០០ ករណី។ នេះបើតាមការបញ្ជាក់របស់អាជ្ញាធរប្រទេសចិននៅថ្ងៃអង្គារ ទី ២៨ មករា។
គួរបញ្ជាក់ថាវីរុសនេះក៏ទើបតែជ្រៀតចូលមកដល់ទឹកដីប្រទេសកម្ពុជា តាមរយៈសេចក្តីប្រកាសនៅថ្ងៃទី ២៧ មករាម្សិលមិញ លើជនជាតិចិនហោះមកពី Wuhan មានវ័យ ៦០ ឆ្នាំ។
យ៉ាងណាមិញរដ្ឋាភិបាលប្រទេសចិនកំពុងសិក្សាយ៉ាងសកម្មនិងព្យាយាមរកដំណោះស្រាយឲ្យបានឆាប់រហ័សបំផុតតាមដែលអាចធ្វើទៅបាន ប៉ុន្តែបងប្អូនក្នុងស្រុកក៏ចាំបាច់ត្រូវតែបង្កើនការប្រុងប្រយ័ត្នថែមទៀត មិនថាតែការប្រើប្រាស់ម៉ាស និងសម្អាតអនាម័យជាដើម៕
ប្រភព៖ Channelnewasia
ព័ត៌មានថ្មីៗ
