ដំណឹងល្អ! ចិនប្រើប្រាស់ថ្នាំប្រភេទនេះ ព្យាបាលអ្នកឆ្លងវីរុសកូរ៉ូណាម្នាក់បានជាសះស្បើយហើយ
គិតមកទល់ព្រឹកថ្ងៃទី ២៧ មករា ឆ្នាំ ២០២០ នេះ វីរុសផ្លូវដង្ហើមថ្មីកូរ៉ូណាបានផ្តាច់ជីវិតមនុស្សអស់ ៨០ នាក់ និងឆ្លងដល់មនុស្សច្រើនជាង ២ ៣០០ ករណី។ យ៉ាងណាមិញតាមគេហទំព័រ Star បានចុះផ្សាយថាប្រទេសចិនបានរកឃើញនូវដំណោះស្រាយដ៏ល្អមួយហើយ។
គណៈកម្មាធិការសុខាភិបាលក្រុងសៀងហៃបានឲ្យដឹងថាអ្នកជំងឺដែលឆ្លងវីរុសចេញពីទីក្រុង Wuhan មានឈ្មោះ Chen អាយុ ៥៦ ឆ្នាំ ភេទ ស្រី បានជោគជ័យលើការជាសះស្បើយដំបូងគេបង្អស់និងបានចាកចេញពីមន្ទីរពេទ្យហើយ។
តាមការលើកឡើងរបស់វេជ្ជបណ្ឌិតគឺបានប្រើប្រាស់ថ្នាំព្យាបាលជំងឺអេដស៍ដើម្បីទប់ស្កាត់មិនឲ្យវីរុសឆ្លងជ្រៀតចូលទៅកាន់កោសិកាផ្សេងទៀតនៅក្នុងតួខ្លួនរបស់អ្នកជំងឺ។ ថ្នាំប្រភេទ "Nelfinavir" ឬមានឈ្មោះ Lopinavir និង Ritonavir (ប្រភេទថ្នាំគ្រាប់) ដែលអត្ថប្រយោជន៍របស់វាគឺអាចកាត់បន្ថយការផលិតវីរុសចូលទៅក្នុងកោសិកា។
អ្នកជំងឺឈ្មោះ Chen បានមកទទួលការព្យាបាលនៅថ្ងៃទី ១២ មករា ក្រោយមានរោគសញ្ញាក្អកផ្តាសាយនៅថ្ងៃទី ១០ មករា។ មកទល់ពេលនេះអ្នកស្រីបានរួចផុតពីជំងឺដ៏កាចសាហាវមួយនេះហើយ ក្រោយទទួលការស្កេនធ្វើតេស្តតាមម៉ាស៊ីន CT និងតេស្តឈាមបញ្ជាក់ពីរលើករួចមក។
យ៉ាងណាមិញនេះគ្រាន់តែជាប្រភេទថ្នាំដែលអាចកាត់បន្ថយការឆ្លងចូលនៃវីរុសទៅកាន់កោសិកា ពោលអាចថាជាសះស្បើយអំឡុងពេលអ្នកឆ្លងនៅកម្រិតដំបូងៗ ពោលមិនមែនជាថ្នាំឬវ៉ាក់សាំងចាក់ផ្លូវការ ដែលអាចធានាបានថាវីរុសកូរ៉ូណាត្រូវបានបង្ក្រាប ១០០ ភាគរយនោះទេ៕
ប្រភព៖ WorldOfBuzz
ព័ត៌មានថ្មីៗ
