អ្នកទម្លាប់ស្រុះស៊ុបក្តៅៗ ហូបលើតុកញ្ចក់ សុំបញ្ឈប់ជាបន្ទាន់ បើមិនចង់កើតរឿងញញើតមួយនេះ
ស្រ្តីជនជាតិសិង្ហបុរីមួយរូបបានចែកចាយរឿងរបស់នាងនៅលើប្រព័ន្ធអ៊ីនធឺណិត ជុំវិញហេតុការណ៍ផ្ទុះផ្ទាំងកញ្ចក់នៃតុមួយជាបំណែកជាច្រើនៗ អំឡុងពេលដែលប្រើប្រាស់ចង្រ្កានអគ្គិសនីដោតស្រុះស៊ុបនៅលើតុនោះ។
បម្រុងនឹងបរិភោគអាហារពេលល្ងាច ស្រាប់តែស្រ្តីឈ្មោះ Chu និងមិត្តភក្តិរបស់នាង បានជួបហេតុការណ៍ដ៏គួរឲ្យញញើតមួយ ដែលផ្ទៃកញ្ចក់តុទាំងអស់ផ្ទុះបែកខ្ចាយ រហូតបំណែកខ្លះទម្លុះចាក់ចូលផ្នែករាងកាយរបស់នាងនិងមិត្តភក្តិ មើលហើយគួរឲ្យញញើតខ្លាំងបំផុត។
ក្រោយពីកើតហេតុការណ៍នេះហើយ នាងមិនហ៊ានរើខ្លួនចេញពីទីតាំងនោះទេ ពោលគឺព្យាយាមនៅមួយកន្លែងនិងខ្លះឡើងទៅអង្គុយលើសាឡុងជាប់ ហើយប្រញាប់តេហៅក្រុមសង្រ្គោះបន្ទាន់មកជួយនាង ព្រោះនៅលើឥដ្ឋសុទ្ធតែអំបែងកញ្ចក់។
មិនប្រាកដថាមកពីគុណភាពនៃតុកញ្ចក់មានសភាពអន់ឬបែបណានោះទេ ប៉ុន្តែ Chu បានទាក់ទងទៅកាន់ក្រុមហ៊ុនលក់គ្រឿងបរិក្ខារតុទូដែលនាងបានទិញនោះ ដើម្បីទាមទារសំណងថ្លៃខូចខាតលើការព្យាបាលនិងថ្នាំពេទ្យផ្សេងៗ ប៉ុន្តែខាងក្រុមហ៊ុនព្រមផ្សងតែលើការផ្លាស់ប្តូរតុថ្មីឲ្យនាងតែប៉ុណ្ណោះ។
បែបណាមិញនេះជាសារមួយដែលគ្រប់គ្នាគួរប្រុងប្រយ័ត្នខ្លាំងបំផុត ព្រោះជាធម្មតាកញ្ចក់និងរបស់ក្តៅ វាមិនអាចនៅជាមួយគ្នាបានយូរនោះឡើយ អ៊ីចឹងគួរប្រយ័ត្នជៀសវាងកើតហេតុការណ៍ដ៏គួរឲ្យខ្លាចដូចខាងលើ៕
ព័ត៌មានថ្មីៗ
