ពិសេសមែន! ប្រទេសថៃបានរកឃើញស្លឹករុក្ខជាតិម្យ៉ាង អាចដាក់អាហារជំនួសចានបាន ដើម្បីកាត់បន្ថយការប្រើប្រាស់ផ្លាស្ទិក
ថ្មីៗនេះនៅក្នុងប្រទេសថៃ កំពុងតែមានភាពល្បីល្បាញចំពោះប្រភេទរុក្ខជាតិមួយប្រភេទ ដែលបានរកឃើញថាមានប្រយោជន៍ខ្លាំង អាចយកមកដាក់អាហារទទួលទានបាន ជំនួសចានថ្ម ឬចានស្នោរបាន ថែមទាំងមានសោភណ្ឌភាពស្អាតទៀតផង ដោយការប្រើប្រាស់ស្លឹករុក្ខជាតិមួយនេះ ពិតជាមានប្រយោជន៍ខ្លាំងនៅក្នុងការកាត់បន្ថយការប្រើប្រាស់ថង់ផ្លាស្ទិច ការពារបរិស្ថាន។
ស្លឹករុក្ខជាតិមួយនេះត្រូវបាន ប្រទេសថៃឱ្យឈ្មោះវាថា เล็บครุฑลังกา (ឡេបគ្រុឌលង្កា = ក្រចកគ្រុឌលង្កា) និងមានឈ្មោះជាភាសាបរទេសថា Polyscias scutellaria fabian តែចំពោះដើមរុក្ខជាតិនេះមិនដឹងថានៅក្នុងប្រទេសយើងមានឈ្មោះអ្វីឡើយ (បើដឹងសូមជួយខមមិនប្រាប់ផង) ដោយស្លឹកវាមិនត្រឹមតែមានរូបរាងកោងដូចចាន អាចវេចខ្ចប់អាហារ និងដាក់អាហារទទួលទានបានទេ សូម្បីតែទាំងដើម ទាំងងស្លឹកវាត្រូវបានគេរកឃើញថាមានគុណភាពព្យាបាលជំងឺទៀតផង។
គួរឱ្យដឹងផងដែរថា ស្លឹករុក្ខជាតិមួយនេះ បានកំពុងតែពេញនិយមនៅក្នុងប្រទេសថៃ ដែលថែមទាំងមានលក់ពូជកូនរុក្ខជាតិមួយនេះចែកចាយឱ្យប្រជាជនថៃទាំងអស់នាំគ្នាធ្វើការដាំដុះឱ្យបានច្រើនផងដែរ៕
រក្សាសិទ្ធអត្ថបទ៖ ក្នុងស្រុក
ព័ត៌មានថ្មីៗ
