បើខ្លាចកុំអាន! តុក្កតាម៉ាឡាកាំងមួយនេះ កាន់តែសម្លឹងមើល កាន់តែព្រឺក្បាល ដោយសារតែប្រវត្តិមួយនេះសោះ!
ហាងលក់សំលៀកបំពាក់កូនក្រមុំ ដ៏ល្បីឈ្មោះមួយកន្លែង ដែលនៅចំកណ្តាលទីក្រុង Chihuahua ប្រទេសម៉ិចស៊ីកូ ដែលមានយីហោថា «La Popular» បានធ្វើអោយមនុស្សជាច្រើនមានការចាប់អារម្មណ៍យ៉ាងខ្លាំង ជាមួយនឹងរូបម៉ាឡាកាំងដែលឈរតាំងបង្ហាញសម្លៀកបំពាក់កូនក្រមុំ ដោយសារតែរូបនោះមើលទៅ មិនដូចជារូបតុក្កតាជ័រ ប៉ុន្តែបែរជាដូចសាកសពមនុស្សទៅវិញ ។
យោងតាមសំដីភ្ញៀវនៅទីនោះ បានអោយដឹងថាហាងលក់សំលៀកបំពាក់កូនក្រមុំនេះបានបើកលក់រយៈពេលជាង ៩០ ឆ្នាំមកហើយ ។
អតិថិជនរបស់ហាងនោះគ្រប់ៗគ្នា តែងតែចាប់អារម្មណ៍ទៅលើរូបម៉ាឡាកាំង ដែលស្លៀកឈុតកូនក្រមុំពណ៌ស ដោយសារមើលទៅពិតជាដូចមនុស្សខ្លាំងណាស់ ។ មុនដំបូងពួកគេគិតថា រូបម៉ាឡាកាំនោះគឺជាខ្មោចមុំាមី ច្រើនជាងតុក្កតាប្លាស្ទិក ។
តែក្រោយមកក៏លេចលឺពាក្យចចាមអារ៉ាមថា រូបម៉ាឡាកាំងនោះ គឺជាកូនស្រីម្ចាស់ហាង ដែលមានឈ្មោះថា «La Pascualita» នាងបានស្លាប់ជាច្រើនឆ្នាំមកហើយ ប៉ុន្តែម្ចាស់ហាងស្តាយកូនស្រីជាទីស្រលាញ់ខ្លាំងពេក ក៏សម្រេចចិត្តចាក់ថ្នាំរក្សាទុក ហើយទុកធ្វើជារូបម៉ាឡាកាំងប្រចាំហាងតែម្តង ។
រួបម៉ាឡាកាំង La Pascualita បានបង្ហាញខ្លួននៅក្នុងហាងលក់សំលៀកបំពាក់នេះ ជាលើកដំបូងនៅក្នុងឆ្នាំ ១៩៣០ ។ រឿងរ៉ាវនេះក៏ចាប់ផ្តើមល្បីតៗគ្នា ហើយការពិតទៅរូបម៉ាឡាកាំងនោះពិតជាមានមុខមាត់ ស្រដៀងគ្នាទៅនឹងអ្នកស្រី Pascuala Esparza ដែលជាម្ចាស់ហាងខ្លាំងណាស់ ។
យោងតាមប្រភពព័ត៌មានមួយបានអោយដឹងថា កូនស្រីម្ចាស់ហាង ដែលមានឈ្មោះថា La Pasualita បានស្លាប់នៅក្នុងថ្ងៃរៀបមង្គលការរបស់នាង ដោយសារតែពីងពាងពិសខាំ ។ អ្នកស្រីម្ចាស់ហាង ដែលត្រូវជាម្តាយពិតជាមានការសោកស្តាយចំពោះការស្លាប់របស់កូនស្រី ទើបគាត់រកវិធីរក្សាសពរបស់នាងទុក ។
ទោះបីជាយ៉ាងណាក៏ដោយ អ្នកស្រី Pasuala បានបដិសេធ ថាវាមិនមែនជាការពិតនោះទេ ។
អ្វីដែលគួរអោយភ្ញាក់ផ្អើលនោះគឺ បុគ្គលិកធ្វើការនៅក្នុងហាងជាច្រើននាក់បាននិយាយថា ម៉ាឡាកាំងនោះពិតជាអាចផ្លាស់ទីដោយខ្លួនឯងបាននៅពេលយប់ មិនតែប៉ុណ្ណោះពួកគេថែមទាំងនិយាយថា «ប្រសិនបើអ្នកទៅជិតម៉ាឡាកាំងនៅពេលយប់ អ្នកនឹងមានអារម្មណ៍ថា ភ្នែករបស់នាងកំពុងតែសំលឹងមើលអ្នក ហើយបែរតាមអ្នកជានិច្ច »។
រឿងមួយទៀត ដែលគួរអោយកត់សម្គាល់នោះគឺ មានតែម្ចាស់ហាង ហើយនឹងបុគ្គលិកតែពីរបីនាក់តែប៉ុណ្ណោះ ដែលអនុញ្ញាតអោយផ្លាស់ប្តូរសំលៀកបំពាក់អោយរូបម៉ាឡាកាំងនោះ ។
យោងតាមសំដីបុគ្គលិកក្នុងហាងម្នាក់ ដែលមានឈ្មោះថា Sonia Burciaga ជាអ្នកទទួលខុសត្រូវក្នុងការផ្លាស់ប្តូរសំលៀកបំពាក់អោយ La Pascualita បាននិយាយថា «ខ្ញុំមានតួនាទីប្តូរសំលៀកបំពាក់អោយនាង (ម៉ាឡាកាំង) ពីរដងក្នុងមួយសប្តាហ៍ ។
រាល់ពេលដែលខ្ញុំទៅជិត Pasualita ខ្ញុំប្រទះឃើញដៃរបស់នាងពិតជាដូចមែនទែនណាស់ ហើយនៅលើជើងរបស់នាងមានសរសៃទៀតផង ។ ខ្ញុំជឿថានាងមិនមែនជារូបតុក្កតាទេ តែជាសាកសពមែនទែន ដែលត្រូវបានគេប្រើវិធីរក្សាទុក»។
គួរអោយព្រឺក្បាលខ្លាំងណាស់ នៅពេលដែលសំលឹងមើលដៃរបស់នាង ទោះមើលត្រឹមរូបថតក៏អាចមើលឃើញថា ម្រាមដៃរបស់នាងពិតជាមានសរសៃ ដូចដៃមែនទែនចឹង ៕
ប្រភព៖ ស្រមោលភពងងឹត
ព័ត៌មានថ្មីៗ
