កីឡាករវ័យក្មេងម្នាក់ដែលពិភពលោកមិនសូវស្គាល់ជិតផ្ទេរទៅ Real Madrid ហើយ
Reinier Jesus នឹងបំពេញការផ្ទេរចេញពីក្លិបប្រេស៊ីល Flamengo ទៅកាន់ Real Madrid នៅពេលរូបគេឈានដល់វ័យ១៨ឆ្នាំនៅចុងខែនេះខណៈដែលកីឡាករមានយល់ព្រមចុះកុងត្រារយៈពេល៦ឆ្នាំកន្លះជាមួយក្លិបមានកីឡដ្ឋាន Santiago Bernabéu រួចទៅហើយនោះ។
ក្លិបស្ដេចសបានយល់ព្រចំណាយលុយ៣០លានអឺរ៉ូទៅឲ្យក្លិបប្រេស៊ីលកាលពីខែធ្នូដែលកិច្ចព្រមព្រៀងនេះ ត្រូវចិត្តគ្រូបង្វឹកក្លិប Flamengo លោក Jorge Jesus។ប៉ុន្តែវាហាក់ដូចជាខ្សែប្រយុទ្ធលេងបានច្រើនដំណែងរូបនេះនឹងផ្ទេរទៅនៅរដ្ឋធានីម៉ាឌ្រីដក្នុងថ្ងៃទី១៩ខែមករាពេលដែលរូបគេចូលដល់វ័យ១៨ឆ្នាំល្មម។
តាមការបញ្ជាក់របស់ Onefootball, Reinier នឹងពិនិត្យសុខភាពមុនពេលស៊ីញេកុងត្រាផ្លូវការរយៈពេលវែងជាមួយក្រុមរបស់លោក Zinedine Zidane។ តាមដឹងកីឡាករម្នាក់នេះនឹងមិនទាន់អាចលេងនៅឈុតធំបានទេហើយរូបគេនឹងត្រូវដាក់ឲ្យលេងនៅឈុត Real Madrid Castilla ដែលបច្ចុប្បន្ននេះដឹកនាំដោយអតីតខ្សែប្រយុទ្ធ Raul។
Reinier Jesus បានដើរស្វែងរកផ្ទះនៅទីក្រុងម៉ាឌ្រីដរួចទៅហើយខណៈដែលកីឡាករវ័យក្មេងរូបនេះកំពុងរៀនភាសាអេស្ប៉ាញ៣ម៉ោងក្នុងមួយអាទិត្យ៕
ព័ត៌មានថ្មីៗ
