មកស្គាល់កាំភ្លើងលបបាញ់(Sniper Rifles)ទំនើបបំផុតក្នុងពិភពលោកកំពុងប្រើប្រាស់ដោយទាហានពិសេសបច្ចុប្បន្ន
កាំភ្លើង លបបាញ់ sniper អនុញ្ញាតឱ្យទាហានពិសេសបាញ់ចំគោលដៅពីរយៈចម្ងាយឆ្ងាយនិងអាចត្រូវគោលដៅក្នុងកម្រិតខ្ពស់បំផុត។ វាត្រូវបានប្រើដើម្បីកម្ចាត់សត្រូវ បំផ្លាញឧបករណ៍ងាយរងគ្រោះ និងអនុវត្តការត្រួតពិនិត្យនិងកម្ទេចគ្រឿងផ្ទុះជាដើម។
ជាមួយនឹងកែវឆ្លុះដ៏មានអានុភាពរបស់វានិងកាណុងវែងរឹងមាំ កាំភ្លើងលបបាញ់ទាំងនេះគឺជាកាំភ្លើងមួយក្នុងចំណោមអាវុធដែលគេស្គាល់បំផុត នៅក្នុងឃ្លាំងអាវុធរបស់កងទ័ពហើយត្រូវបានគេពេញនិយមតាមរយៈព្រឹត្តិការណ៍ប្រវត្តិសាស្រ្ត ការថតខ្សែភាពយន្ត និងប្រព័ន្ធផ្សព្វផ្សាយដទៃទៀត។
កាំភ្លើងលបបាញ់របស់យោធាត្រូវបានគេបង្កើតឡើង ដើម្បីផ្តល់ភាពជាក់លាក់ខ្ពស់ជាងមុន និងអាចប្រើប្រាស់បានយូរ អាចទុកចិត្តបាន និងអាចជួសជុលបានក្នុងលក្ខខណ្ឌណាមួយដែលមានស្ថានភាពមិនល្អ។
តើកាំភ្លើងលបបាញ់កាំភ្លើងល្អបំផុតនៅលើពិភពលោកនាពេលបច្ចុប្បន្នមានអ្វីខ្លះ?
១-Barrett M82 – US
Barrett M82 ដែលត្រូវបានគេស្គាល់ថាគឺជាការកាំភ្លើងដែលបង្កើតឡើងរបស់កងទ័ពអាមេរិក មានឈ្មោះថា M107 ហើយវាជាជាកាំភ្លើងលបបាញ់ដ៏ល្អបំផុតមួយនៅលើទីផ្សារ។ គោលបំណងចម្បងរបស់ទាហានអាមេរិកក្នុងការបង្កើតកាំភ្លើងនេះគឺអាចបាញ់ទម្លុះដែកល្មមៗនិងជញ្ជាំងបេតុង ពិសេសអាចមានតម្លាំងបាញ់ជ្រាតចូលទៅទម្លុះរថពាសដែកនៅបាញ់ក្នុងរយៈចម្ងាយជិតល្មម។
ដើមឡើយវាត្រូវបានរចនាឡើងដោយក្រុមហ៊ុនផលិតអាវុធជាតិផ្ទុះ Barrett(Barrett Firearms Manufacturing) ក្នុងឆ្នាំ ១៩៨២ ដើម្បីកម្ទេចឧបករណ៍សត្រូវងាយរងគ្រោះដូចជាឧបករណ៍រ៉ាដា រថយន្ដដឹកសម្ភារសឹក និងយន្ដហោះចតស្ងៀម ព្រមទាំងការបំផ្លាញគ្រឿងផ្ទុះពីចម្ងាយ។ កាំភ្លើងវែងដែលមានប្រវែង ១២០ ស មទៅ-១៤០ ក្នុងមួយបង់មាន១០គ្រាប់និងមានទម្ងន់ ១៣.៥ គីឡូក្រាម ទៅ១៤ គីឡូក្រាមវាជាកាំភ្លើងដែលមានទម្ងន់ធ្ងន់ជាងក្នុងបញ្ជីនេះ។
ជាមួយនឹងល្បឿនគ្រាប់ហោះ ៨៥៣ ម៉ែត្រ / វិនាទី និងចម្ងាយបាញ់ ១.៨០០ ម៉ែត្រ។ M82 កំពុងប្រើប្រាស់ដោយកម្លាំងប្រដាប់អាវុធជាង ៥០ ក្នុងពិភពលោក ហើយវាត្រូវបានឃើញមានសកម្មភាពនៅក្នុងប្រទេសអ៊ីរ៉ាក់និងអាហ្វហ្គានីស្ថានហើយកាំភ្លើងនេះអ្នកចូលចិត្តលេងហ្គេម Call of Duty ក៏ចូលចិត្តប្រើវាផងដែរ។
២-Steyr SSG 69 – Austria
Steyr SSG 69 ផលិតដោយប្រទេសអូទ្រីសគឺជាកាំភ្លើងវែងលបបាញ់ដ៏ល្អបំផុតមួយដែលបាញ់ចំគោលដៅនិងជាក់លាក់បំផុត។ ចាប់តាំងពីឆ្នាំ ១៩៦៩ វាត្រូវបានគេប្រើនៅក្នុងជំលោះជាច្រើននៅមជ្ឈឹមបូព៌ានិងអាស៊ីហើយបច្ចុប្បន្នជាកាំភ្លើងវែងលបបាញ់សំរាប់ទាហានអូទ្រីស។
ល្ខណៈពិសេសរបស់ Steyr SSG 69 គឺបាញ់ចំគោលដៅល្អហើយត្រូវបានគេចាត់ទុកថាមានប្រសិទ្ធភាពបំផុតនៅចម្ងាយ ៨០០ ម។ វាទំងន់ ៣.៨ទៅ៤ គីឡូក្រាមកអាស្រ័យលើវ៉ារ្យ៉ង់ដែលបំពាក់តែវាស្រាលជាងBarrett M82 ដាក់គ្រាប់បានតិចជាង។
នៅឆ្នាំ ២០១៥ Steyr SSG69ត្រូវបានគេឈប់ផលិត ហើយ Steyr SSG 08 ត្រូវបានគេយកមកស្នងតំណែងក្នុងកងទ័ពអូទ្រីស។ កាណុងរបស់កាំភ្លើងជំនាន់ថ្មីSSG 08 មានសភាពឆាប់ត្រជាក់ជាងសេរ៊ីចាស់ហើយធុងចេគគ្រាប់ខាងក្នុងរលូនល្អតែវាឆាប់ច្រេះចាប់បន្តិច។
៣-Arctic Warfare Magnum – UK
Arctic Warfare Magnum (AWM) គឺជាកាំភ្លើងវែងលបបាញ់ដែលមានភាពជាក់លាក់ខ្ពស់បំផុតហើយវាត្រូវបានរចនាឡើងជាពិសេស សម្រាប់ប្រតិបត្តិការសម្រាប់សីតុណ្ហភាពក្នុងតំបន់ទឹកកអាក់ទិក។ អង់គ្លេសផលិតកាំភ្លើងនេះជាច្រើនប្រភេទសម្រាប់ប្រាស់ក្នុងប្រតិបត្តិការរបស់ខ្លួនដែលមានដូចជា AWM និង AW50។
លក្ខណៈពិសេសតែមួយគត់របស់ AWM គឺអាចដាក់គ្រាប់កាំភ្លើងវែងនិងធំជាងមុននិងមានឥទ្ធិពលជាងគ្រាប់កាំភ្លើងធម្មតា។ AWM អាចដាក់បាន ៥ គ្រាប់។ ក្រោយមកទៀត វាត្រូវបានគេកំណត់ថាជាកាំភ្លើងវែងលបបាញ់ទំនើបនិងមានរយៈចម្ងាយបាញ់ដ៏មានប្រសិទ្ធិភាពពី ១៥០០ មទៅ ១៧០០ ម៉ែត្រ។
សម្រាប់ការបាញ់រយៈចម្ងាយឆ្ងាយAWM Lapua អាចបំពាក់កែវឆ្លុះដែកដែលអាចមើលឃើញមិនចាំងកាំរស្មីពន្លឺព្រះអាទិត្យដែលមានពន្លឺខ្លាំងនៅពេលថ្ងៃ និងសម្រាប់កម្តៅខ្សោយសម្រាប់លក្ខខណ្ឌពន្លឺទាបនៅពេលយប់។
លោក Craig Harrison ទាហានអង់គ្លេសម្នាក់ទទួលបានកំណត់ត្រាបាញ់សត្រូវចំគោលដៅនិងឆ្ងាយជាងគេបង្អស់កាលខែវិច្ឆិកាឆ្នាំ ២០០៩ ដោយបាញ់បានចំងាយពីចំងាយ ២,៤៧៥ ម៉ែត្រដោយប្រើប្រាស់កាំភ្លើង L115A3 ដែលកាំភ្លើងនេះត្រូវបានរចនាឡើងដោយកងកម្លាំងអង់គ្លេសក្រោយបង្កើត AWM ។ កំណត់ត្រានេះនឹងត្រូវបានគេបំបែកនៅឆ្នាំ 2017 ដោយកាំភ្លើងវែងលបបាញ់ផ្សេងទៀតMcMillan TAC-50។
៤-McMillan TAC-50 – US
កាំភ្លើងម៉ាកMcMillan TAC-50 ត្រូវបានរចនាឡើងដោយshrdjzអាមេរិក គឺជាកាំភ្លើងវែងសម្រាប់ប្រឆាំងនឹងសម្ភារៈនិងកាំភ្លើងប្រឆាំងមនុស្សដែលប្រើដោយកងនាវាចរអាមេរិក SEALS ហើយវាជាកាំភ្លើងវែងលបបាញ់ស្តង់ដាររបស់កងទ័ពកាណាដាតាំងពីឆ្នាំ ២០០០ ។
កាំភ្លើងបាញ់កាំភ្លើងធុន TAC-50 រួមមានស្នូលរុញគ្រាប់ទម្ងន់ ៧៣.៧ សម។ទោះបីជាមានធុងធ្ងន់ក៏ដោយស្តុករបស់វាត្រូវបានផលិតចេញពីសរសៃអំបោះហើយគ្រប់កាំភ្លើងទាំងអស់មានទំងន់ ១១.៨ គីឡូក្រាមប៉ុណ្ណោះ។វាមានកែវឆ្លុះបានឆ្ងាយហើយក៏អាចបាញ់បានពេលយប់ផងដែរ។
អ្វីដែលគួរអោយកត់សំគាល់នោះ TAC-50នេះហើយ គឺជាកាំភ្លើងលបបាញ់ដែលប្រើគឺកងនាវាចរអាមេរិកឈ្មោះ Chris Kyle ដែលមានសរសេរក្នុងសៀវភៅកំណត់ហេតុនៃដំណើរផ្សងព្រេងរបស់គាត់នៅអ៊ីរ៉ាក់ហើយវាក្រោយមកវាត្រូវបានបង្កើតជាខ្សែភាពយន្តហូលីវូដឆ្នាំ ២០១៤ មានចំណងជើងថា ‘American Sniper’, ។
វាក៏ជាកាំភ្លើងមួយដែលបំបែកឯតទគ្គកម្មផងដែរកាលពីឆ្នាំ ២០១៧ ក្រុមទាហានលបបាញ់កាណាដាបានប្រើប្រាស់វាសម្លាប់សត្រូវនៅអឺរ៉ាក់ហើយបាញ់ចំគោលដៅក្នុងចម្ហាយ៣.៥៤០ ម៉ែត្រ(ជាង៣គីឡូមែត្រ)។
៥-SAKO TRG 42 – Finland
ប្រទេសហ្វាំងឡង់គឺជាដែនដីមួយដែលធ្លាប់បានបន្សល់ទុកដានប្រវត្តិសាស្រ្តនិយាយពីកាំភ្លើងលប់បាញ់ក្នុងសង្គ្រាមលោកលើកទី២ដែលកាលនោះលោក Simo Häyhä,គឺជាវីរបុរសកាន់កាំភ្លើងលបបាញ់កម្ចាត់សត្រូវ៥០៥នាក់ក្នុងសមរភូមិសង្គ្រាមរដូវរងារឆ្នាំ១៩៣៩ដល់១៩៤០ដែលកាលនោះគាត់ប្រើប្រាស់កាំភ្លើង Moisin-Nagant M28/30របស់រុស្សី កាំភ្លើងយន្ត KP/-31 submachine gunតែប៉ុណ្ណោះ។
SAKO TRG 42 គឺផលិតដោយហ្វាំងឡង់។ វាជាកាំភ្លើងវែងលបបាញ់ដែលមានទម្ងន់ប្រហែល ៥ គីឡូក្រាម ទៅ៦ គីឡូក្រាមអាស្រ័យលើវ៉ារ្យ៉ង់។ ដូចទៅនឹង Steyr SSG 08 ដែរ TRG 42 មានស្នូលរុញគ្រាប់ធំឆាប់ត្រជាក់ហើយធន់និងអាកាសធាតិក្រៅខ្លាំងនិងត្រជាក់ខ្លាំងជាមួយនឹងទម្ងន់មិនសូវធ្ងន់ប៉ុន្មានទេ។
TRG 42អាចដាក់គ្រាប់ប្រភេទ 338 Lapua Magnum ឬក៏ .300 Winchesterដែលមានទំហំធំវែង ដោយម្ដងដាក់បាន៥គ្រាប់។វាត្រូវបានគេប្រាស់បាញ់ក្នុងរយៈចម្ងាយឆ្លាយល្មម១៥០០ម៉ែត្រ។
នៅឆ្នាំ ២០១៨ ក្រុមហ៊ុន SAKO បានបញ្ចេញកាំភ្លើងសេរ៊ីថ្មី TRG 42 A1 ដែលអាចបាញ់ដោយមានលំនឹងល្អ មិនរញ្ជួយខ្លាំងនិងអាចតម្រង់គោលដៅបានល្អទៀតផង៕
ប្រភព៖army-technology
ប្រែសម្រួល៖ក្នុងស្រុក
ព័ត៌មានថ្មីៗ
