ដើរលេងភូកេត ប្រទេសថៃបានម៉ាសប្បាយ ហើយដើរចាយអស់ម្នាក់ត្រឹមតែ 250$ ដោយវិធីងាយៗមួយនេះ!
ថៃ៖ ភូកេតប្រទេសថៃ គឺជាទីកន្លែងទេសចរណ៍ដ៏សម្បូរបែបមួយបន្ទាប់ពីទីក្រុងបាងកក ជាពិសេសទីនោះមានប្រជុំកោះស្អាតៗ និងល្បីៗជាច្រើន កំពុងតែទាក់ទាញភ្ញៀវទេសចរណ៍មកកម្សាន្ត។
ការទៅលេងលក្ខណៈជា Trips ជាមួយនឹងមិត្តភក្តិគឺជារឿងមួយដ៏ល្អបំផុតសម្រាប់អ្នកដែលចង់ចំណាយលុយតិច ព្រោះបើតាមការរៀបរាប់ពីម្ចាស់គណនីហ្វេសប៊ុក Nimol បាននិយាយពីបទពិសោធន៍របស់ខ្លួនជាមួយនឹងដំណើរកម្សាន្តមួយនេះផងដែរថា ការចំណាយពេលដើរលេងនៅភូកេត រយៈពេល ៣ថ្ងៃ ក្នុងម្នាក់ចំណាយអស់ត្រឹមតែ ខ្ទង់ 200$ ទៅ250$ ម្នាក់ប៉ុណ្ណោះ ឯថ្លៃហោះហើរយន្តហោះប្រមាណជា 100$ (តម្លៃអាចផ្លាស់ប្តូរទៅតាមរដូវកាល)។
នេះជាការៀបរាប់សង្ខេបត្រួសៗនៃដំណើរកម្សាន្តរបស់ម្ចាស់គណនី Nimol
- នៅក្នុងនោះការស្នាក់នៅក្នុងរីហ្សតមួយកន្លែង ចំនួន ២បន្ទប់ រយៈពេល ៣យប់ តម្លៃ 5,130baht (ប្រមាណជា 165$) ឬអ្នកអាចរកសណ្ឋាគារ /កន្លែងស្នាក់នៅដែលមានតម្លៃថោកផ្សេងទៀតក៏បានតាមរយៈវែបសាយ Agoda.com or Booking.com។
- ការចំណាយថ្លៃធ្វើដំណើរពីព្រលានយន្តហោះមកកន្លែងស្នាក់នៅតម្លៃ 800baht (ប្រមាណជា 25$) ដោយជិះរយៈពេល ៦០នាទី។
- កញ្ចប់សេវាកម្មជិះទូកទៅលេងកោះ តម្លៃ 1,500baht (ប្រមាណជា 48$) ក្នុងម្នាក់ ដោយរាប់បញ្ចូលទាំង សេវាធានារ៉ាប់រង ពោងសង្គ្រោះ (អាវ) ផ្លែឈើ និងភេសជ្ជៈមួយចំនួន ដោយអាចទៅលេងបណ្តាកន្លែងកម្សាន្តសសប្បាយៗមួយចំនួនដូចជា៖ Green Island Maya Bay/Maya Beach Lagoon Bay ល្អាង Viking Monkey beach in Phi Phi Don កោះ Phi Phi និងកោះ Khai ។
- កញ្ចប់សេវាកម្មដើរលេងជាមួយនឹង មគ្គទេសក៍ទេសចរណ៍ (Guide) ចំនួន ៥ម៉ោងនៅក្នុងទីក្រុង មានតម្លៃ 1,200baht (ប្រមាណជា 38$) ដោយអាចទៅទស្សនាកន្លែងល្បីៗដូចជា ព្រះពុទ្ធរូបធំ ផ្ទះក្រឡាបចាក់ (ម្នាក់តម្លៃ 350baht = ជាង 11$) ទីក្រុងភូកេតចាស់ ទីទួលឆកសមុទ្រ Promthep Cape (ស្រស់ស្អាតខ្លាំង) Karon កន្លែងអាចទស្សនាទិដ្ឋភាពភូកេតពីទីខ្ពស់)។
- ការចំណាយលើថ្លៃអាហារ និងថ្លៃធ្វើដំណើរខ្លះៗ
ចំណាំ៖ អ្នកអាចចូលមើលការរៀបរាប់លំអិតពីគណនីម្ចាស់ហ្វេសប៊ុកផ្ទាល់ (ចុចទីនេះ Nimol )។
« ក្នុងស្រុក » សង្ឃឹមថា អត្ថបទមួយនេះអាចជួយផ្តល់គំនិត និងការរៀបចំគម្រោងសម្រាប់អ្នកដែលមានបំណងចង់មកលេងភូកេតប្រទេសថៃ។ ហើយក៏សូមអភ័យទោសប្រសិនជាការបកប្រែមានការខ្វះខាតត្រង់ណា ឬក៏សង្ខេបត្រួសៗខ្លាំងពេក៕
រក្សាសិទ្ធអត្ថបទ៖ ក្នុងស្រុក
ប្រភពរូបភាព និងពត៌មាន៖ Nimol
ព័ត៌មានថ្មីៗ
