អ្វីដែលទាក់ទាញចំពោះមនុស្សស្រីគឺមិនមែនបុរសដែលមានទ្រព្យសម្បត្តិ ឬ សង្ហារទេ ប៉ុន្តែគឺមនុស្សប្រុសដែលដឹងពីរបៀបបំពេញតម្រូវការរបស់នាង
អ្វីដែលមនុស្សស្រីពិតជាស្វែងរកក្នុងដៃគូស្នេហាគឺមិនមែនជាសម្ភារៈ ឬ រូបរាងកាយនោះទេ។ ពេលនិយាយពីអ្វីដែលទាក់ទាញមនុស្សស្រី មនុស្សជាច្រើនគិតភ្លាមថាជាភាពសង្ហា ឬ ទ្រព្យសម្បត្តិ។ តែទោះជាយ៉ាងណាក៏ដោយ ទាំងនោះគ្រាន់តែជាកត្តាខាងក្រៅប៉ុណ្ណោះ ហើយមិនមែនជាធាតុស្នូលដែលបង្កើតភាពទាក់ទាញពិតប្រាកដរបស់បុរសនោះទេ។ អ្វីដែលស្ត្រីពិតជាស្វែងរកក្នុងដៃគូតាមពិតគឺជាសមត្ថភាពដើម្បីបំពេញតម្រូវការខាងផ្លូវចិត្ត និងអារម្មណ៍ទាំងនេះ៖
១.ការយល់ដឹងនិងការស្តាប់៖ បុរសដែលចេះបើកចិត្តស្តាប់គឺតែងតែយល់ចិត្ត និងអ្វីដែលមនុស្សស្រីចង់បាន។ បុរសដែលចេះយកចិត្តទុកដាក់ចំពោះអារម្មណ៍លាក់កំបាំងរបស់មនុស្សស្រីនឹងទទួលបានពិន្ទុនៅក្នុងចិត្តរបស់មនុស្សស្រី។ នៅពេលដែលស្ត្រីមានអារម្មណ៍ថាបុរសម្នាក់នោះយល់ពីនាង ពួកគេកាន់តែជឿជាក់ និងចង់នៅជិតគាត់។ ម្យ៉ាងទៀត បុរសដែលសុខចិត្តស្តាប់ដោយមិនបញ្ចេញយោបល់អាក្រក់ ឬ បញ្ចេញមតិរបស់ខ្លួន នឹងធ្វើឱ្យស្ត្រីមានអារម្មណ៍សុវត្ថិភាព និងគោរពកាន់តែខ្លាំង។
២.ការព្រួយបារម្ភដោយស្មោះ៖ ការយកចិត្តទុកដាក់មិនមែនអំពីអំណោយថ្លៃៗទេ ប៉ុន្តែជាសកម្មភាពតូចតាច ប៉ុន្តែមានអត្ថន័យ។ ការខ្វល់ខ្វាយពីរឿងតូចតាចបំផុត ដូចជាផ្ញើសារសួរសុខទុក្ខជារៀងរាល់ថ្ងៃ ឱបពេលនាងនឿយហត់ ឬ លើកទឹកចិត្តពេលនាងពិបាក សុទ្ធតែជាចំណុចដែលអាចឆក់យកបេះដូងមនុស្សស្រីម្នាក់បាន។ សកម្មភាពនិយាយខ្លាំងជាងពាក្យសំដី ជំនួសឱ្យការគ្រាន់តែនិយាយថា "ខ្ញុំស្រឡាញ់អ្នក" តែបុរសម្នាក់ដែលបង្ហាញវាតាមរយៈសកម្មភាពនឹងធ្វើឱ្យស្ត្រីមានអារម្មណ៍ថាគាត់ជាមនុស្សស្មោះត្រង់ និងមានតម្លៃ។
៣.អមដំណើរ និងចែករំលែកការទទួលខុសត្រូវ៖ ក្នុងទំនាក់ទំនងមនុស្សស្រីតែងតែចង់បានដៃគូ មិនមែនត្រឹមតែគូស្នេហ៍នោះទេ។ តែជាមនុស្សដែលអាចចែករំលែកការងារ និងសម្ពាធ ចេះចែករំលែកទំនួលខុសត្រូវ តាំងពីការងារផ្ទះ រហូតដល់ការខ្វល់ខ្វាយក្នុងជីវិត នឹងធ្វើឱ្យមនុស្សស្រីមានអារម្មណ៍ថាស្រាលបន្ទុក។
៤.ភាពចាស់ទុំខាងអារម្មណ៍ និងស្ថិរភាព៖ ភាពចាស់ទុំមិនត្រឹមតែទាក់ទងនឹងអាយុប៉ុណ្ណោះទេ ថែមទាំងអំពីអាកប្បកិរិយា និងសមត្ថភាពក្នុងការគ្រប់គ្រងអារម្មណ៍ផងដែរ។ ភាពអត់ធ្មត់ និងអធ្យាស្រ័យ បុរសដែលមានភាពចាស់ទុំដឹងពីរបៀបដោះស្រាយជម្លោះដោយស្ងប់ស្ងាត់ មិនទុកកំហឹងធ្វើឱ្យអ្នកដទៃឈឺចាប់ មានស្ថេរភាព និងអាចទុកចិត្តបាន គឺមានភាពទាក់ទាញបំផុតចំពោះមនុស្សស្រី។
៥.ចេះគោរពនិងការដឹងគុណ៖ ស្ត្រីតែងតែចង់បានការគោរព និងឱ្យតម្លៃ ទោះក្នុងតួនាទីអ្វីក៏ដោយ មិនថាជាភរិយា ម្តាយ ឬ ដៃគូស្នេហា។
- គោរពមតិបុគ្គល៖ បុរសដែលតែងតែឲ្យតម្លៃលើគំនិតស្ត្រីនឹងធ្វើឲ្យនាងមានតម្លៃ។
- គ្មានការគ្រប់គ្រង៖ ស្ត្រីត្រូវការសេរីភាព ហើយមិនចង់ត្រូវបានគេដាក់កំហិត ឬ ដាក់សម្ពាធក្នុងទំនាក់ទំនង។
ភាពទាក់ទាញរបស់បុរសមិនកើតចេញពីរូបរាង ឬ ទ្រព្យសម្បត្តិរបស់គាត់ទេ ប៉ុន្តែមកពីសមត្ថភាពរបស់គាត់ក្នុងការបំពេញតម្រូវការខាងវិញ្ញាណ និងអារម្មណ៍។ នៅពេលដែលមនុស្សប្រុសចេះយោគយល់ យកចិត្តទុកដាក់ គាំទ្រ ចាស់ទុំ និងគោរព នោះគាត់នឹងក្លាយជាមនុស្សប្រុសម្នាក់ដែលមនុស្សស្រីមិនអាចទុកចោលបាន។ នេះសបញ្ជាក់ឱ្យឃើញថា ទំនាក់ទំនងស៊ីជម្រៅតែងតែជាមូលដ្ឋានគ្រឹះដ៏រឹងមាំបំផុតនៅក្នុងទំនាក់ទំនងណាមួយ៕
ព័ត៌មានថ្មីៗ
