អាហារ និងភេសជ្ជៈធម្មជាតិ៧មុខ អាចជួយបន្សាបជាតិពុលក្នុងថ្លើម
របៀបរស់នៅបែបទំនើបជាមួយនឹងរបបអាហារមិនល្អ និងការបំពុលបរិស្ថានធ្វើឱ្យថ្លើមធ្វើការលើសម៉ោង ដែលរងឥទ្ធិពលយ៉ាងខ្លាំង។ ដូច្នេះដើម្បីជៀសវាងពីបញ្ហាពុលថ្លើម អត្ថបទនេះនឹងបង្ហាញលោកអ្នកអំពីអាហារ និងភេសជ្ជៈចំនួន៧មុខ ដែលជួយបន្សាបជាតិពុលពីថ្លើមតាមធម្មជាតិ និងមានប្រសិទ្ធភាព ម្យ៉ាងទៀតនឹងជួយឱ្យថ្លើមរបស់អ្នកកាន់តែមានសុខភាពល្អ៖
១.តែបៃតង៖ តែបៃតងគឺជាភេសជ្ជៈដ៏មានតម្លៃ ដែលផ្ទុកទៅដោយសារធាតុប្រឆាំងអុកស៊ីតកម្មដ៏មានឥទ្ធិពល អាចកាត់បន្ថយការខូចខាតថ្លើមពីជាតិពុល ហើយវាក៏ចូលទៅជួយបង្កើនសកម្មភាពនៃអង់ស៊ីមបន្សាបជាតិពុលផងដែរ។ ការស្រាវជ្រាវពី International Journal of Liver Disease បានបង្ហាញថា ការទទួលទានតែបៃតងជាប្រចាំអាចជួយកាត់បន្ថយហានិភ័យនៃជំងឺខ្លាញ់រុំថ្លើម និងជំងឺរលាកថ្លើម។
២.រមៀត៖ រមៀតមានលក្ខណៈសម្បត្តិប្រឆាំងនឹងការរលាកនិងសមត្ថភាពការពារថ្លើម។ យោងតាមការសិក្សាមួយពី Journal of Clinical Medicine បានបង្ហាញថា curcumin ត្រូវបានគេបង្ហាញថាបង្កើនការផលិតទឹកប្រមាត់ និងធ្វើអោយប្រសើរឡើងនូវសមត្ថភាពថ្លើមក្នុងការបញ្ចេញជាតិពុល។ ការបន្ថែមរមៀតទៅក្នុងរបបអាហារប្រចាំថ្ងៃរបស់អ្នក ឧទាហរណ៍ក្នុងការចម្អិនអាហារ ឬ ជាតែ គឺជាវិធីងាយស្រួល និងមានប្រសិទ្ធភាពក្នុងការការពារថ្លើមរបស់អ្នក។
៣.ក្រូចថ្លុង៖ ក្រូចថ្លុងមានផ្ទុកសារធាតុ naringenin និង naringin ដែលជាសារធាតុប្រឆាំងអុកស៊ីតកម្មពីរដែលការពារថ្លើមពីការខូចខាត និងប្រឆាំងនឹងការរលាក។ ការសិក្សាមួយពីសមាគមរបបអាហារអាមេរិក (AND) បានបង្ហាញថា ការទទួលទានផ្លែក្រូចថ្លុងជាប្រចាំអាចជួយកាត់បន្ថយហានិភ័យនៃជំងឺក្រិនថ្លើម និងជំងឺខ្លាញ់រុំថ្លើមដែលមិនមានជាតិអាល់កុល ។
៤.បន្លែស្ពៃ៖ បន្លែស្ពៃសម្បូរទៅដោយ glucosinolates ដែលជាសមាសធាតុជួយក្នុងការបន្សាបជាតិពុលពីក្នុងថ្លើម។ ការស្រាវជ្រាវពីវិទ្យាស្ថានមហារីកជាតិរបស់សហរដ្ឋអាមេរិកបង្ហាញថា ការទទួលទានផ្កាខាត់ណាខៀវ ឬ បន្លែស្ពៃជាទៀងទាត់អាចធ្វើសកម្មភាពអង់ស៊ីមបន្សាបជាតិពុល និងកាត់បន្ថយការប្រមូលផ្តុំជាតិខ្លាញ់នៅក្នុងថ្លើម។
៥.ខ្ទឹម៖ ខ្ទឹមសគឺជាប្រភពនៃសារធាតុ allicin ដែលជាសមាសធាតុដែលលេចធ្លោក្នុងការធ្វើឱ្យអង់ស៊ីមថ្លើមសកម្ម ដោយហេតុនេះជួយកម្ចាត់ជាតិពុល។ Journal of Hepatobiliary Research បានបង្ហាញថា ការបន្ថែមខ្ទឹមសទៅក្នុងរបបអាហារអាចជួយកាត់បន្ថយជាតិខ្លាញ់ថ្លើម និងកាត់បន្ថយហានិភ័យនៃជំងឺដែលទាក់ទងនឹងថ្លើម។
៦.ទឹកក្រូចឆ្មាក្តៅ៖ ទឹកក្រូចឆ្មារក្តៅឧណ្ហៗ គឺជាភេសជ្ជៈដ៏សាមញ្ញមួយ ប៉ុន្តែមានឥទ្ធិពលដ៏អស្ចារ្យក្នុងការបន្សាបជាតិពុលពីថ្លើម។ ជាមួយនឹងមាតិកាខ្ពស់នៃវីតាមីន C និងសារធាតុប្រឆាំងអុកស៊ីតកម្ម ទឹក lemon ជំរុញការផលិតទឹកប្រមាត់ និងធ្វើអោយប្រសើរឡើងនូវការរំលាយអាហារ។ ទស្សនាវដ្ដី British Journal of Clinical Nutrition ណែនាំថា ការផឹកទឹកក្រូចឆ្មារក្តៅមួយកែវជារៀងរាល់ព្រឹកអាចជួយឱ្យថ្លើមដំណើរការល្អ។
៧.ផ្លែបឺរ៖ ផ្លែបឺរគឺជាប្រភពធម្មជាតិនៃ glutathione ដែលជាសារធាតុប្រឆាំងអុកស៊ីតកម្មដ៏សំខាន់ដែលជួយការពារថ្លើមពីការខូចខាតដែលបណ្តាលមកពីរ៉ាឌីកាល់សេរី។ យោងតាមការស្រាវជ្រាវរបស់អង្គការស្បៀងអាហារ និងកសិកម្មនៃអង្គការសហប្រជាជាតិ (FAO) ការទទួលទានផ្លែបឺរជាប្រចាំអាចបង្កើនសមត្ថភាពសម្អាតថ្លើមដោយខ្លួនឯងបាន។
#ចំណាំនៅពេលប្រើអាហារបន្សាបជាតិពុលក្នុងថ្លើម
- រក្សារបបអាហារមានតុល្យភាព៖ បញ្ចូលអាហារខាងលើទៅក្នុងរបបអាហារប្រចាំថ្ងៃរបស់អ្នក ប៉ុន្តែត្រូវយកចិត្តទុកដាក់ឱ្យមានតុល្យភាព ដើម្បីជៀសវាងអាហាររូបត្ថម្ភលើស។
- កំណត់អាហារដែលបង្កគ្រោះថ្នាក់៖ នៅឱ្យឆ្ងាយពីអាហារកែច្នៃ អាហារសម្បូរជាតិខ្លាញ់ ឬ មានជាតិស្ករចម្រាញ់ច្រើន។
- បង្កើតទម្លាប់ដែលមានសុខភាពល្អ៖ បន្ថែមពីលើការថែរក្សារបបអាហាររបស់អ្នក ចូរធ្វើលំហាត់ប្រាណទៀងទាត់ និងគេងឱ្យបានគ្រប់គ្រាន់ដើម្បីធានាបាននូវសុខភាពទូទៅ៕
ព័ត៌មានថ្មីៗ
