អាហារទាំងនេះឆ្ងាញ់ពិតមែន តែបើឧស្សាហ៍លូកពេក អាចកើតជំងឺគ្រោះថា្នក់ ៣ នេះ-v2
តើអ្នកណាចូលចិត្តញ៉ាំអាហារកែច្នៃ? អាហារកែច្នៃគឺជាអាហារដែលបានឆ្លងកាត់ដំណើរការពន្យារអាហារឱ្យទុកបានយូរ និងដោយប្រើវិធីសាស្រ្តផ្សេងៗមិនថាការប្រឡាក់ឆ្អើរ ការបង្កក សម្ងួត ឬច្រកកំប៉ុង។ ឧទាហរណ៏: សាច់ក្រក សាច់ជ្រូកសាច់ជ្រូកប្រឡាក់ សាច់ហាំ ងាតគោ សាច់កំប៉ុង សាច់ជ្រូកចំហុយ ឬសាច់ប្រហិតជាដើម។
អាហារកែច្នៃនីមួយៗដែលយើងបានបង្ហាញសុទ្ធតែមានរសជាតិឆ្ងាញ់ ប៉ុន្តែតើអ្នកដឹងទេថាការបរិភោគអាហារកែច្នៃច្រើនពេកអាចបង្កគ្រោះថ្នាក់ដល់សុខភាពដែលនាំឱ្យមានជំងឺមហារីក? ក្រុមស្រាវជ្រាវ INN បានរកឃើញចម្លើយសម្រាប់អ្នករាល់គ្នារួចហើយដូចការបញ្ជាក់ខាងក្រោមនេះ។
1. ជំងឺមហារីក
តើអ្នកណានឹងគិតថាការបរិភោគអាហារកែច្នៃអាចបង្កឱ្យមានជម្ងឺមហារីក? ប៉ុន្តែចម្លើយគឺពិតជាបង្កឱ្យមានជម្ងឺមហារីកមែន។ នេះដោយសារតែអាហារកែច្នៃជាញឹកញាប់មានជាតិប្រៃ ឬសារធាតុប៉ូតាស្យូមនីត្រាត។ នីត្រាត ជាគ្រឿងផ្សំនៅក្នុងអាហារដែលមានលក្ខណៈសម្បត្តិការពារដូចគ្នានឹងសារធាតុនីត្រីត និងនីត្រាតសូដ្យូមនេះនឹងជួយទប់ស្កាត់ការលូតលាស់របស់បាក់តេរីដោយខ្លួនឯង។
ហើយជាការពិតណាស់សារធាតុទាំងនេះត្រូវបានចាត់ថ្នាក់ជាសារជាតិបង្កមហារីកប្រសិនបើរាងកាយត្រូវបានប៉ះពាល់នឹងអាហារដែលផ្ទុកនូវសារធាតុទាំងនេះអស់រយៈពេលជាយូរមកហើយ។ ការណ៍នេះបង្កើនហានិភ័យនៃជំងឺមហារីកក្រពះ បំពង់អាហារ ពោះវៀនធំ និងជំងឺមហារីកឈាមផងដែរ។
2. ភាពធាត់
មានអ្នកណាមានអារម្មណ៍ថា "គ្រាន់តែលេបទឹកមាត់ក៏ធ្វើឱ្យធាត់" មែនទេ? រឿងនេះបណ្តាលមកពីញ៉ាំអាហារកែច្នៃ។ នេះដោយសារតែអាហារកែច្នៃភាគច្រើនមានជាតិស្ករច្រើន។ ហើយជាការពិតជាតិស្ករគឺជាកត្តាសំខាន់ដែលបណ្តាលឱ្យងាយធាត់។
ទោះបីជាស្លាកផលិតផលនៅលើប្រអប់អាហារកែច្នៃមិនមានដាក់ថាបញ្ចូលជាតិស្ករនៅក្នុងគ្រឿងផ្សំក៏ដោយ ប៉ុន្តែអ្នករាល់គ្នាព្យាយាមកត់សំគាល់ប្រសិនបើមានគ្រឿងផ្សំណាមួយនៃជាតិគ្លុយកូស, fructose, sucrose, honey, corn syrup, maltose, pollen nectar ឬ molasses។
សារធាតុទាំងនេះក៏ត្រូវបានគេចាត់ទុកថាជាជាតិស្ករផងដែរ។ ការទទួលទានសារធាតុទាំងនេះបណ្តាលឱ្យរាងកាយលាក់ទុកនូវសារធាតុដូប៉ាមីន។ នៅពេលដែលរាងកាយទទួលបានជាតិស្ករទៀងទាត់វានឹងធ្វើឱ្យអ្នករីករាយ។ នេះនឹងបណ្តាលឱ្យរាងកាយត្រូវការជាតិស្ករជានិច្ច។ វាដូចជាញៀននឹងអ្វីមួយដែលមិនធ្លាប់មាន។ ហើយរាល់ពេលយើងមានតម្រូវការបរិភោគប្រភេទអាហារនេះជាប្រចាំ។ វានឹងធ្វើឱ្យរាងកាយមានទម្លាប់ទទួលស្ករហើយអាចបណ្តាលឱ្យធាត់។
3. ការធ្លាក់ទឹកចិត្ត
មនុស្សជាច្រើនជឿជាក់ថាការញ៉ាំអាហារកែច្នៃមានអ្វីមួយដែលទាក់ទងនឹងការធ្លាក់ទឹកចិត្ត។ ការសិក្សាមួយនៅចក្រភពអង់គ្លេសបានរកឃើញថាការបរិភោគអាហារកែច្នៃច្រើនពេកអាចនាំឱ្យសុខភាពផ្លូវចិត្តចុះខ្សោយនិងគ្រោះថ្នាក់ និងទទួលរងពីការធ្លាក់ទឹកចិត្ត។
ដូចអ្នកទាំងអស់គ្នាប្រហែលជាបានដឹងរួចមកហើយថាអាហារកែច្នៃមានជាតិស្ករច្រើន។ វាអាចបំផ្លាញសារធាតុ serotonin ក្នុងពោះវៀន។ Serotonin គឺជាសារធាតុដែលប៉ះពាល់ដល់អារម្មណ៍។ ហើយគឺជាសារធាតុដែលជួយគ្រប់គ្រងអារម្មណ៍។ ជួយធ្វើឱ្យរាងកាយស្រស់ស្រាយមានអារម្មណ៍ធូរស្រាល ប៉ុន្តែប្រសិនបើពេលសារធាតុ serotonin នៅក្នុងខ្លួនទាប វានឹងធ្វើឱ្យយើងមានអារម្មណ៍ស្រ្តេសថប់បារម្ភ ឬធ្លាក់ទឹកចិត្ត៕
ប្រែសម្រួល៖ វីរៈ | ប្រភព៖ បរទេស
ព័ត៌មានថ្មីៗ
