អាហារ ៦ មុខ កាន់តែលូកធ្វើឱ្យអ្នកឆាប់ចាស់ បង្កើនស្នាមជ្រីវជ្រួញ និងឡើងជាតិខ្នាញ់-v2
ចាប់ពីអាយុ ២៥ ឆ្នាំឡើងទៅ Collagen នឹងចាប់ផ្តើមចុះខ្សោយ ស្ត្រីចាប់ផ្តើមលេចចេញនូវភាពចាស់បន្តិចម្ដងៗ។ បន្ថែមពីនេះ ចំពោះអាហារ ៦ មុខ ដែលស្ត្រីមិនគួរបរិភោគច្រើនពេកទេ ព្រោះវាងាយបង្កឱ្យអ្នកឆាប់ចាស់ ចេញស្នាមជ្រីវជ្រួញលើមុខ និងស្បែក។ យើងនៅតែមានពាក្យថា រាងកាយរបស់អ្នកគឺជាកញ្ចក់ឆ្លុះបញ្ចាំងពីអ្វីដែលអ្នកបានញុំា។ ជាពិសេសបេះដូង ចង្កេះ ឬស្បែកគឺជាផ្នែកដែលបង្ហាញយ៉ាងច្បាស់បំផុត។
អាហារមិនត្រឹមតែចិញ្ចឹមយើងប៉ុណ្ណោះទេ ប៉ុន្តែថែមទាំងជួយឱ្យយើងមានសុខភាពល្អ និងស្រស់ស្អាតទៀតផង។ មានប្រភេទអាហារមួយចំនួនបន្ទាប់ពីអាយុ ២៥ ឆ្នាំ ដែលស្ត្រីមិនគួរបរិភោគពួកគេក្រែងលោឆាប់ចាស់ និងកាន់តែអាក្រក់។
១. ផលិតផលទឹកដោះគោ
អ្នកជំនាញ Amy Shapiro (ស្ថាបនិក និងជានាយកនៃអាហាររូបត្ថម្ភពិតនៅទីក្រុងញូវយ៉កសហរដ្ឋអាមេរិក) បានមានប្រសាសន៍ថា ស្ត្រីអាចមានអាយុកាន់តែលឿន នៅពេលញុំាទឹកដោះគោ។
អ្នកជំនាញនិយាយថា អាហារធ្វើពីទឹកដោះគោ អាចបណ្តាលឱ្យមានប្រតិកម្មស្បែកដូចជា ជំងឺត្រអក ឬជំងឺស្បែករបក ក្រហម កន្ទួល និងរលាក។ ពួកវាអាចធ្វើឱ្យបញ្ហាស្បែកកាន់តែធ្ងន់ធ្ងរ ហើយជាធម្មតានៅពេលយើងឈប់ញុំាទឹកដោះគោ ស្បែកមានភាពប្រសើរឡើងគួរឱ្យកត់សម្គាល់។
លើសពីនេះទៀត ការទទួលទានស្ករច្រើនពេកពីទឹកដោះគោ ក៏នឹងបង្កើតជាការផ្សារភ្ជាប់គ្នារវាងជាតិគ្លុយកូស ជាមួយនឹងប្រូតេអ៊ីន និងជាតិខ្លាញ់ (ប្រូតេអ៊ីន ២ ដែលទទួលខុសត្រូវចំពោះការរក្សាភាពរឹងមាំ និងការបត់បែននៃស្បែក) ដោយហេតុនេះ បំផ្លាញកូឡាជែន និងកំណើនជ្រីវជ្រួញ។
២. សាច់ក្រក
អាហារទាំងនេះ គឺជាអាហារដែលអ្នកចូលចិត្ត ព្រោះវាមានរសជាតិឆ្ងាញ់ និងងាយៗ ប៉ុន្តែវាសម្បូរទៅដោយជាតិខ្លាញ់ឆ្អែត និងបរិមាណខ្លាញ់តិច។
ប្រសិនបើអ្នកទទួលទានអាហារទាំងនេះជាប្រចាំ កូលេស្តេរ៉ុល និងខ្លាញ់ក្នុងឈាមរបស់អ្នកមានផលប៉ះពាល់អវិជ្ជមាន ធ្វើឱ្យឡើងទម្ងន់ និងរលាក។ លើសពីនេះទៀត ផលិតផលទាំងនេះក៏កាត់បន្ថយវីតាមីនសេនៅក្នុងខ្លួនផងដែរ ដែលជាសារធាតុសំខាន់ណាស់សម្រាប់ការបង្កើតកូឡាជែន។
៣. ការបរិភោគប្រៃពេក
អាហារដែលមានជាតិប្រៃ ធ្វើឱ្យស្បែករបស់ស្ត្រីឆាប់ខូច។ នៅពេលអ្នកញុំាច្រើនពេកនៅយប់ ដូច្នេះនៅព្រឹកបន្ទាប់ មុខអ្នកអាចនឹងហើមដោយសារការប្រមូលផ្តុំទឹក។អំបិលច្រើនពេកនៅក្នុងរបបអាហារ ក៏អាចបណ្តាលឱ្យកោសិការួញ និងនាំឱ្យខ្សោះជាតិទឹកផងដែរ។ ទឹកមិនគ្រប់គ្រាន់ បណ្តាលឱ្យស្បែកលេចចេញស្នាមជ្រីវជ្រួញទៅតាមវ័យ ហើយទីបំផុតធ្វើឱ្យយើងឆាប់ចាស់។
៤. អាហារចៀន
អាហារចៀនមានរសជាតិឆ្ងាញ់ ហើយមនុស្សជាច្រើនចូលចិត្តវា ទោះជាយ៉ាងណាក៏ដោយ វាធ្វើឱ្យស្ត្រីចាស់យ៉ាងឆាប់រហ័ស។ នេះគឺដោយសារតែនៅពេលអាហារចៀនក្នុងកម្ដៅខ្ពស់ វាបញ្ចេញរ៉ាឌីកាល់សេរី ហើយនេះធ្វើឱ្យខូចកោសិកាស្បែក។ អ្វីដែលគ្រោះថ្នាក់ជាងនេះ គឺអាហារចៀនអាចបង្កើនហានិភ័យនៃការវិវត្តទៅជាជំងឺបេះដូង ធ្វើឱ្យសរសៃឈាមរឹង ឬបង្រួមសរសៃឈាម។
៥. ភេសជ្ជៈមានជាតិស្ករ
ភេសជ្ជៈដែលមានជាតិស្ករ មិនមានសុខភាពល្អគ្រប់ភេសជ្ជៈទាំងអស់។ សូដាអាចធ្វើឱ្យអ្នកឡើងទម្ងន់ - មូលហេតុនៃភាពធាត់ ទឹកនោមផ្អែម។ លើសពីនេះទៅទៀត វាក៏ធ្វើឱ្យធ្មេញរបស់អ្នករិលផងដែរ ដែលនឹងធ្វើឱ្យអ្នកមើលទៅចាស់ជាងអាយុពិតរបស់អ្នក។
៦. ខ្លាញ់ឆ្អែត
របបអាហារដែលមានសាច់ក្រហម ទឹកដោះគោ និងឈីសអាចធ្វើឱ្យអ្នកមើលទៅចាស់ជាងវ័យ។ លោកស្រី Rebecca Lewis អ្នកជំនាញផ្នែកអាហារបំប៉ននៅហេឡូហ្វ្រីនិយាយថា “ការញុំាខ្លាញ់ឆ្អែតច្រើនពេក ជាពិសេសនៅពេលផ្សំជាមួយអាហារជាតិស្ករ រួមចំណែកដល់ការរលាកខូចស្បែក និងខ្វះភាពរឹងមាំ” ។
ខាងលើនេះជាអាហារមួយចំនួនដែលមិនល្អសម្រាប់ស្ត្រី ក្រោយពេលអាយុ ២៥ ឆ្នាំ។ ប្រសិនបើអ្នកចង់នៅក្មេង និងមានសុខភាពល្អ អ្នកគួរញុំាផ្លែឈើស្រស់ឱ្យបានច្រើនដូចជា ផ្លែទទឹម ផ្លែក្រូច ផ្លែចេក ក្រូចថ្លុង ទំពាំងបាយជូរ។ ល។
ទទួលទានប្រេងអូលីវសុទ្ធបន្ថែម ព្រោះវាមានផ្ទុកអូមេហ្គា ៣ និងអាស៊ីតខ្លាញ់ល្អសម្រាប់ស្បែក។ បរិភោគផ្លែប័រខៀវ ព្រោះវាសម្បូរទៅដោយសារធាតុប្រឆាំងអុកស៊ីតកម្ម ដែលជួយធ្វើឱ្យសរសៃឈាមមានភាពយឺត និងបន្ថយសម្ពាធឈាម…។
ការទទួលទានបន្លែបៃតងឱ្យបានច្រើន ផឹកទឹកច្រើន និងហាត់ប្រាណទៀងទាត់ ក៏ល្អសម្រាប់សុខភាព និងសម្រស់របស់អ្នកផងដែរ៕
ប្រភព ៖ Phunutoday / ប្រែសម្រួល ៖ Knongsrok
ព័ត៌មានថ្មីៗ
