កខ្វក់ណាស់ឧស្សាហ៍សម្អាតផង! របស់ ៤ យ៉ាងនៅក្នុងបន្ទប់គេង ជាជង្រុកបាក់តេរីច្រើនជាងបង្គន់ ១០០០ ដងឯណោះ-v2
ជារឿងដែលមនុស្សជាច្រើនមិនសូវជាយកចិត្តទុកដាក់ ឬដឹងឡើយ ចំពោះរបស់ប្រើប្រាស់ដែលនៅក្បែរខ្លួនយើងខ្លាំងបំផុត តែវាជាបណ្ដុំនៃបាក់តេរីយ៉ាងសន្ធឹក វាផ្ទុកនូវបាក់តេរីកខ្វក់ជាងបង្គន់ដល់ទៅ ១០០០ដងឯណោះ។ ដូច្នេះហើយ យើងត្រូវតែដឹង និងសម្អាតឱ្យបានជាប្រចាំ។
១. ស្រោមខ្នើយ
ស្រោមខ្នើយបន្ទាប់ពីមិនលាងសម្អាតមួយសប្តាហ៍អាចផ្ទុកបាក់តេរីដល់ទៅ ៣ លាន។ តួលេខនេះខ្ពស់ជាងបន្ទះប៉ាតាតូនិត ១៧,០០០ ដង។
ពេលប្រើខ្នើយកាន់តែយូរ ចំនួនបាក់តេរីកាន់តែច្រើន។ បន្ទាប់ពីមិនលាងសម្អាតរយៈពេល ២ សប្តាហ៍ ខ្នើយអាចផ្ទុកបាក់តេរីបានចំនួន ៥,៩៨ លាន។ បន្ទាប់ពី 3 សប្តាហ៍នៃការមិនលាងសម្អាតតួលេខនេះនឹងកើនឡើងដល់ 8,51 លាន ហើយបន្ទាប់ពី 4 សប្តាហ៍ដល់ 10 លានឯណោះ។
២. ខ្នើយ
ការសិក្សាមួយដោយអ្នកវិទ្យាសាស្ត្រអង់គ្លេសបានរកឃើញបាក់តេរី Staphylococcus aureus ដែលធន់ទ្រាំ និងបាក់តេរីជាច្រើនទៀតនៅលើខ្នើយរាប់រយ។ ញើស ទឹកមាត់ និងទឹកភ្នែកគឺជាអង្គធាតុរាវដែលងាយស្រូបចូលខ្នើយខ្លាំងបំផុត។
នៅក្នុងការសិក្សាអ្នកវិទ្យាសាស្ត្រក៏បានរកឃើញបាក់តេរីក្រពះពោះវៀន បាក់តេរីបង្កការឆ្លងមេរោគផ្លូវដង្ហើម បាក់តេរីក្នុងលាមកជាប់នឹងខ្នើយផងដែរ។
៣. កម្រាលពូក
ប្រហាក់ប្រហែលនឹងខ្នើយ កម្រាលពូកមានទំនាក់ទំនងផ្ទាល់ជាមួយរាងកាយ ហើយអាចស្រូបយកញើស ទឹកមាត់ ទឹកភ្នែករបស់យើង... បើមិនបានសម្អាតឱ្យបានទៀងទាត់ទេ កម្រាលនឹងកកកុញភាពកខ្វក់ និងបាក់តេរីរាប់មិនអស់។ បាក់តេរី ធូលី ... ពួកវាអាចបណ្តាលឱ្យមានជំងឺស្បែក ឬអាឡែរហ្សីជាដើម។
កម្រាលពូក បន្ទាប់ពីមិនបានលាងសម្អាតរយៈពេលមួយសប្តាហ៍អាចផ្ទុកបាក់តេរីរហូតដល់ទៅ ៥ លាន។ នេះខ្ពស់ជាងបាក់តេរី ២៤.០០០ ដងច្រើនជាងបង្គន់ទៅទៀត។ បន្ទាប់ពីមិនលាងសម្អាតរយៈពេល ៣ សប្តាហ៍ចំនួនបាក់តេរីនឹងកើនឡើងដល់ ៩,២៤ លាន។
៤. ពូក
ទោះបីជាគ្រែត្រូវបានគ្របដណ្ដប់ក៏ដោយ ពូកនៅតែជាកន្លែងប្រមូលផ្តុំផ្សិត និងបាក់តេរីរាប់មិនអស់។ ពូកដែលកខ្វក់កាន់តែខ្ពស់ ហានិភ័យនៃជំងឺស្បែកកាន់តែច្រើន។
ដោយសារពូកមានក្រាស់ និងពិបាកក្នុងការសម្អាតអ្នកនឹងត្រូវប្រើម៉ាស៊ីនបូមធូលីដើម្បីសម្អាតនៅពេលយប់។ នេះគួរតែត្រូវបានធ្វើឱ្យបានទៀងទាត់ និងចងចាំផ្លាស់ប្តូរជាទៀងទាត់ដើម្បីកំណត់បាក់តេរី និងប៉ារ៉ាស៊ីត៕
ប្រភព ៖ Phuntoday / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
