មិនបាច់ស្អាត មិនបាច់ឡូយឆាយ! ស្រីៗមានលក្ខណៈសម្បត្តិទាំង ៥ ចំណុចនេះ ប្រុសៗតម្រង់ជួរចង់បាន
មនុស្សស្រីដែលមានលក្ខណៈទាំង ៥ ចំណុចនេះ មិនចាំបាច់បារម្ភថា រកប្ដីមិនបាននោះឡើយ មិនបាច់ស្អាតពេក មិនបាច់ឡូយឆាយ តែដឹងតែប្រុសៗតម្រង់ជួរចង់បាន។
១. ដឹងពីចំណូលចិត្តរបស់ខ្លួន
មនុស្សស្រីដែលដឹងពីចំណូលចិត្តខ្លួនឯង នាងមិនចេះនៅស្ងៀម ធ្វើឱ្យខ្លួនឯងធុញទ្រាន់ឡើយ។ នាងតែងតែស្វែងរកភាពរីករាយឱ្យខ្លួនឯង។ ពួកគេមិនខ្ជះខ្ជាយជីវិតជាមួយនឹងរបស់ដែលគ្មានប្រយោជន៍ ដូចជាសម្លឹងអេក្រង់ទូរស័ព្ទពេញមួយថ្ងៃនោះឡើយ។ ពួកគេចំណាយពេលធ្វើរឿងដែលពួកគេចូលចិត្ត និងមានប្រយោជន៍។ នេះគឺជាអ្វីដែលបំបែកពួកគេពីហ្វូងមនុស្ស និងធ្វើឱ្យពួកគេកាន់តែគួរឱ្យចាប់អារម្មណ៍។
២. មិនទាមទារការចាប់អារម្មណ៍
ប្រភេទស្ត្រីដែលមិនតែងតែបង្ហោះរូប Selfie ឬធ្វើបច្ចុប្បន្នភាពស្ថានភាពទំនាក់ទំនងរបស់នាងជាប្រចាំលើប្រព័ន្ធផ្សព្វផ្សាយសង្គម។ ពួកគេមិនចូលចិត្តរំខានអ្នកដទៃជាមួយរឿងតូចតាចបែបនេះទេ។ ពួកគេចូលចិត្តត្រូវបានគេស្គាល់ និងគោរពចំពោះសមិទ្ធផលេពិតប្រាកដរបស់ពួកគេ។
៣. មិនដេញតាមអ្នកណា
ផ្ទុយទៅវិញ ស្ត្រីបែបនេះមានគោលដៅផ្ទាល់ខ្លួន ហើយដឹងពីរបៀបដេញតាមអ្វីដែលគួរឱ្យចាប់អារម្មណ៍ ព្រោះនាងដឹងថាការរត់តាមនរណាម្នាក់ គឺជាការខ្ជះខ្ជាយពេលវេលាបំផុត។ ពួកគេក៏ដឹងដែរថា វាជាការប្រសើរជាងក្នុងការព្យាយាមកែលម្អខ្លួនឯង ជាជាងធ្វើជាស្រមោលរបស់អ្នកដទៃ។
៤. មិននិយាយដើមអ្នកដទៃ
ជំនួសឱ្យការនិយាយដើមគេ ពួកគេនឹងប្រើពេលវេលាដ៏មានតម្លៃសម្រាប់អ្វីដែលមានប្រយោជន៍តែប៉ុណ្ណោះ។ ការនិយាយដើម និងនិយាយច្រើន គួរទុកសម្រាប់តែមនុស្សអត់ការងារធ្វើតែប៉ុណ្ណោះ មិនមែនមនុស្សសស្រីដែលគួរឱ្យចង់បាននោះទេ។
៥. មិនបោះបង់ខ្លួនឯងក្នុងទំនាក់ទំនង
ស្ត្រីម្នាក់នេះមិនភ្លេចនាំសុភមង្គលដល់អ្នកដទៃឡើយ។ ពួកគេមានជីវិតផ្ទាល់ខ្លួនរបស់ពួកគេ ហើយមិនឱ្យខ្លួនឯងបាត់បង់តម្លៃព្រោះតែមនុស្សប្រុសណាឡើយ។ ពួកគេក៏មិនបោះបង់គោលដៅ និងក្តីសុបិនរបស់ពួកគេដោយសារតែស្នេហាដែរ។ ស្ត្រីទាំងនេះដឹងពីរបៀបធ្វើការសម្រេចចិត្តដ៏ឆ្លាតវៃ៕
ព័ត៌មានថ្មីៗ
