ជាបុណ្យសំណាងធំក្នុងជីវិត ដែលយើងអាចរកបានមិត្តល្អ ៣ ប្រភេទនេះ
រាប់អានមិត្តតែបែបណា យើងក៏ជាមនុស្សបែបនោះដែរ ដូច្នេះហើយ មុននឹងរាប់អាននរណាម្នាក់ជាមិត្ត ត្រូវតែគិតឱ្យបានល្អិតល្អន់ កុំឱ្យរាប់អានខុស នាំគ្រោះដាក់ខ្លួនឯង។ យ៉ាងណាមិញ បើអ្នកមានមិត្ត ៣ ប្រភេទនេះ ជីវិតអ្នកពិតជាមានបុណ្យសំណាងធំណាស់។
១. មនុស្សដែលយល់ពីយើង
ចាប់ពីអាយុ ៤០ ឆ្នាំឡើងទៅ មនុស្សភាគច្រើនមានបន្ទុកជាច្រើនក្នុងជីវិត ខណៈពេលដែលនៅតែត្រូវដើរទៅមុខបន្តទៀត។ អ្វីដែលធ្វើឱ្យយើងមានអារម្មណ៍ស្រណុកចិត្តគឺថាពេលនេះយើងនៅតែមានមិត្តដែលតែងតែយល់ពីយើង។ ទោះបីជាពេលខ្លះ អ្នកទាំងពីរមានបញ្ហា ការឈ្លោះប្រកែកគ្នាក៏ដោយ តែយ៉ាងហោចណាស់ក៏អ្នកមានឱកាសជាច្រើនដើម្បីជឿជាក់ចំពោះគ្នា ដោយចែករំលែកជាមួយគ្នានូវរឿងតូចតាចនៅក្នុងជីវិតនេះ។ មានតែមិត្តបែបនេះទេដែលអាចហែលចេញពីភាពសោកសៅដែលតែងតែសង្កត់លើបេះដូងរបស់យើង ហើយចែករំលែកជាមួយយើងនូវភាពរីករាយ ទុក្ខព្រួយ ជោគជ័យ និងបរាជ័យក្នុងជីវិត។
២. មនុស្សដែលតែងតែចាំក្រើនរំឭកយើង
ក្នុងជីវិតនេះ មនុស្សគ្រប់គ្នាមានអារម្មណ៍ច្របូកច្របល់ និងវង្វេងទិស។ ប្រសិនបើនៅពេលនេះមាននរណាម្នាក់ដែលចាំជួយផាត់ពពកអួរអាប់ដល់យើង ជួយបង្ហាញទិសដ៏ត្រឹមត្រូវ ជីកប្រឡាយកាយផ្លូវឱ្យយើងដើរ នោះគឺជារឿងដែលល្អប្រពៃណាស់។ មិត្តបែបនេះពេលយើងឡើងខ្ពស់ តែងតែចាំរំឭកយើងកុំឱ្យក្រអឺតក្រទមពេក កុំភ្លើយភ្លើនភ្លេចខ្លួន។ ពេលយើងធ្លាក់ខ្លួន តែងតែចាំលើកទឹកចិត្តដល់យើង ការដែលមានមិត្តល្អបែបនេះនៅក្បែរ យើងមិនបាច់ខ្លាចអ្វីទាំងអស់។
៣. តែងតែមានឆន្ទៈជួយយើង
មានប្រភេទមនុស្សផ្សេងៗគ្នារាប់មិនអស់នៅលើពិភពលោក ហើយមនុស្សជាច្រើនគិតអំពីអត្ថប្រយោជន៍នៅពេលបង្កើតទំនាក់ទំនង។ មនុស្សបែបនោះ នៅពេលដែលយើងជោគជ័យ នឹងនៅខាងយើងចែករំលែកភាពជោគជ័យទាំងអស់របស់យើង។ ប៉ុន្តែពេលលំបាក ពួកគេនឹងរត់យករួចខ្លួន ដោយមិនខ្វល់ពីយើងនោះឡើយ។
ប៉ុន្តែក៏មានមនុស្សដែលពេលគេឃើញអ្នកជោគជ័យ គេក៏ចូលមកអបអរ រីករាយសប្បាយជំនួសយើង ក្នុងគ្រាលំបាក ពួកគេនៅតែជួយអ្នកអស់ពីចិត្ត។ មនុស្សបែបនេះនឹងនៅក្បែរយើងគ្រប់ពេលដើម្បីជួយយើង។ នៅពេលដែលអ្នកជំពប់ដួល ពួកគេគឺជាមនុស្សដែលគ្មានថ្ងៃបោះបង់យើងចោលឡើយ។ ជីវិតគឺដូចជាផ្លូវដែលកាន់តែដើរ គឺកាន់តែចង្អៀត។ ដំបូងឡើយ តែងតែមានមនុស្សជាច្រើនអមដំណើរយើង ប៉ុន្តែមានមនុស្សតិចណាស់ដែលអាចចូលទៅដល់ទីបញ្ចប់បាន៕
ព័ត៌មានថ្មីៗ
