ឧស្សាហ៍ឈឺនេះឈឺនោះ សាកល្បងទទួលទានភេសជ្ជៈទាំងនេះដើម្បីសម្អាតពោះវៀននិងកម្ចាត់ជាតិពុល
ពោះវៀនបានរួមចំណែកយ៉ាងសំខាន់ក្នុងការចូលរួមរំលាយអាហារ ហេតុដូចនេះហើយការថែទាំនិងសម្អាតពោះវៀនជានិច្ចកាលគឺជារឿងមួយមិនត្រូវមើលរំលង។ ប្រសិនបើអ្នកមិនយកចិត្តទុកដាក់នោះវានឹងស្រូបយកជាតិអាសុីតដែលនាំឲ្យហើមពោះ ឈឺក្បាលនិងឈឺពោះជាដើម។ នេះគឺជាភេសជ្ជៈដែលមានប្រសិទ្ធិភាពខ្ពស់ក្នុងការសម្អាតពោះវៀននិងកម្ចាត់ជាតិពុលផ្សេងៗ៖
១. ទឺកសុទ្ធ
ជាបឋម គ្មានអ្វីអាចយកឈ្នៈទឹកបានទេ។ ទឹកគឺជាសាធាតុសំខាន់បំផុតដែលក្នុងខ្លួនមនុស្សត្រូវការជាពិសេសក្នុងការកម្ចាត់ជាតិពុលនេះឯង។ អ្នកគួរបរិភោគទឹកពី ១០ទៅ១២កែវក្នុងមួយថ្ងៃដើម្បីបញ្ចេញរាល់ជាតិអាសុីតទាំងឡាយនិងងាយស្រួលក្នុងការរំលាយអាហារ។
២. ទឹកប៉ោម
ទឹកប៉ោមគឺជាភេសជ្ជៈដែលជួយសម្អាតពោះវៀនផងដែរ។ វាបានបំបែករាល់ជាតិពុល ពង្រឹងសុខភាពថ្លើមនិងជំនួយចលនាការរំលាយអាហារ។ បន្ទាប់ពីទទួលទានទឹកប៉ោមបាន៣០នាទី អ្នកគួរទទួលទានទឹកសុទ្ធតាមក្រោយដើម្បីឲ្យកាន់តែមានប្រសិទ្ធិភាព។
៣. ទឹកក្រូចឆ្មារ
ទឹកក្រូចឆ្មារមិនត្រឹមតែសម្បូរទៅដោយសារធាតុប្រឆាំងអុកស៊ីតកម្មប៉ុណ្ណោះទេ ថែមទាំងមានមុខងារកម្ចាត់ជាតិពុលពីក្នុងខ្លួនយ៉ាងមានប្រសិទ្ធិភាព។ ចូរអ្នកលាយទឹកឃ្មុំបន្តិច ជាមួយនឹងក្រូចឆ្មារក្នុងទឹករួចបរិភោគរាល់ព្រឹកមុនបាយ។
៤. ទឹកបន្លែស្រស់
ទឹកបន្លែដែលស្រស់និងនៅឆៅអាចផ្តល់លទ្ធផលខ្ពស់បំផុត។ វាជួយកម្ចាត់ជាតិពុលដែលនៅក្នុងខ្លួន ផ្តល់នូវជាតិវីតាមីន ជាតិរ៉ែ និងអាសុីតអាមីណេទៀតផង។ ប៉ុន្តែអ្នកមិនគួរបរិភោគទឺកបន្លែដែលកិនហើយស្រាប់ដាក់ក្នុងដបទេព្រោះវាមិនសូវមានប្រសិទ្ធិភាពដូចកិនស្រស់ៗ។
៥. ផ្លែឈើសម្បូរជាតិ Fiber
ផ្លែឈើដែលសម្បូរដោយជាតិ Fiber ធ្វើឲ្យលាមកទន់ ងាយស្រួលបត់ជើងនិងជំនួយចលនាការរំលាយអាហារ។ ក្នុងនោះមានដូចជា ប៉ោម សារី និងខាត់ណាជាដើមដែលសុទ្ធសឹងតែជាផ្លែឈើនិងបន្លែសម្បូរទៅដោយ Fiber៕
ប្រភព៖ បរទេស
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
