អាយុច្រើនហើយ រាប់អានមនុស្សមើលផង ជាពិសេសមនុស្ស ៤ ប្រភេទនេះ ចៀសបានចៀសទៅ កាន់តែឆ្ងាយ កាន់តែល្អ
អាយុកាន់តែច្រើន មិត្តក៏រឹតតែតិច ការរាប់អានមនុស្ស យើងត្រូវតែមើលឱ្យបានច្បាស់ កុំចំណាយពេលវេលាដ៏មានតម្លៃ នៅក្បែរមនុស្សដែលមិនសក្តិសម កុំរាប់អាន កុំក្បែរ ជាពិសេសមនុស្សទាំង ៤ ប្រភេទនេះ។
១. មាត់ខុសពីចិត្ត
ក្នុងជីវិត មានមនុស្សច្រើនណាស់ ដែលតែងតែញញឹមដាក់អ្នក ធ្វើល្អនៅតែចំពោះមុខ តែលាក់ពុត ល្បិចពិសពុលនៅក្រោយខ្នង មនុស្សទាំងនេះជាប្រភេទមនុស្សមាត់ផ្សេងចិត្តផ្សឹង គេមិនស្មោះត្រង់ចំពោះយើង ដូចដែលយើងបានឃើញនោះឡើយ។ ដូច្នេះក្រោយចូលនិវត្តន៍ ត្រូវតែចេះបែងចែករវាងស និងខ្មៅ ហើយត្រូវប្រើវាឱ្យអស់ពីសមត្ថភាព ដើម្បីមើលឃើញពីធម្មជាតិរបស់មនុស្សឱ្យឃើញកាន់តែច្បាស់។ អ្វីទៅជាមនុស្សល្អ អ្វីទៅជាមនុស្សអាក្រក់? យើងត្រូវមានចិត្តច្បាស់លាស់ កុំមើលមនុស្សតែសម្បកក្រៅ។
២. ពូកែត្អូញត្អែរ ទួញសោក
មនុស្សដែលតែងតែនិយាយអំពីទុក្ខលំបាក និងត្អូញត្អែរឥតល្ហែ គឺជាមនុស្សអវិជ្ជមានបំផុត។ មនុស្សទាំងនេះរស់នៅក្នុងជីវិតទុទិដ្ឋិនិយមខ្លាំងណាស់ មិនមានទំនុកចិត្តគ្រប់គ្រាន់លើសមត្ថភាពខ្លួនឯង គិតថាមិនអាចដោះស្រាយបញ្ហាបាន ដូច្នេះហើយពួកគេតែងតែត្អូញត្អែរ ទួញសោកស្ទើរតែគ្រប់រឿងនៅក្នុងជីវិត។ ពេលយើងចាស់ទៅ យើងគួរនៅឱ្យឆ្ងាយពីមនុស្សប្រភេទនេះ ដើម្បីកុំឱ្យប៉ះពាល់ដល់ផ្លូវចិត្តរបស់យើង។
ការរងទុក្ខ គឺដូចជាថ្នាំពុល។ មនុស្សដែលចូលចិត្តត្អូញត្អែរអំពីជោគវាសនារបស់ខ្លួន នឹងត្រូវបិទបាំងក្នុងភាពងងឹតគ្រប់ទីកន្លែងដែលពួកគេទៅដែលធ្វើឱ្យមនុស្សគ្រប់គ្នាធុញទ្រាន់ពេលនៅក្បែរ។ នៅពេលដែលយើងអាយុកាន់តែច្រើន យើងនឹងយល់ថាជីវិតមិនអាចរលូនគ្រប់រឿងបានឡើយ ដូច្នេះគ្រាន់តែព្យាយាមឱ្យអស់ពីសមត្ថភាពដើម្បីយកឈ្នះវានឹងក្លាយជាផ្លូវដ៏ល្អបំផុត។
៣. ក្រអឺទក្រទម
បន្ទាប់ពីចូលនិវត្តន៍ ដើម្បីធានាបាននូវជីវិតដ៏សុខសាន្ត យើងគួរព្យាយាមនៅឱ្យឆ្ងាយពីមនុស្សដែលក្រអឺតក្រទម អាត្មានិយមគិតតែពីខ្លួនឯង ហើយគិតថាពួកគេតែងតែត្រូវគ្រប់រឿង។ មនុស្សខ្លះប្រហែលជាមានអារម្មណ៍ល្អលើសគេក្នុងចិត្ត ដោយគិតថាជីវិតរបស់គេប្រសើរជាងអ្នកដទៃ គេមានអាកប្បកិរិយាក្រអឺតក្រទម តែងតែមើលងាយអ្នកដទៃ និងនិយាយពាក្យប្រមាថទៅកាន់អ្នកដែលអន់ជាងខ្លួន។
៤. ឆ្លៀតឱកាស ខ្សែលើ
ក្រោយចូលនិវត្តន៍ មិនថាអ្នកមានទ្រព្យធនប៉ុនណាទេ អ្នកត្រូវនៅឱ្យឆ្ងាយពីមនុស្សដែលតែងតែកេងចំណេញលើអ្នក។ មនុស្សប្រភេទនេះមានចិត្តអាត្មានិយមខ្លាំងណាស់ មិនមានស្មារតីផ្តល់ផលប្រយោជន៍ដល់គ្នាទៅវិញទៅមកឡើយ។ ដូច្នេះវិធីល្អបំផុតគឺនៅឱ្យឆ្ងាយពីពួកគេ។ បង្រៀនកូនរបស់អ្នកឱ្យមានភាពឯករាជ្យ ខិតខំរៀនសូត្រ និងរកលុយ ដើម្បីឱ្យពេលគាត់ចាស់ទៅ ពួកគេអាចផ្តោតលើខ្លួនឯងបាន ដោយមិនចាំបាច់មានបន្ទុកលើស្មាច្រើនពេក៕
ព័ត៌មានថ្មីៗ
