លាក់យ៉ាងណាក៏មិនជិតដែរ! សញ្ញាទាំង ៣ នេះបញ្ជាក់ថា មនុស្សស្រីនាងកំពុងតែមិនសប្បាយចិត្ត
បន្ទាប់ពីរៀបការ មិនមែនគ្រប់មនុស្សស្រីសុទ្ធតែទទួលបាននូវសេចក្ដីសុខ និងសុភមង្គលនោះឡើយ។ យ៉ាងណាក៏ដោយ បើមនុស្សស្រីបង្ហាញចេញនូវសញ្ញាទាំង ៣ នេះ បញ្ជាក់ច្បាស់ណាស់ថា នាងកំពុងតែមិនសប្បាយចិត្ត ជីវិតគូខ្វះភាពកក់ក្ដៅ មិនមានក្ដីសុខសុភមង្គលឡើយ។
១. ឆាប់ខឹង បាត់បង់ចិត្តអំណត់អត់ធ្មត់
ជឿ ឬមិនជឿ អាពាហ៍ពិពាហ៍អាចផ្លាស់ប្តូរមនុស្សម្នាក់យ៉ាងងាយ ហើយនេះជាការពិតទាំងស្រុង។ នារីដែលចូលចិត្តរអ៊ូរទាំគ្រប់ពេល ឬក្រៀមក្រំក្រោយពេលរៀបការគឺជាការឆ្លុះបញ្ចាំងដោយផ្ទាល់បំផុតនៃភាពមិនសប្បាយចិត្តរបស់នាង។ ស្ត្រីដែលតែងតែខឹង មួម៉ៅ បន្ទាប់ពីរៀបការ ច្រើនតែមានអារម្មណ៍ថាខ្លួនគ្មានសង្ឃឹមលើបុរស។
ពួកគេចង់រត់គេច ប៉ុន្តែមិនអាចធ្វើបានទេ ព្រោះស្ថានភាពបច្ចុប្បន្នមិនអនុញ្ញាត។ ដូចនេះដែរ ស្ថានភាពធ្វើឱ្យពួកគេកាន់តែធ្លាក់ទឹកចិត្ត។ ក្រោយពេលរៀបការ សុភមង្គលរបស់ស្ត្រីនឹងបញ្ចេញពន្លឺចេញពីភ្នែក ស្នាមញញឹម និងភាពទន់ភ្លន់។ ផ្ទុយទៅវិញ មនុស្សដែលឆាប់ខឹង មួម៉ៅ អារម្មណ៍មិននឹងន និងបាក់ទឹកចិត្តកាន់តែខ្លាំង បង្ហាញថាខ្លួនកំពុងប្រឈមនឹងបញ្ហាមួយចំនួន។
២. ស្ត្រីកាន់តែព្រងើយកន្តើយ
មនុស្សគ្រប់រូបពឹងផ្អែកលើការលើកទឹកចិត្ត ដើម្បីឈានទៅមុខក្នុងជីវិត។ ប៉ុន្តែប្រសិនបើស្ត្រីមិនសប្បាយចិត្តក្នុងអាពាហ៍ពិពាហ៍ ហើយមិនអាចឃើញដៃគូផ្លាស់ប្តូរ ឬនាំមកនូវរឿងវិជ្ជមានទេ នាងនឹងកាន់តែព្រងើយកន្តើយ។ ពួកគេមិនខ្វល់ពីអាពាហ៍ពិពាហ៍ មិនចាប់អារម្មណ៍នឹងជីវិតដ៏រីករាយ មិនមានអារម្មណ៍ថាមានអ្វីដែលពួកគេត្រូវចិញ្ចឹមបីបាច់ទៀតទេ ពួកគេនឹងធ្លាក់ចូលទៅក្នុងស្ថានភាពលែងខ្វល់ពីអ្វីទាំងអស់។
៣. ស្ត្រីកាន់តែអាត្មានិយម
ភាពអាត្មានិយម គឺជាលក្ខណៈរបស់មនុស្សម្នាក់ៗ។ មនុស្សគ្រប់រូបមានភាពអាត្មានិយម ប៉ុន្តែស្ថិតក្នុងទម្រង់ខុសគ្នា។ មនុស្សខ្លះអាចធ្វើបាបអ្នកដទៃ ដើម្បីប្រយោជន៍ខ្លួន។ មនុស្សខ្លះដើម្បីការពារផលប្រយោជន៍ផ្ទាល់ខ្លួន ដោយមិនបំពានសីលធម៌ គឺអាត្មានិយម ជាមធ្យោបាយការពារខ្លួនស្របច្បាប់។ ស្ត្រីជាច្រើនមានអារម្មណ៍ខកចិត្តយ៉ាងខ្លាំងក្នុងអាពាហ៍ពិពាហ៍របស់ពួកគេ ហើយចាប់ផ្តើមរស់នៅដោយភាពអាត្មានិយម។ គេខ្វល់តែខ្លួនឯង លែងចង់ធ្វើកិច្ចការផ្ទះទៀតហើយ លែងចង់មើលថែអ្នកណាទៀតហើយ។
ស្ត្រីដែលរស់នៅមិនបានល្អក្នុងអាពាហ៍ពិពាហ៍ នឹងចាកចេញពីភាពព្រងើយកន្តើយ ហើយចុងក្រោយក្លាយជាមនុស្សអាត្មានិយម។ ពីអារម្មណ៍ខកចិត្តទៅជាអស់សង្ឃឹម គេគ្រាន់តែព្យាយាមធ្វើឱ្យខ្លួនឯងលែងឈឺចាប់។ គ្មាននរណាអាចទស្សន៍ទាយបានថាអាពាហ៍ពិពាហ៍នឹងមានសុភមង្គលឬអត់នោះទេ។ អ្វីដែលសំខាន់នោះគឺជាអ្វីដែលមនុស្សពីរនាក់ត្រូវធ្វើដើម្បីសាងគ្រួសារមួយរួមគ្នា៕
ព័ត៌មានថ្មីៗ
