ហាមដាច់ខាត! រឿងទាំង ៩ ដាច់ខាតកុំធ្វើពេលយប់ មុនចូលគេង
ការគេងដើរតួនាទីយ៉ាងសំខាន់ចំពោះសុខភាព។ យ៉ាងណាមិញ មុនពេលចូលគេង មានរឿងដែលត្រូវធ្វើ និងមិនគួរធ្វើ។ ព្រោះមានរឿងខ្លះ វាពិតជាបង្កផលប៉ះពាល់ខ្លាំងដល់សុខភាពរបស់អ្នក។ ដូច្នេះ ខាងក្រោមនេះ គឺជារឿងទាំង ៩ ដាច់ខាតកុំធ្វើឱ្យសោះនៅពេលយប់មុនចូលគេង។
១. កុំញុំាអាហារយប់ពេក ឬច្រើនពេក
ទម្លាប់នៃការញុំានៅពេលយប់ នឹងកាត់បន្ថយកម្រិតអាំងស៊ុយលីនបានយ៉ាងងាយ អរម៉ូនដែលជួយរក្សាកម្រិតជាតិស្ករក្នុងឈាមឱ្យស្ថិតស្ថេរ ដោយហេតុនេះនាំឱ្យកើតជំងឺទឹកនោមផ្អែម លើសឈាម និងកូលេស្តេរ៉ុល ធាត់ និងលើសទម្ងន់។
មិនត្រឹមតែប៉ុណ្ណោះ ការទទួលទានអាហារពេលយប់ ក៏អាចបង្កជាជំងឺច្រាលអាស៊ីត ក្រហាយទ្រូង ពិបាកគេង ងាយនឹងគេងមិនដកដង្ហើម និងបង្កើនហានិភ័យនៃជំងឺដាច់សរសៃឈាមខួរក្បាល។
ជាងនេះទៅទៀត មុនពេលចូលគេង ក្រពះឆ្អែតខ្លាំងពេក ធ្វើឱ្យប្រព័ន្ធរំលាយអាហារមិនមានពេលសម្រាក និងជួសជុល ដែលនាំឱ្យកើតជំងឺក្រពះ និងប៉ះពាល់ដល់សុខភាពជាយថាហេតុ។ ដូច្នេះក្រោយម៉ោង ១០ យប់ អ្នកមិនគួរញុំាអាហារណាឡើយ ហើយអាហារពេលល្ងាចក៏គួរញុំាក្នុងកម្រិតល្មមដែរ។
២. ខឹងមុនពេលចូលគេង
កំហឹង គឺអាក្រក់សម្រាប់សុខភាព ហើយការខឹងមុនពេលចូលគេងក៏កាន់តែអាក្រក់ផងដែរ។ ជាពិសេស កំហឹងអាចធ្វើឱ្យបេះដូងលោតញាប់ក្នុងពេលគេង ហើយក៏អាចបណ្តាលឱ្យគេងមិនលក់ ដកដង្ហើមខ្លីៗ... កត្តាដែលប៉ះពាល់ដល់សុខភាពយូរៗទៅ នឹងបង្កឱ្យមានគ្រោះថ្នាក់ដែលមិនអាចផ្លាស់ប្តូរបាន។ យោងតាមការសិក្សាមួយ ការគេងអាចធ្វើឱ្យការចងចាំរបស់មនុស្សមានបទពិសោធន៍អាក្រក់ខ្លាំងជាងពេលពួកគេភ្ញាក់ ហើយរូបភាពដែលធ្វើឱ្យពួកគេខឹងនឹងបង្ហាញកាន់តែយូរ។
៣. កុំផឹកទឹកច្រើនពេក
ការទទួលទានទឹកឱ្យបានគ្រប់គ្រាន់ជារៀងរាល់ថ្ងៃ ពិតជាមានសារៈសំខាន់ខ្លាំងណាស់សម្រាប់រាងកាយ ប៉ុន្តែក្រោយម៉ោង១០យប់ អ្នកមិនគួរទទួលទានទឹកឡើយ ជាពិសេសការផឹកទឹកច្រើនក៏មិនល្អដែរ។
នេះក៏ព្រោះតែប្រសិនបើអ្នកផឹកទឹកច្រើននៅពេលយប់ជ្រៅ វានឹងបង្កើនការចូលបន្ទប់ទឹកច្រើនដងនៅពាក់កណ្តាលយប់ រំខានដល់ដំណេក និងបណ្តាលឱ្យអស់កម្លាំងនៅពេលអ្នកក្រោកពីគេង។
៤. ងូតទឹកនៅពេលយប់
អ្នកជំនាញណែនាំថា ចាប់ពីម៉ោង១០យប់តទៅ សីតុណ្ហភាពរាងកាយមនុស្សនឹងធ្លាក់ចុះ ដោយនៅពេលនេះ អ្នកមិនគួរងូតទឹកទេ ដែលអាចបង្កជាជំងឺផ្តាសាយ និងស្លាប់ភ្លាមៗ។
ការងូតទឹកបន្ទាប់ពីពេលនេះ សូម្បីតែងូតដោយទឹកក្តៅក៏អាចបង្កើនសីតុណ្ហភាពរាងកាយ និងការពារខួរក្បាលពីការបញ្ចេញអរម៉ូននៃការគេង ជាហេតុធ្វើឱ្យអ្នកពិបាកក្នុងការគេង ប៉ះពាល់ដល់សុខភាពខ្លាំង។
ជាងនេះទៅទៀត ការងូតទឹកនៅពេលយប់ជ្រៅ ក៏ធ្វើឱ្យសរសៃឈាមរួមតូច ធ្វើឱ្យឈាមរត់ពិបាក ដែលនឹងធ្វើឱ្យអ្នកងាយនឹងឈឺក ដែលនឹងក្លាយទៅជាឈឺក្បាលរ៉ាំរ៉ៃជាយថាហេតុ។ ជាពិសេសស្ត្រីនៅក្នុងរយៈពេលមករដូវ។
៥. ផឹកកាហ្វេ
ជាតិកាហ្វេអ៊ីននៅក្នុងកាហ្វេ អាចជាសារធាតុជម្រុញផ្លូវចិត្ត។ នេះក៏ជាសារធាតុដែលប៉ះពាល់ដល់ប្រព័ន្ធសរសៃប្រសាទកណ្តាល និងបង្កើនសម្ពាធឈាម បង្កើនអត្រាបេះដូង និងធ្វើឱ្យអ្នកគេងមិនលក់ និងនោមច្រើននៅពេលយប់ ដែលមិនល្អសម្រាប់សុខភាព។
លើសពីនេះ នៅពេលដែលអ្នកផឹកកាហ្វេយប់ជ្រៅ វានឹងបង្កើនបន្ទុកលើថ្លើម និងតម្រងនោម ងាយនាំឱ្យខ្សោយតម្រងនោម ក្រិនថ្លើម និងមហារីកថ្លើម។
៦. ញុំាបង្អែម
បន្ថែមពីលើការបង្កើនជាតិខ្លាញ់ ទម្លាប់នៃការញុំាផ្អែមមុនពេលចូលគេង ក៏នឹងប៉ះពាល់ដល់អរម៉ូនដែលមានសុខភាពល្អផងដែរ រារាំងការសម្ងាត់នៃអរម៉ូនលូតលាស់។ លើសពីនេះ ការទទួលទានបង្អែមមុនពេលចូលគេង ក៏នឹងធ្វើឱ្យជាតិស្ករក្នុងឈាមកើនឡើងផងដែរ ដែលយូរៗទៅធ្វើឱ្យកើតជំងឺទឹកនោមផ្អែម។
៧. ប្រើអេឡិចត្រូនិច ធ្វើការយឺត
រាល់សកម្មភាពដែលប៉ះនឹងពន្លឺពណ៌ខៀវពីទូរសព្ទ ទូរទស្សន៍ កុំព្យូទ័រជាដើម បន្ទាប់ពីម៉ោង ១០ យប់ គឺមានគ្រោះថ្នាក់ណាស់។ ដោយសារតែប្រភេទឧបករណ៍ទាំងនេះអាចរំខានដល់ដំណេក ធ្វើឱ្យអ្នកងាយនឹងអស់កម្លាំង ស្ត្រេស និងថប់បារម្ភ។
ចំពោះអ្នកដែលធ្វើការយប់ច្រើនពេក ប្រឈមនឹងជំងឺមហារីកស្បែក មហារីកសុដន់ និងមហារីកសួត។ នេះគឺដោយសារតែនៅពេលដែលយើងធ្វើការយឺតពេក ចង្វាក់ circadian របស់យើងនឹងត្រូវបានរំខានយ៉ាងធ្ងន់ធ្ងរ ងាយនឹងកើតជំងឺសរសៃឈាមបេះដូង ធាត់-ល-។ ដូច្នេះហើយ ចូរបង្កើតទម្លាប់មិនប្រើប្រាស់ឧបករណ៍អេឡិចត្រូនិចយ៉ាងហោចណាស់មុន ៣០ នាទីមុនពេលគេង។
៨. ផឹកស្រា
អ្នកជំនាញជនជាតិអាឡឺម៉ង់ម្នាក់ បានសង្កេតមើលផលប៉ះពាល់ដ៏គ្រោះថ្នាក់នៃការផឹកស្រាមុនពេលចូលគេង អស់រយៈពេល ១៥ ឆ្នាំ ហើយបានរកឃើញថា សម្រាប់អ្នកដែលផឹកស្រាមុនពេលចូលគេង អាចមានការថប់ដង្ហើម ២ ដង ប្រហែល ១០ វិនាទីក្នុងមួយលើក។ ខណៈពេលដែលត្រឹមតែ ១០ វិនាទីក៏នឹងមានគ្រោះថ្នាក់ដល់សុខភាពមនុស្សផងដែរ បំផ្លាញសរសៃឈាមក្នុងរយៈពេលខ្លី រយៈពេលយូរនឹងប៉ះពាល់ដល់សុខភាពបេះដូង។
៩. បរិភោគអាហារហឹរ ឬមានជាតិខ្លាញ់
ការញុំាអាហារហឹរ និងជាតិខ្លាញ់នឹងមានគ្រោះថ្នាក់ខ្លាំងណាស់ ព្រោះវាមានទំនាក់ទំនងនឹងការច្រាលអាស៊ីត។ ដូច្នេះគួរចៀសវាងអាហារទាំងនេះ ហើយយកល្អគួរតែញ៉ាំអាហារពេលល្ងាចប្រហែល២ម៉ោងមុនចូលគេង៕
ព័ត៌មានថ្មីៗ
