មនុស្សស្រីដែលមាន ៣ ចំណុចនេះ អ្នកនឹងមានសំណាងខ្លាំងក្នុងជីវិត ដៃគូក៏រឹតតែស្រឡាញ់ ពេញចិត្តនឹងអ្នកខ្លាំងបំផុត
មនុស្សស្រីដែលមានលក្ខណៈទាំង ៣ យ៉ាងនេះ នាងនឹងក្លាយជានារីដែលមានសំណាងខ្លាំង ហើយក៏ជាប្រពន្ធដែលនាំរឿងល្អៗចូលក្នុងគ្រួសារ ដៃគូក៏រឹតតែស្រឡាញ់ពេញចិត្តនឹងនាងកាន់ទែខ្លាំង។
១. ចេះចាយលុយបានត្រឹមត្រូវ
ស្ត្រីឆ្លាត គឺជាមនុស្សម្នាក់ដែលមិនត្រឹមតែចេះសន្សំទុកដាក់លុយកាក់ប៉ុណ្ណោះទេ ប៉ុន្តែនាងក៏ចេះចាយលុយបានត្រឹមត្រូវដែរ។ ស្ត្រីគឺជាកំណប់ទ្រព្យនៅក្នុងអាពាហ៍ពិពាហ៍។ នាងដឹងថា ការរកលុយមិនមែនជារឿងងាយស្រួលឡើយ ត្រូវចំណាយញើសឈាមច្រើនណាស់ ដូច្នេះ ពេលចាយវាយ ក៏ត្រូវតែមានរបៀបត្រឹមត្រូវដែរ។
បុរសខ្លាចរៀបការជាមួយប្រពន្ធដែលចេះតែខ្ជះខ្ជាយលុយកាក់ គិតតែពីសប្បាយ ក្រៅពីចាយ និងចេះតែតែងខ្លួន។ ប្រសិនបើស្ត្រីដឹងពីរបៀបចំណាយលុយលើរបស់ដែលសក្តិសមនោះ ស្វាមីរបស់នាងប្រាកដជាមានអារម្មណ៍ថាមានសុវត្ថិភាពក្នុងការកសាងអាជីពរបស់គាត់។ ទោះបីជាប្ដីប្រពន្ធពីដំបូងមានជីវភាពក្រីក្រ ក៏អាចមានបានយ៉ាងឆាប់រហ័សដែរ។
២. ចិត្តល្អ ទៀងត្រង់ ស្មោះត្រង់ចេញពីខាងក្នុង
ភរិយាដែលចម្រើនរុងរឿង ត្រូវជាអ្នកដែលចេះសម្អាតព្រលឹងពីខាងក្នុង។ បើក្នុងនាមជាស្ត្រីរៀបការហើយ តែងតែខឹងមិនបំពេញកាតព្វកិច្ចមើលថែប្តីកូនទេ វានឹងធ្វើឱ្យចំណងអាពាហ៍ពិពាហ៍កាន់តែបែកបាក់គ្នាទៅវិញទៅមក ។ សព្វថ្ងៃនេះមិនមែនមានតែបុរសទេដែលក្បត់ផិត ស្ត្រីក៏ចេញអាចធ្វើរឿងនេះច្រើនដែរ។ ពេលបុរសរៀបការជាមួយមនុស្សស្រីស្មោះត្រង់ ដោយមានតែប្ដីក្នុងចិត្ត នោះអាពាហ៍ពិពាហ៍អាចមានសុភមង្គលជារៀងរហូត។
នារីដែលចេះស្រលាញ់ខ្លួនឯង ផ្ដោតលើការមើលថែគ្រួសារ មានព្រលឹងស្អាតស្អំ ហាមប្រាមទំនាក់ទំនងជាមួយបុរសដទៃក្រៅអាពាហ៍ពិពាហ៍ ស្ត្រីចេះផ្តល់មុខមាត់ និងការគោរពចំពោះស្វាមី គ្រួសារនឹងរីកចម្រើន។ លុះត្រាតែផ្ទះមានស្ថិរភាព ហើយគ្រួសារមានសន្តិភាព ទើបបុរសមានអារម្មណ៍សុខសាន្ត និងមានថាមពលច្រើន ដើម្បីបំពេញការងារបានល្អ។
៣. មានបុគ្គលិកលក្ខណៈឯករាជ្យ
បន្ទាប់ពីរៀបការ ស្ត្រីជាច្រើនបាត់បង់សមត្ថភាពក្នុងការគិតដោយឯករាជ្យ។ ពិសេសពួកគេពឹងលើប្តីដើម្បីធ្វើការរកលុយ ចំណែកខ្លួននាងក៏បោះបង់ការងារ មកធ្វើជាស្ត្រីមេផ្ទះ។ នោះហើយជាមូលហេតុដែលអាពាហ៍ពិពាហ៍ពោរពេញដោយទឹកភ្នែក។ ពួកគេត្រូវបានប្ដីមើលងាយ គ្រួសារខាងប្ដីក៏មិនគោរព ឱ្យតម្លៃនាងដែរ។
គាត់កាន់តែពឹងពាក់ គាត់កាន់តែបាក់ទឹកចិត្ត រឹតតែអស់តម្លៃ ចំណែកប្ដីក៏ងាយបែកចិត្តទៅរកស្រីខាងក្រៅផងដែរ។ ប៉ុន្តែស្ត្រីឯករាជ្យគឺខុសគ្នា។ ទោះរៀបការហើយក៏គេមិនបោះបង់ការងារដែរ។ ពួកគេដឹងថាការរកលុយពិបាកប៉ុនណា ប៉ុន្តែជាថ្នូរនឹងភាពសុខស្រួល និងទទួលបានការគោរពពីស្វាមី៕
ព័ត៌មានថ្មីៗ
