នៅក្នុងស្ថានភាពទាំង ៣ នេះ ដែលមនុស្សស្រីត្រូវការដៃគូ ឬមនុស្សស្និទ្ធស្នាលនៅក្បែរបំផុត
នៅក្នុងស្ថានភាពទាំង ៣ នេះហើយ ដែលមនុស្សស្រីទោះបីរឹងមាំ ខ្លាំងពូកែខ្លាំងយ៉ាងណា ក៏នាងនៅតែត្រូវការដៃគូដែលយល់ចិត្ត មនុស្សស្និទ្ធស្នាលនៅក្បែរបំផុត។ ដ្បិតថានាងនឹងមិននិយាយ មិនសំណូមពរ ឬក៏មិនសុំជំនួយពីអ្នកក៏ដោយ បើនាងសំខាន់ណាស់សម្រាប់អ្នក អ្នកត្រូវតែខ្វាយខ្វល់ យកចិត្តទុកដាក់ យល់ពីនាងឱ្យបានច្រើន។
១. ពេលដែលស្ត្រីបាក់ទឹកចិត្ត
មិនថាមនុស្សស្រីខាងក្រៅមានចរិតខ្លាំងប៉ុននាក៏ដោយ ប៉ុន្តែខាងក្នុងនាងនៅតែមានមនោសញ្ចេតនា និងងាយប៉ះទង្គិចខ្លាំងបំផុត។ អារម្មណ៍របស់ពួកគេច្រើនតែប្រែប្រួលយ៉ាងខ្លាំង ជាពិសេសពេលនៅម្នាក់ឯង ពួកគេមានអារម្មណ៍ថាគ្មានការគាំទ្រ និងមានអារម្មណ៍ធ្លាក់ទឹកចិត្តខ្លាំងនៅពេលប្រឈមមុខនឹងការលំបាក។ ប្រសិនបើអ្នកអាចជួយនាងក្នុងពេលនេះ នាងនឹងជឿជាក់លើអ្នកយ៉ាងខ្លាំង។ ទំនាក់ទំនងរវាងអ្នកទាំងពីរនឹងកាន់តែល្អ និងយូរអង្វែង។
២. ពេលដែលការងារមិនអំណោយផល
បរិយាកាសក្នុងការិយាល័យមានភាពស្មុគស្មាញ និងនឿយហត់ខ្លាំងរួចទៅហើយ ដែលធ្វើឱ្យវាកាន់តែគួរឱ្យភ័យខ្លាចសម្រាប់ស្ត្រីជាច្រើន ដែលភាគច្រើននៃពួកគេចំណាយពេលពេញមួយថ្ងៃជាមួយនឹងការងារ។ មិនថាស្ត្រីជានាយក ប្រធាននាយកដ្ឋាន ឬបុគ្គលិកទេ នាងមិនអាចចៀសផុតពីសម្ពាធ និងភាពនឿយហត់នៅកន្លែងធ្វើការបានទេ។
ពួកគេនឹងមានអារម្មណ៍តានតឹងខ្លាំង ហើយសង្ស័យសមត្ថភាពខ្លួនឯង។ ក្នុងពេលនេះបើមានអ្នកជួយនាងឱ្យយកឈ្នះស្ថានភាពបែបនេះ នោះនាងនឹងសប្បាយចិត្តជាខ្លាំង។ ពេលខ្លះគ្រាន់តែរឿងសាមញ្ញៗ ចេញទៅញ៉ាំអី ឬដើរលេងជាមួយគ្នា គ្រាន់តែងាយៗប៉ុណ្ណឹង ក៏អាចឱ្យនាងមានក្ដីសុខ និងស្បើយទុក្ខបានខ្លះ ព្រោះនាងមានអ្នកចាំគាំទ្រ និងនៅក្បែរនាង។
៣. ពេលមិត្តជិតស្និទ្ធរៀបការ
មនុស្សគ្រប់រូបមានយុវវ័យដែលមិនអាចបំភ្លេចបាន និងមានមោទកភាព ប៉ុន្តែបន្ទាប់មកពួកគេក៏ត្រូវស្វែងរកដៃគូ រៀបការ សាងគ្រួសារផ្ទាល់ខ្លួន។ ជាការពិតណាស់ មនុស្សម្នាក់ចង់ឱ្យគ្រប់គ្នាដឹងថាខ្លួនសប្បាយចិត្ត ហើយពេលខ្លះធ្វើឱ្យមនុស្សស្រីដែលនៅលីវមានអារម្មណ៍សោកសៅ ឯកា និងទទេរស្អាត។
នៅពេលនេះ បេះដូងរបស់ស្ត្រីប្រែជាផុយស្រួយ ទន់ខ្សោយ និងត្រូវការជំនួយ ជាពិសេសដៃគូនៅក្បែរ។ បុរសម្នាក់ដែលយល់ពីរឿងនោះដោយភាពទន់ភ្លន់ និងសាមញ្ញចូលទៅជិត នាំសេចក្តីរីករាយដល់នាង ហើយរំសាយភាពសោកសៅរបស់នាង ទង្វើទាំងនេះ អាចយកឈ្នះចិត្តនាងទាំងស្រុងដោយមិនពិបាកអ្វីទាំងអស់៕
ព័ត៌មានថ្មីៗ
