របស់ល្វីង ២ ត្រូវលូកឲ្យច្រើន ហើយរបស់ផ្អែម ៣ ត្រូវជៀសឲ្យឆ្ងាយ បើចង់បានអាយុវែង
ដើម្បីផ្តល់អាហារូបត្ថម្ភជាច្រើនដល់រាងកាយ និងការពារថ្លើមរបស់អ្នក អ្នកត្រូវយកចិត្តទុកដាក់ខ្ពស់លើរបបអាហារប្រចាំថ្ងៃ ហើយសម្រាប់អាហារខាងក្រោមទាំង ៥ មាន ២ ដែលយើងណែនាំឲ្យទទួលទានច្រើន និង ៣ ត្រូវជៀសវាង៖
១) ម្រះ
ផ្លែម្រះមានរសជាតិល្វីង ចត់ តែទោះយ៉ាងណាវាសម្បូរទៅដោយវីតាមីន រ៉ែ និងផ្តល់នូវជាតិសរសៃច្រើន ហើយវាក៏ល្អសម្រាប់ថ្លើមផងដែរ និងមានប្រសិទ្ធភាពកាត់បន្ថយកម្រិតនៃអង់ស៊ី ក៏ដូចជាការរលាកថ្លើម AST និង ALT។
វាក៏អាចកាត់បន្ថយកម្រិតប៊ីលីរុយប៊ីននៅក្នុងឈាមផងដែរ ដោយជាទូទៅការកើនឡើងកម្រិតប៊ីលីរុយបីនខ្ពស់ អាចធ្វើឲ្យថ្លើមខ្សោយ និងប្រព័ន្ធទឹកប្រមាត់អាចត្រូវបានរារាំង។
២) គីនឆាយ
របស់នេះមានជាតិល្វីងបន្តិច តែសម្បូរទៅដោយវីតាមីន សរសៃ ប្រូតេអ៊ីន និងកាល់ស្យូម។ ការទទួលទានវាច្រើន អាចជួយពង្រឹងភាពធន់ និងជំរុញដល់មុខងារខួរក្បាល ហើយក៏មានប្រសិទ្ធភាពបន្សាបជាតិពុលបានយ៉ាងល្អផងដែរ។
៣) អំពៅ
អំពៅមានជាតិស្ករធម្មជាតិខ្ពស់ជាងអាហារដទៃ ហើយសព្វថ្ងៃគេនិយមទទួលទានទឹកអំពៅ តែបើស៊ីជម្រៅទៅ អ្នកដែលមានថ្លើមខ្សោយ មិនគួរទទួលទានវាច្រើនពេកទេ ព្រោះអាចដាក់បន្ទុកបន្ថែមដល់ថ្លើម។ ដូចគ្នាទៅនឹងអ្នកដែលលើសជាតិស្ករស្រាប់ ក៏គួរតែជៀសវាងដូចគ្នា។ សម្រាប់មនុស្សទូទៅ ក៏គួរកំណត់ការទទួលទាននៅបរិមាណដ៏ទាបមួយ។
៤) ស្ករសូកូឡា
វាជាអាហារសម្រន់ដែលមនុស្សជាច្រើនចូលចិត្ត ដោយវាអាចបន្ធូរភាពតានតឹង ហើយជំរុញដល់ការផលិតដូប៉ាមីន តែវាក៏អាចបណ្តាលឲ្យធាត់ បង្កើនការសំយោគអង់ស៊ីមពោះវៀន និងដាក់បន្ទុកដល់បំពង់រំលាយអាហារផងដែរ។
៥) តែទឹកដោះគោ
ប្រភេទតែគុជទឹកដោះគោ ដែលក្មេងៗចូលចិត្តទទួលទាននោះ វាមិនល្អឡើយសម្រាប់ថ្លើម ហើយទទួលទានរយៈពេលយូរ នឹងអាចវិវត្តទៅជាជំងឺរលាកថ្លើម និងក្រិនថ្លើមបាន។ លើសពីនេះវាក៏មានធាតុផ្សំជាច្រើន ដែលមិនល្អសម្រាប់សុខភាព៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
