ជំពូកមនុស្ស ៤ ប្រភេទនេះ ដាច់ខាតកុំទាក់ទងឲ្យសោះ ប្រយ័ត្នស្ពាយទុក្ខដាក់ខ្លួន
ជារៀងរាល់ថ្ងៃយើងជួបនៅមនុស្សប្លែកមុខជាច្រើនខុសៗពីគ្នា ហើយទន្ទឹមនឹងនោះយើងក៏មិនអាចដឹងច្បាស់ថានរណាម្នាក់ល្អ នរណាម្នាក់អាក្រក់ដោយមើលតែមួយពព្រិចភ្នែកបានដែរ។ ប្រសិនអ្នកជ្រុលនឹងរាប់អាននរណាម្នាក់ហើយ សូមសិក្សាពីគេឲ្យច្បាស់សិន ជៀសវាងខាតបង់ពេលវេលានិងទឹកចិត្តល្អៗរបស់យើងទៅលើនរណាម្នាក់នោះ។
យើងបង្ហាញពីមនុស្ស ៤ ប្រភេទដែលអ្នកគួរជៀសឆ្ងាយ ហើយបើអាចកុំរាប់អានឲ្យសោះ៖
១) មនុស្សចូលចិត្តរុញកំហុសឲ្យអ្នកដទៃ
មនុស្សគេត្រឹមត្រូវបើដឹងខុស នឹងទទួលខុសហើយធ្វើការកែប្រែ ប៉ុន្តែជំពូកមនុស្សមួយប្រភេទទៀតពេលខ្លះខុសហើយ បើជាមិនដឹងខុសនិងចូលចិត្តរុញកំហុសនោះដាក់គ្នាទៅវិញទៅមក។ ប្រភេទមនុស្សបែបនេះគឺមិនចូលចិត្តទទួលស្គាល់ការពិតទេ ហើយក៏គ្មានថ្ងៃអាចអភិវឌ្ឍខ្លួនបានដែរ។
២) មនុស្សខ្សែលើ
ពាក្យនេះយើងឧស្សាហ៍លឺខ្លាំងណាស់ ព្រោះមានមនុស្សជាច្រើនដែលមិនសូវចេះនៅក្រោមគេឡើយ ពោលគ្រប់ពេលគ្រប់រឿងទាំងអស់ រមែងមើលឃើញតែប្រយោជន៍ដល់ខ្លួនឯង ឬយើងនិយមហៅថាមនុស្សខ្សែលើនោះឯង។
៣) មនុស្សដែលចេះតែត្រូវគ្រប់ពេល
ស្រដៀងនឹងប្រភេទមនុស្សទីមួយដែរ ដោយប្រភេទនេះជាមនុស្សមិនចេះស្តាប់ហេតុផល មិនចេះទទួលយកគំនិតយោបល់ពីអ្នកដទៃ ហើយដឹងតែការនិយាយ ការគិតរបស់ខ្លួនគឺសុទ្ធតែត្រូវទាំងអស់។
៤) ចូលចិត្តយកការខឹងសម្បាមកបាំងមុខ
ឲ្យតែពេលនិយាយមិនត្រូវគ្នាតិច ខឹង ប៉ះពាល់តិច ខឹង វាជារឿងមិនល្អឡើយ ព្រោះគ្រប់យ៉ាងគួររកវិធីដោះស្រាយដោយសន្តិវិធី ហើយក្នុងនាមយើងជាអ្នករាប់អានគេ ក៏មិនអាចទៅទ្រគេរហូតនោះដែរ៕
រក្សាសិទ្ធ៖ Knongsrok
ព័ត៌មានថ្មីៗ
