គួរដាំរុក្ខជាតិ ៤ នេះក្នុងផ្ទះ ព្រោះវាអាចបណ្ដេញពស់ និងសត្វល្អិតចង្រៃមិនហ៊ានមកក្បែរ
ប្រសិនបើអ្នកចង់ការពារខ្លួនអ្នកពីសត្វពស់ មូស និងសត្វល្អិតចង្រៃមួយចំនួនផ្សេងទៀត នៅខាងក្នុងបរិវេណផ្ទះរបស់អ្នក គួរតែមានដាំនៅរុក្ខជាតិ ៤ ប្រភេទដូចខាងក្រោម៖
៤) ផ្កាផ្កាអ័រគីដេ
វាមានផ្កាពណ៌ស្វាយ ហើយច្រើនតែគេដាំនៅតាមរបរបងផ្ទះ។ នៅពេលស្លឹករបស់វាជ្រុះ ក្លិននៃស្លឹកប្រៀបដូចជាខ្ទឹម ដែលជាទូទៅសត្វពស់វាស្អប់ក្លិននេះណាស់ ដូច្នេះវានឹងមិនមកបៀតឡើយ។
៣) ដើមតាតូកា
វាដូចជាដំឡូងមីអ៊ីចឹង តែឈ្មោះផ្លូវការគេហៅថា តាតូកា។ រុក្ខជាតិនេះក៏អាចបណ្តេញពស់បានយ៉ាងមានប្រសិទ្ធភាពដែរ។ លើសពីនេះយើងក៏អាចច្នៃវាយកមកទទួលទានជាភេសជ្ជៈនៅរដូវក្តៅបានថែមទៀត។
២) ដើមស្លឹកគ្រៃ
វាអាចដុះបាននៅកម្ពស់ ០,៨ ទៅ ១ ម៉ែត្រ ដោយយើងក៏អាចយកមកធ្វើជាគ្រឿងទេស ជួយឲ្យម្ហូបកាន់តែឆ្ងាញ់ ហើយក៏ជារុក្ខជាតិជួយព្យាបាលជំងឺផ្តាសាយ គ្រុនក្តៅ។ ម្យ៉ាងទៀតវាក៏អាចបណ្តេញពស់ និងសត្វល្អិតដូចជាកន្លាត មូស ស្រមោចបានថែមទៀតផង។
១) ដើមអណ្តាតគោ
អ្នកខ្លះគេហៅដើមអណ្តាតខ្លា ខ្លះគេហៅដើមអណ្តាតគោ ដោយវាក្រៅពីជួយបន្សុទ្ធខ្យល់ល្អសម្រាប់បរិយាកាសក្នុងផ្ទះ ទៀតសោតក៏អាចបណ្តេញសត្វល្អិតបានដូចបណ្តារុក្ខជាតិខាងលើ។ សួនច្បាររបស់អ្នកនឹងធានាថាគ្មានសត្វល្អិតគួរឲ្យខ្លាចមកបៀតទេ បើអ្នកមានដាំរុក្ខជាតិទាំងនេះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
