មនុស្ស ៦ ក្រុម! ដាច់ខាត ហាមលូកស្ពៃជូរ ឬស្ពៃជ្រក់
ស្ពៃជូរ ឬស្ពៃជ្រក់ ជាអាហារដ៏ពេញនិយមសម្រាប់មនុស្សមួយចំនួន។ ស្ពៃជូរមានផ្ទុកនូវសារធាតុ probiotics និងបាក់តេរីមានប្រយោជន៍ជាច្រើន ដែលធ្វើការដើម្បីគាំទ្រដល់សកម្មភាពរបស់ពោះវៀន ជម្រុញការរំលាយអាហារ និងពង្រឹងប្រព័ន្ធភាពស៊ាំ។ ដូច្នេះហើយ អាហារប្រភេទនេះពិតជាល្អសម្រាប់អ្នកដែលមានបញ្ហាប្រព័ន្ធរំលាយអាហារ រលាកពោះវៀន ហើមពោះ ទល់លាមក…។
លើសពីនេះ ស្ពៃជូរក៏ផ្តល់សារធាតុប្រឆាំងអុកស៊ីតកម្ម វីតាមីន និងសារធាតុរ៉ែ ដែលមានអត្ថប្រយោជន៍ដល់សុខភាពដូចជា វីតាមីន A វីតាមីន C វីតាមីន E សេលេញ៉ូម បេតាក្រូតេ ស័ង្កសី... អង់ស៊ីមនៅក្នុងស្ពៃជូរក៏ជួយកាត់បន្ថយភាពមិនស្រួលនៅពេលញ៉ាំអាហារដែលមានជាតិខ្លាញ់។
បើទោះជាយ៉ាងនេះក្តី ស្ពៃជូរក៏មានគ្រោះថ្នាក់ដល់សុខភាពជាច្រើនផងដែរ ជាពិសេសសម្រាប់មនុស្សមួយចំនួននេះ មិនគួរទទួលទានអាហារនេះឡើយ។
១. អ្នកដែលឈឺក្រពះ
ការទទួលទានស្ពៃជូរ នឹងជម្រុញការបញ្ចេញអាស៊ីតក្រពះ ជម្រុញការវិវត្តនៃជំងឺច្រាលក្រពះពោះវៀន និងបង្កជាដំបៅក្រពះដែលមានស្រាប់។ ហេតុដូចនេះហើយ សម្រាប់អ្នកដែលមានបញ្ហាក្រពះ ឬឈឺក្រពះ ដាច់ខាតកុំញ៉ាំឱ្យសោះ។
២. មានជំងឺនៃបំពង់រំលាយអាហារ
អ្នកដែលមានក្រពះខ្សោយ ពេលទទួលទានអាហារដែលមានជាតិ fermented ងាយនឹងកើតជំងឺរំលាយអាហារដូចជា រាគរូស គ្រុនពោះវៀន ជំងឺអាសន្នរោគ... អ្នកដែលមានការឈឺចាប់ក្រពះ ក៏ត្រូវគិតគូរផងដែរនៅពេលទទួលទានអាហារ។ វាកើតឡើងនៅពេលដែលមានការរលាកនៅក្នុង epigastrium ។ ដោយសារតែកំហាប់អាស៊ីតខ្ពស់នៅក្នុងអាហារនេះ វាអាចធ្វើឱ្យខូចស្រទាប់ក្រពះ និងបណ្តាលឱ្យដំបៅក្រពះ។
៣. អ្នកដែលមានសម្ពាធឈាមខ្ពស់
នេះគឺជាអាហារដែលមានជាតិអំបិលខ្ពស់។ នៅពេលដែលវាចូលទៅក្នុងខ្លួន អំបិលនឹងបង្កើន permeability នៃភ្នាសកោសិកាទៅសូដ្យូម បណ្តាលឱ្យមានការកើនឡើងនៃទឹកនៅក្នុងកោសិកា ការស្ទះសរសៃឈាមនាំឱ្យសម្ពាធឈាមកើនឡើង និងអាចនាំឱ្យមានផលវិបាកជាច្រើនដល់អ្នកជំងឺ។
៤. អ្នកដែលមានរាងកាយទន់ខ្សោយ ឬទើបជាពីជំងឺ
អ្នកដែលមានរាងកាយខ្សោយ ដែលទើបជាសះស្បើយពីជំងឺមិនគួរទទួលទានអាហារប្រភេទនេះឡើយ។
៥. ស្រ្តីមានផ្ទៃពោះ
ក្នុងអំឡុងពេលមានផ្ទៃពោះ វាហាក់បីដូចជាផ្លូវរំលាយអាហាររបស់ស្ត្រី កាន់តែងាយប៉ះទង្គិច ជាពិសេសអំឡុងពេលចាញ់កូន ខណៈពេលដែលស្ពៃជូរអាចក្លាយជាអាហារជម្រុញអារម្មណ៍ បង្កើនអារម្មណ៍នៃការហើមពោះ និងចង្អោរ។
លើសពីនេះ អ្នកនឹងមិនប្រាកដអំពីសុវត្ថិភាពនៃអាហារ និងរបៀបដែលសារធាតុបន្ថែមដែលអាចត្រូវបានបន្ថែមទៅក្នុងស្ពៃជូរ ដែលបង្កឱ្យប៉ះពាល់ដល់អ្នក និងទារកដែលមិនទាន់កើត។
ជាពិសេសក្នុងខែចុងក្រោយនៃការមានផ្ទៃពោះ អ្នកត្រូវញ៉ាំអាហារស្រាលៗ ដើម្បីចៀសវាងការហើមពោះ និងការពុល ដូច្នេះស្ត្រីមានផ្ទៃពោះមិនគួរទទួលទាននោះឡើយ។
៦. កុមារអាយុក្រោម ៥ ឆ្នាំ
មុខងារក្រលៀនរបស់កុមារមិនទាន់ពេញលេញនៅឡើយ ដូច្នេះការទទួលទានអាហារប្រភេទនេះច្រើន ក៏ប៉ះពាល់ដល់ការដកអំបិលចេញពីរាងកាយផងដែរ។ ម្យ៉ាងវិញទៀត ប្រព័ន្ធរំលាយអាហាររបស់ក្មេងមិនទាន់ពេញលេញនោះទេ ដូច្នេះក្មេងងាយនឹងមានបញ្ហារំលាយអាហារ៕
ប្រភព ៖ បរទេស / Knongsrok
ព័ត៌មានថ្មីៗ
