ហោរាសាស្ត្រ៖ នេះលេខ/ពណ៌នាំសំណាង និងឆុងហេងសម្រាប់ឆ្នាំទាំង ១២ នៅសប្ដាហ៍ថ្មី
តាមហោរាសាស្ត្របានទស្សន៍ទាយឲ្យដឹងនៅជោគជតារាសីសម្រាប់អ្នកកើតឆ្នាំទាំង ១២ រាប់ចាប់ពីថ្ងៃទី ២២ ឧសភា ដល់ ០៧ មិថុនា។ ក្នុងនោះមានបង្ហាញដូចខាងក្រោម៖
ឆ្នាំជូត
នៅកន្លែងធ្វើការអាចជួបបញ្ហាបន្តិចបន្តួច ពោលមិនសូវជាល្អប៉ុន្មានទេ ទាំងផ្នែកហិរញ្ញវត្ថុក្តី។ ទន្ទឹមនេះទំនាក់ទំនងស្នេហាក៏ដូចគ្នា ត្រូវប្រយ័ត្នពាក្យសម្តី និងអត់ធ្មត់ខ្ពស់បន្តិច។
លេខសំណាង: ៣,៥
ពណ៌សំណាង: ផ្កាឈូក, ខៀវ
ឆុងហេង: រកា, ខាល
ពេលវេលាល្អ: ម៉ោង ៩ ព្រឹក
ឆ្នាំឆ្លូវ
អ្នកកើតឆ្នាំគោ នឹងមានលាភសំណាង អាចទទួលបានឱកាសថ្មីក្នុងជីវិត ជួយឲ្យអភិវឌ្ឍទាំងអាជីពការងារ និងការរកស៊ី។ ស្ថានភាពហិរញ្ញវត្ថុរបស់អ្នកកើតឆ្នាំឆ្លូវ គឺកើនឡើងកម្រិតបង្គួរ រីឯទំនាក់ទំនងស្នេហា សម្រាប់អ្នកនៅលាវ អាចជានឹងជួបគូព្រេង។
លេខសំណាង: ៩,១១
ពណ៌សំណាង: ទឹកក្រូច, ខ្មៅ
ឆុងហេង: មមី, កុរ
ពេលវេលាល្អ: ម៉ោង ៧ ព្រឹក
ឆ្នាំខាល
ដំណើរការជីវិតរបស់អ្នកកើតឆ្នាំខាលនៅសប្តាហ៍នេះ គឺរលូនល្អជាងឆ្នាំឯទៀត ហើយផ្នែកហិរញ្ញវត្ថុក៏ទទួលបានផលចំណេញខ្ពស់ធៀបនឹងពេលវេលាមុនៗ។ រីឯទំនាក់ទំនងស្នេហា ក៏មិនជាមានបញ្ហាអ្វីដែរ។
លេខសំណាង: ១២,២៥
ពណ៌សំណាង: ក្រហម
ឆុងហេង: ជូត, ថោះ
ពេលវេលាល្អ: ៤ ល្ងាច
ឆ្នាំថោះ
អាជីពការងាររបស់អ្នកកើតឆ្នាំថោះ ក៏មិនមានការរាំងស្ទះអ្វីដែរ ហើយអាចដំណើរការទាន់ពេលវេលាល្អ រីឯផ្នែកហិរញ្ញវត្ថុ គឺអាចជួបការធ្លាក់ចុះបន្តិច។ ទន្ទឹមនោះទំនាក់ទំនងស្នេហា ក៏អាចមានភាពច្របូកច្របល់តិចតួចផងដែរ។
លេខសំណាង: ២,៥
ពណ៌សំណាង: ខ្មៅ, ខៀវ
ឆុងហេង: ច, វក
ពេលវេលាល្អ: ៥ ព្រឹក
ឆ្នាំរោង
អ្នកកើតឆ្នាំរោង នឹងអាចបំពេញកិច្ចការងារបានយ៉ាងរលូន ហើយស្ថានភាពហិរញ្ញវត្ថុគឺនៅកម្រិតបង្គួរ មិនឡើងចុះខ្លាំងនោះទេ។ ស្នេហាគឺផ្អែមល្ហែម អាចនៅក្បែរគ្នាយ៉ាងល្អូកល្អិនចន្លោះពេលនេះ។
លេខសំណាង: ១០,២២
ពណ៌សំណាង: មាស, ស្វាយ
ឆុងហេង: ឆ្លូវ
ពេលវេលាល្អ: ១០ ព្រឹក
ឆ្នាំម្សាញ់
អ្នកអាចជាជួបបញ្ហាច្រើននៅកន្លែងការងារ ដូច្នេះចូរមានការអត់ធ្មត់ឲ្យបានខ្ពស់បន្តិច។ ចំណែកឯស្ថានភាពហិរញ្ញវត្ថុក៏មានការធ្លាក់ចុះ ហើយស្នេហានឹងមានរឿងរកាំរកូសគ្នាតិចតួចដែរ។
លេខសំណាង: ៨,១២
ពណ៌សំណាង: ខៀវ
ឆុងហេង: រោង, ច
ពេលវេលាល្អ: ២ រសៀល
ឆ្នាំមមី
ជោគជតារាសីរបស់អ្នកកើតឆ្នាំសេះ គឺឡើងខ្ពស់ត្រដែតកំឡុងពេលនេះ ដែលអាចនាំឲ្យហិរញ្ញវត្ថុរបស់ពួកគេមានការកើនឡើង ប៉ុន្តែទាក់ទិននឹងការវិនិយោគនានា ចូរកុំទាន់បង្ខំពេកអី។ ចំពោះរឿងរ៉ាវស្នេហា បើកន្លងមកមានការឈ្លោះប្រកែក ពេលនេះក៏ដល់ពេលផ្សះផ្សាត្រូវរ៉ូវគ្នាវិញហើយ។
លេខសំណាង: ១៥,៣០
ពណ៌សំណាង: ទឹកក្រូច, ត្នោត
ឆុងហេង: ខាល, ម្សាញ់
ពេលវេលាល្អ: ១២ ថ្ងៃត្រង់
ឆ្នាំមមែ
បើជាសិស្ស គឺមានលទ្ធផលល្អក្នុងការសិក្សា បើជាអ្នកធ្វើការ គឺមានថ្នាក់លើសរសើរក្នុងអាជីពការងារ។ ចំពោះស្ថានភាពហិរញ្ញវត្ថុឯណោះវិញ អ្នកក៏មានឱកាសបង្កើតចំណូលបានច្រើន តែត្រូវរិះបន្តិចលើការចំណាយ កុំធូរពេកអី។ ស្នេហាវិញ គឺមានភាពល្អប្រសើរជាងមុន ប្រសិនបើមិនទាន់មានដៃគូ អ្នកអាចជានឹងដល់គូឆាប់ៗ។
លេខសំណាង: ២,១២
ពណ៌សំណាង: លឿង, ក្រហម
ឆុងហេង: ថោះ, មមី
ពេលវេលាល្អ: ៨ ព្រឹក
ឆ្នាំវក
អ្នកកើតឆ្នាំវក ឬស្វា នឹងជួបបញ្ហានៅកន្លែងការងារ ហើយផ្នែកហិរញ្ញវត្ថុក៏នឹងមានការធ្លាក់ចុះ។ រីឯទំនាក់ទំនងស្នេហា អាចសប្បាយពាក់កណ្ដាល រីករាយពាក់កណ្ដាល ចំពោះអ្នកនៅលីវមិនជាមានបញ្ហាអ្វីទេ។
លេខសំណាង: ២៥, ២៨
ពណ៌សំណាង: លឿង, បៃតង
ឆុងហេង: កុរ, ជូត
ពេលវេលាល្អ: ១០ ព្រឹក
ឆ្នាំរកា
អ្នកកើតឆ្នាំរកា នឹងជួបលាភសំណាងខ្ពស់ ហើយបើក្នុងវិស័យការងារ អាចជានឹងបានឡើងឋានៈតួនាទីថែមទៀត។ យ៉ាងណាស្ថានភាពហិរញ្ញវត្ថុរបស់ពួកគេ គឺបង្គួរ មិនឡើងចុះខ្ពស់ពេកឡើយ។ រីឯស្នេហា អ្នកមិនទាន់ដល់គូទេ ព្រោះពេលនេះកំពុងមមាញឹកនឹងការងារ ការរកស៊ីខ្លាំងពេក។
លេខសំណាង: ៦,១២
ពណ៌សំណាង: ស, ខ្មៅ
ឆុងហេង: វក
ពេលវេលាល្អ: ១២ ថ្ងៃត្រង់
ឆ្នាំច
អ្នកកើតឆ្នាំច ដែលជាឆ្នាំទី ១១ អាចពិបាកក្នុងការផ្តោតធ្វើការងារបន្តិច អារម្មណ៍ពួកគេហាក់ស្មុគស្មាញ មិនរលូនល្អឡើយនៅសប្តាហ៍នេះ។ ចំពោះហិរញ្ញវត្ថុក៏មានការធ្លាក់ចុះបន្តិចដែរ ហើយមានគម្រោងវិនិយោគអី ត្រូវតែជៀសសិន។ ស្នេហាវិញ បើមនុស្សនៅឆ្ងាយពីគ្នា អាចកាន់តែពិបាក។
លេខសំណាង: ៩, ១៨
ពណ៌សំណាង: ក្រហម, លឿង
ឆុងហេង: ជូត, ឆ្លូវ
ពេលវេលាល្អ: ២ រសៀល
ឆ្នាំកុរ
អ្នកកើតឆ្នាំកុរ អាចជាមិនសូវជួបរឿងល្អឡើយនៅសប្តាហ៍នេះ ហើយអាចមានរឿងលំបាកច្រើនក្នុងជីវិត តែកុំអស់សង្ឃឹម ព្រោះត្រឹមតែរយៈពេលខ្លីប៉ុណ្ណោះ។ ដូចគ្នាទៅនឹងស្ថានភាពហិរញ្ញវត្ថុ ក៏ទាមទារឲ្យអ្នកអត់ធ្មត់បន្តិចដែរនៅកំឡុងពេលនេះ។ ខុសគ្នានឹងស្នេហា អ្នកកើតឆ្នាំកុរបែរជាដល់គូទៅវិញ ប្រសិនជាពួកគេកំពុងនៅលាវ។
លេខសំណាង: ៨,១០
ពណ៌សំណាង: ខ្មៅ
ឆុងហេង: ខាល, ច
ពេលវេលាល្អ: ៥ ល្ងាច
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
