ម៉ាក់ៗគ្រប់រូបគួរយល់ដឹង! អាហារទាំង ៦ ដែលជួយដល់ការលូតលាស់របស់កុមារ
ឪពុកម្តាយគ្រប់រូបតែងប្រាថ្នាចង់ឃើញកូនរបស់ពួកគាត់លូតលាស់មានសុខភាពល្អនិងសប្បាយរីករាយ។ បញ្ហាប្រឈមដ៏ធំបំផុតមួយនៃភាពជាឪពុកម្តាយគឺជាកិច្ចការដែលធ្វើឱ្យប្រាកដថាកូនរបស់អ្នកកំពុងទទួលបានបរិមាណអាហារូបត្ថម្ភត្រឹមត្រូវជារៀងរាល់ថ្ងៃ និងការឡើងទម្ងន់ដែលមានសុខភាពល្អផងដែរ។
តោះមើលអាហារសុខភាពទាំង ៦ មុខសម្រាប់ក្មេងក្នុងការលូតលាស់និងឡើងទម្ងន់៖
១. ដំឡូង
ដំឡូងបារាំងមានកាបូអ៊ីដ្រាតត្រូវបានបំលែងទៅជាគ្លុយកូស ដែលរាងកាយរបស់អ្នកប្រើប្រាស់សម្រាប់ថាមពល។ ការសិក្សាមួយបានរកឃើញថា ដំឡូងត្រូវបានក្មេងៗពេញចិត្តយ៉ាងខ្លាំង ហើយអាចជាប្រភពដ៏ល្អនៃប៉ូតាស្យូម និងជាតិសរសៃអាហារសម្រាប់កុមារអាយុពីមួយឆ្នាំទៅបីឆ្នាំ។
២. ស៊ុត
ស៊ុតត្រូវបានគេស្គាល់ថាជាប្រភពសម្បូរទៅដោយប្រូតេអុីន វីតាមីន និងខ្លាញ់ដែលនាំមកនូវសុខភាពល្អបំផុត។ ពួកវាជាអាហារដែលល្អបំផុតសម្រាប់ក្មេងចង់ឡើងទម្ងន់។ ពួកវាជួយក្នុងការឡើងទម្ងន់តាមសមាមាត្រ ហើយក៏ជួយក្នុងការថែរក្សាទម្ងន់ព្រមទាំងមានសុខភាពល្អផងដែរ។ ស៊ុតក៏ជួយដល់ការអភិវឌ្ឍដ៏សំខាន់នៃខួរក្បាល និងប្រព័ន្ធប្រសាទផងដែរ។
៣.ចេក
ចេកជាអាហារដែលផ្តល់ថាមពលហើយសំបូរទៅដោយកាបូអុីដ្រាតដែលល្អសម្រាប់ការឡើងទម្ងន់។ ជាមធ្យម ចេកមួយត្រូវបានគេដឹងថាមានប្រហែល ១០៥ កាឡូរី ដែលធ្វើឱ្យវាក្លាយជាអាហារសម្រន់សម្រាប់ស្ទើរតែគ្រប់គ្នា និងសូម្បីតែសម្រាប់កូនតូចៗក៏ដោយ។ បន្ថែមពីលើនេះ ផ្លែឈើនេះអាចត្រូវបានគេប្រើប្រាស់ក្នុងទម្រង់ជាទឹកដោះគោខាប់ សាឡាត់ផ្លែឈើ បង្អែមក្រែម ឬញុំាស្រស់ៗកាន់តែល្អ។
៤. ផលិតផលទឹកដោះគោ
ទឹកដោះគោ ឈីស និងប៊ឺ គឺជាអាហារសំខាន់នៅក្នុងរបបអាហាររបស់កុមារ។ ទឹកដោះគោផ្ទុកទៅដោយជាតិកាល់ស្យូមដ៏ល្អ ដែលជួយក្នុងការកសាងឆ្អឹងឱ្យរឹងមាំ និងរក្សាសុខភាពទូទៅរបស់កូនតូចរបស់អ្នក។ ត្រូវប្រាកដថាអ្នកផ្តល់ទឹកដោះគោឱ្យកូនយ៉ាងហោចណាស់ពីរកែវក្នុងមួយថ្ងៃ ដើម្បីសុខភាពល្អនិងឡើងទម្ងន់។
៥. សាច់មាន់
សាច់មាន់គឺជាប្រភពដ៏សម្បូរបែបនៃប្រូតេអុីន និងជួយក្នុងការកសាងសាច់ដុំនៅក្នុងរាងកាយពីកុមាររហូតដល់មនុស្សពេញវ័យ។ សាច់មាន់ងាយស្រួលក្នុងការចំអិន និងជាអាហារសំខាន់ក្នុងចំណោមអ្នកមិនបួសភាគច្រើន។
៦.ផ្លែឈើក្រៀម
វាជាអាហារល្អបំផុតសម្រាប់ក្មេងឡើងទម្ងន់។ អាហារទាំងនេះមិនត្រឹមតែផ្ទុកទៅដោយសារធាតុចិញ្ចឹមសំខាន់ៗប៉ុណ្ណោះទេ ប៉ុន្តែវាក៏មានជាតិសរសៃខ្ពស់ផងដែរ ហើយនឹងផ្តល់ឱ្យកូនតូចរបស់អ្នកនូវ កាឡូរីដែលពូកគេត្រូវការ។ លើសពីនេះទៀត ពួកគេត្រូវបានគេស្គាល់ថាសម្រាប់ការបង្កើនភាពស៊ាំរបស់កូនតូចរបស់អ្នកផងដែរ៕
ប្រភព៖ បរទេស
ប្រភពរូបភាព៖ Google Image
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
