៥ ចំណុចសម្គាល់ពីអ្នកមានអាយុវែង ក្មេងជាងវ័យ ស្រីៗណាមាន រាប់ថាសំណាងធំហើយ
យោងតាមអ្នកជំនាញផ្នែកសុខភាព បានបង្ហាញពីការកត់សម្គាល់នូវ ៥ ចំណុចធំៗ ដែលអាចដឹងថានារីម្នាក់នោះ មានសុខភាពល្អ អាចមានអាយុវែង ក្មេងជាងវ័យឬអត់? ប្រសិនអ្នកមាន ២-៣ ក្នុងចំណោម ៥ ចំណុចខាងក្រោម នោះរាប់ថាអ្នកជាស្រ្តីដែលមានសំណាងមួយហើយក្នុងជីវិត៖
៥) បបូរមាត់ក្រហមស្បែកស
ស្រ្តីដែលមានសុខភាពល្អ រមែងមានបបូរមាត់ឡើងពណ៌ក្រហម និងរលោង ខុសពីអ្នកដែលមានរាងកាយខ្សោយ បបូរមាត់តែងតែមានសភាពពណ៌ស្លេក។ ដោយសារតែចរន្តឈាមមានការផ្សារភ្ជាប់ទៅកាន់ផ្នែកបបូរមាត់ ដូច្នេះបើមានការផ្គត់ផ្គង់ឈាមល្អ នោះពណ៌បបូរមាត់ក៏ឡើងភ្លឺរលោងល្អដែរ។ ការសិក្សាមួយចំនួនបានឲ្យដឹងថា បបូរមាត់កាន់តែក្រហមធ្វើឲ្យស្រ្តីកាន់តែមានភាពទាក់ទាញ។ មួយវិញទៀត ពណ៌ក្រហមនៅលើបបូរមាត់ក៏ជាភាពទាក់ទាញមួយ ដល់ចំណង់ផ្លូវភេទដូចគ្នា។
ស្រដៀងគ្នាទៅនឹងពណ៌ស្បែក មិនមែនថាតែសចែងចាំងខ្លាំងទេ តែជាលក្ខណៈស្បែកមានពណ៌ភ្លឺស្អាត ឬឡើងបែកផ្កាឈូកបន្តិច នោះមានន័យថា ចរន្តឈាមរបស់អ្នកដើរល្អ ពោលក៏រមែងមានរាងកាយក្មេងជាងវ័យផងដែរ។
ចំពោះវិធីដែលអាចជួយឲ្យស្បែកសរួមមាន៖ ការផឹកទឹកឲ្យច្រើន ពោលព្យាយាមផឹកទឹក ៦-៨ កែវ/ថ្ងៃ យើងនឹងទទួលលទ្ធផលល្អប្រសើរពីទឹកធម្មជាតិទាំងនេះ។ មួយផ្សេងទៀត គឺការទទួលទានផ្លែការ៉ុត និងប៉េងប៉ោះឲ្យបានជាប្រចាំ ព្រោះវាមានផ្ទុកបរិមាណវីតាមីន C និងការ៉ូទីន យ៉ាងច្រើនលើសលុប មានអត្ថប្រយោជន៍ខ្លាំង ទៅលើស្បែក។
៤) ពណ៌សក់ភ្លឺចែងចាំង
ស្រ្តីមានអាយុរាង ៣០ ឆ្នាំជ្រេអី ឥឡូវរមែងឃើញមានស្កូវលើសក់ហើយ ប៉ុន្តែបើសក់របស់អ្នកនៅឆ្លុះបង្ហាញចេញមកពីភាពភ្លឺរលោងដដែលនោះ ក៏មានន័យថា ឈាមរបស់អ្នកនៅដំណើរការល្អ ព្រោះការលូតលាស់សក់នេះសោត វាអាស្រ័យទៅលើការច្រុះឈាមដោយឆ្លងកាត់តម្រងនោមឬក្រលៀន។
តម្រងនោមដែលមានសុខភាពល្អ អាចដើរតួនាទីច្រោះឈាមបានល្អគ្រប់គ្រាន់ នោះក៏ជួយឲ្យសក់មើលមកឃើញសភាពរលោង ខ្មៅ មិនបែកពណ៌ឡើងស្កូវឬប្រផេះឡើយ។
៣) ដៃនិងជើងកក់ក្តៅ
យោងតាមក្បួនវេជ្ជសាស្ត្រចិន គេស្ទាបតែដៃនិងជើង ក៏អាចដឹងពីរាងកាយមនុស្សនោះ មានសុខភាពល្អឬអត់ដែរ ព្រោះអីវាសបង្ហាញពីចរន្តឈាម ថាដំណើរការល្អឬអត់ មានកាកសំណល់ជាតិពុលច្រើនឬអត់ ឬវាត្រូវបានចម្រោះចេញទាន់ពេលឬអត់ផងដែរ។ ប្រសិនជាសភាពដៃជើង ក្តៅប្រែប្រួលទៅតាមសីតុណ្ហភាព មិនចុះត្រជាក់រហូត នោះគឺជាសញ្ញាល្អ។
ជាសារណែនាំ អ្នកគួរប្តូរមកទទួលទានទឹកក្តៅឧណ្ឌៗជាប្រចាំ ឲ្យបានច្រើនជាងទឹកត្រជាក់ ត្រង់ថាការផឹកទឹកក្តៅ អាចជួយដាស់ប្រព័ន្ធគ្រប់គ្រងកម្តៅក្នុងរាងកាយនឹងជួយឲ្យធ្វើការបានល្អ។ នៅពេលដែលរាងកាយបញ្ចេញសកម្មភាពដើម្បីស្របទៅជាមួយកម្ដៅទឹក នាំឲ្យសីតុណ្ហភាពខាងក្នុងធ្លាក់ចុះ អាចជួយដាស់ប្រព័ន្ធមេតាបូលីសដំណើរបានការតែខ្លាំង។
២) គេងរហូតដល់ព្រឹក
តាមក្បួនបុរាណចិន ប្រសិនមនុស្សម្នាក់គេងគ្រប់គ្រាន់ គឺរាប់ថា ជាកត្តាជួយឲ្យអាយុវែងមួយផ្នែកទៅហើយ។ ជាទូទៅប្រសិនមនុស្សមានបញ្ហាការគេង គេងលក់មិនស្កប់ស្កល់ នោះបង្ហាញថា រាងកាយមានការបញ្ហាមិនល្អនូវសរីរាង្គមួយចំនួន ឬមានការគិតច្រើន។
ផ្ទុយទៅវិញ បើអ្នកជួបបញ្ហាគេងមិនលក់ស្ទើរតែកើតឡើងញឹកញាប់ និងក្នុងរយៈពេលយូរទាមទារឲ្យមានការពិគ្រោះជាមួយគ្រូពេទ្យឲ្យបានដិតដល់ ដើម្បីស្វែងរកដំណោះស្រាយត្រឹមត្រូវ តែបើត្រឹមម្តងម្កាលគឺមិនអីនោះទេ។
១) មានស្មារតីល្អ
តាមការសិក្សាពីសហរដ្ឋអាមេរិកបង្ហាញថា ស្រ្តីដែលមានអាយុវែង រមែងជាស្រ្តីដែលមានស្មារតីល្អ អារម្មណ៍ល្អ មិនសូវពិបាកចិត្ត ពោលវាគឺជាកត្តាជះឥទ្ធិពលដល់អាយុកាលជីវិតរបស់អ្នកដូចគ្នា។
ដូច្នេះបើអ្នកមានអារម្មណ៍រីករាយច្រើន មិនសូវស្រ្តេសនោះ ក៏ជួយឲ្យប្រព័ន្ធរំលាយអាហារដំណើរការល្អ ភាពធន់នៃរាងកាយក៏ល្អ អាចនាំឲ្យអ្នកមានអាយុវែងបាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
